Waktitoren LIBRARY TAPU INTERNET
Waktitoren
LIBRARY TAPU INTERNET
Sranantongo
  • BIJBEL
  • BUKU
  • KONMAKANDRA
  • ijwbq artikel 166
  • Moni na a rutu fu ala ogri?

Felem no de na a pisi disi.

Sorry, wan sani no go bun di wi pruberi fu drai a felem.

  • Moni na a rutu fu ala ogri?
  • Piki tapu aksi fu Bijbel
  • Edeprakseri
  • A srefi sortu tori
  • A piki fu Bijbel
  • San Bijbel e taki fu moni?
  • Fu san ede Bijbel e warskow wi fu no lobi moni?
  • Sortu wini wi kan kisi te wi e teki a Bijbel rai di abi fu du nanga moni?
  • Fa Yu Kan Abi wan Yoisti Denki fu Moni?
    A Waktitoren—A e taki fu Yehovah Kownukondre 2001
  • Fa fu gebroiki moni
    Yu kan abi wan koloku osofamiri
  • Yu Wani Lasi Yu Moni Noso Yu Libi?
    A Waktitoren—A e taki fu Yehovah Kownukondre 2001
  • Fa fu gebroiki moni na wan bun fasi
    A Waktitoren—A e taki fu Yehovah Kownukondre 2009
Moro sani
Piki tapu aksi fu Bijbel
ijwbq artikel 166
Wan man e langa en anu fu teki wan heri ipi moni.

Moni na a rutu fu ala ogri?

A piki fu Bijbel

Nôno. Bijbel no e taki dati moni na wan ogri sani èn a no e taki tu dati na moni e meki taki ala sortu ogri e pasa. Te sma e taki dati „moni na a rutu fu ala ogri”, dan na wan pisi nomo fu wan Bijbeltekst den e kari dya. Den no e kari a heri Bijbeltekst. San Bijbel e taki trutru na taki „a lobi di sma abi gi moni na a rutu fu ala ogri”.a​—1 Timoteyus 6:10, King James Version. Na wi skrifi a wortu „lobi” nanga fatu letter.

  • San Bijbel e taki fu moni?

  • Fu san ede Bijbel e warskow wi fu no lobi moni?

  • Sortu wini wi kan kisi te wi e teki a Bijbel rai di abi fu du nanga moni?

  • Bijbel vers di e taki fu moni

San Bijbel e taki fu moni?

Bijbel e sori taki moni kan de wan bun sani te sma e gebroiki en na wan koni fasi èn taki moni kan „kibri” sma srefi (Preikiman 7:12). Boiti dati, Bijbel e prèise den wan di lobi gi tra sma sani, soleki moni.​—Odo 11:25.

Ma Bijbel e warskow tu fu no meki moni tron a moro prenspari sani na ini wi libi. Bijbel e taki: „No meki a fasi fa unu e libi sori taki unu lobi moni. Ma un musu breiti nanga den sani di unu abi now” (Hebrewsma 13:5). San wi kan leri fu disi na taki wi musu poti moni na a yoisti presi èn taki wi no musu feti fu kon gudu nomonomo. Na presi fu dati, wi musu breiti nanga den sani di wi abi fanowdu trutru soleki nyanyan, krosi nanga wan tanpresi.​—1 Timoteyus 6:8.

Fu san ede Bijbel e warskow wi fu no lobi moni?

Sma di abi bigi-ai no o kisi têgo libi (Efeisesma 5:5). Te wan sma abi bigi-ai, dan na a srefi leki te a ben o du afkodrei, noso anbegi falsi gado (Kolosesma 3:5). Wan tra sani na taki te wan sma di abi bigi-ai e feti fu kisi nomonomo san a wani, dan furu tron a e frigiti ala den bun sani di a leri. Odo 28:20 e taki dati ’sma di e hasti densrefi fu kon gudu o meki fowtu’. A kan taki den o go du wan lo ogri sani srefi. Kande den e pruberi fu tapu skreki gi sma soso fu kisi moni, noso kande den e bedrigi trawan, den e fufuru sma tyari gowe gi moni noso den e kiri trawan.

Srefi efu a lobi gi moni no e meki taki wan sma go du ogri, toku a kan abi tra takru bakapisi gi a sma. Bijbel e taki dati „den sma di wani kon gudu nomonomo e kisi tesi èn den e fadon go na ini wan trapu. Den wani go du ala sortu dondon sani èn den e kisi ala sortu takru lostu.”​—1 Timoteyus 6:9.

Sortu wini wi kan kisi te wi e teki a Bijbel rai di abi fu du nanga moni?

Na presi fu poti na wi ede nomonomo taki wi wani moni, wi musu tan du den bun sani di Gado leri wi. Te wi e du dati dan wi no o lasi lespeki gi wisrefi, Gado o breiti nanga wi èn a o yepi wi. Gado e pramisi den sma di e meki muiti fu plisi en: „Mi no o libi yu kwetikweti èn noiti mi o gowe fu yu” (Hebrewsma 13:5, 6). Gado e gi wi a dyaranti tu taki „wan man di e du san reti o kisi furu blesi”.​—Odo 28:20.

Bijbel vers di e taki fu moni

Preikiman 7:12: „Moni e kibri sma.”

San disi wani taki: Te wan sma e gebroiki moni na wan koni fasi, dan dati kan yepi en fu no abi furu broko-ede.

Lukas 12:15: „Srefi te wan sma abi furu gudu, toku den sani di a abi no kan gi en libi.”

San disi wani taki: Moni a no a moro prenspari sani na ini a libi èn a no o yepi wi tu fu kisi frulusu.

1 Timoteyus 6:10: „Lobi gi moni na a rutu fu ala sortu ogri sani. Fu di son sma kweki a lobi dati, meki den gowe libi a bribi èn den gi densrefi furu pen, neleki na dyuku den dyuku densrefi.”

San disi wani taki: Moni srefi a no wan fowtu sani. Ma te sma lobi moni, dan den e si moni leki a moro prenspari sani na ini den libi èn disi kan meki taki den e kisi wan lo problema. Kande sani no e go bun kwetikweti na ini na osofamiri fu den noso a no e go bun nanga a gosontu fu den fu di den e wroko tumusi furu.

Hebrewsma 13:5: „No meki a fasi fa unu e libi sori taki unu lobi moni. Ma un musu breiti nanga den sani di unu abi now.”

San disi wani taki: A moro bun fu de tevrede nanga den sani di wi abi fanowdu trutru, na presi fu wani kon gudu nomonomo.

Mateyus 19:24: „A moro makriki gi wan kameili fu pasa na ini wan nanai-olo, leki gi wan guduman fu go na ini a Kownukondre fu Gado.”

San disi wani taki: Di Yesus gi wan yongu guduman a kari fu tron wan bakaman fu en, a man no teki a kari disi, fu di a no ben wani libi den gudu fu en. Dati meki Yesus ben e warskow wi taki efu wan sma feni taki gudu moro prenspari leki fu anbegi Gado, a dan kan lasi a têgo libi fu en.

a A Bijbeltekst disi vertaal tu leki: „Lobi gi moni na a rutu fu ala sortu ogri sani.”

    Sranantongo buku (1978-2025)
    Log Out
    Log In
    • Sranantongo
    • Seni en gi wan sma
    • Settings
    • Copyright © 2025 Watch Tower Bible and Tract Society of Pennsylvania
    • Gebruiksvoorwaarden
    • Privacybeleid
    • Privacyinstellingen
    • JW.ORG
    • Log In
    Seni en gi wan sma