Voetnoot

b San wan sma musu du te datra kon si taki wan sani no bun nanga wan embrio di e gro na ini en bere? San a musu du te moro leki wán pikin bigin gro na ini en bere? We, efu wan sma du wan sani fu puru den, dan na puru a e puru a bere. Te wan sma hori bere nanga yepi fu IVF, dan nofo tron moro leki wán pikin o gro na ini en bere. Dati meki furu fu den sma disi e kisi twelengi, drilengi noso moro pikin. Disi kan tyari bigi problema kon. Son leisi a mama e meki den pikin tumusi fruku èn a kan lasi bun furu brudu. Fu dati ede, te wan uma de nanga bere fu furu pikin, datra kan taigi en fu puru wán noso moro fu den pikin. Efu a e gi datra primisi fu du disi, dan na kiri den o kiri den pikin.​—Eks. 21:22, 23; Ps. 139:16.