• A opo taki gi a pipel fu Gado
    Teki na eksempre fu sma di ben abi bribi

    • 22. Fu san ede Ester ben frede fu go na fesi a kownu? (Luku sosrefi den sani di skrifi na ondrosei fu bladzijde 154.)

      22 A ben musu fu de so taki Ester skreki kefalek di a yere a boskopu dati. A sani disi ben o de wan bigi tesi gi en. A ben frede èn a meki Mordekai kon sabi dati. A memre Mordekai na a wèt fu a kownu di ben taki dati wan sma di ben kon na fesi a kownu sondro taki a kari en, ben o kisi dedestrafu. Soso te a kownu ben o langa en gowtu tiki gi en, dan a sma dati ben o tan na libi. Fa sani ben o waka gi Ester? A ben kan fruwakti taki a kownu ben o meki a tan na libi? A ben sabi san ben pasa nanga Fasti di a ben weigri fu go na Kownu di a seni kari en. A ben taigi Mordekai taki a kownu no ben seni kari en 30 dei kaba! Te yu luku en bun, dan wi kan frustan fu san ede a ben aksi ensrefi efu a kownu disi di ben kenki en prakseri ibri tron baka, ben lobi en ete.e​—Ester 4:9-11.

  • A opo taki gi a pipel fu Gado
    Teki na eksempre fu sma di ben abi bribi

    • e Sma ben sabi Serkses I leki wan kownu di ben e kenki en prakseri ibri tron baka, èn di ben e kisi atibron esi-esi. A Griki historia skrifiman Herodotus, skrifi wan tu sani di ben e sori fa a feti fu Serkses nanga Grikikondre ben waka. A kownu ben gi a komando fu poti sipi sei na sei leki wan pondo-broki na ini a pisi watra di nen Hellespont. Di wan bigi winti pori a pondo-broki, dan a meki sma koti na ede puru fu den man di ben meki a broki disi. Boiti dati, fu strafu a watra, a meki sma wipi a watra aladi den ben e leisi wan boskopu nanga tranga sten fu kosi a watra. Na a srefi pisi ten dati, di wan gudu man ben begi en fu no meki a manpikin fu en go na ini a legre, dan Serkses meki sma koti a manpikin fu a man disi na tu, èn fu tapu skreki gi a pipel, a meki den poti a dedeskin na wan presi pe ala sma ben kan si en.