Waktitoren LIBRARY TAPU INTERNET
Waktitoren
LIBRARY TAPU INTERNET
Sranantongo
  • BIJBEL
  • BUKU
  • KONMAKANDRA
  • w86 1/3 blz. 8-12
  • A soifri-reti-fasi foe Job — Soema kan waka na baka dati?

Felem no de na a pisi disi.

Sorry, wan sani no go bun di wi pruberi fu drai a felem.

  • A soifri-reti-fasi foe Job — Soema kan waka na baka dati?
  • A Waktitoren—A e taki fu Yehovah Kownukondre 1986
  • Edeprakseri
  • A srefi sortu tori
  • Den sma di de leki Job
  • Te wi e ondrofeni tesi
  • Te wi e kisi pir’ai
  • Fertrow tapoe Gado no tapoe goedoe
  • Seks moraliteit
  • San kan jepi wi
  • Yob ben gi glori na a nen fu Yehovah
    A Waktitoren—A e taki fu Yehovah Kownukondre 2009
  • Na soifri-reti-fasi foe Job — Foe san-ede a de so aparti?
    A Waktitoren—A e taki fu Yehovah Kownukondre 1986
  • Yob e tan du san reti
    San na a boskopu fu Bijbel?
  • Edepenti fu a buku Yob
    A Waktitoren—A e taki fu Yehovah Kownukondre 2006
Moro sani
A Waktitoren—A e taki fu Yehovah Kownukondre 1986
w86 1/3 blz. 8-12

A soifri-reti-fasi foe Job — Soema kan waka na baka dati?

„A sa wegi mi tapoe wan soifri wegi èn Gado sa kon sabi mi soifri-reti-fasi.” — JOB 31:6.

1. Foe san-ede a boen foe loekoe na eksempre foe Job èn sortoe aksi e kon a fesi?

JOB ben de overtoigi foe en soifrireti-fasi, èn foe datmeki a ben de klari sote dati Gado ben ondrosoekoe en. Na eksempre foe en kan de wan bigi dek’ati gi wi ini a ten disi, a spesroetoe ten pe Satan e doe ala moeiti foe broko na soifri-reti-fasi foe ala sma di e dini Gado (1 Petrus 5:8). Nanga dati na ini prakseri na disipel Jakobus ben taki: „Teki leki wan model foe a pina foe ogri èn na sori foe pasensi den proféti”, spesroetoe Job (Jakobus 5:10, 11). Ma soema kan waka na baka na soifri-reti-fasi foe Job? Wi kan doe en? Na ini sortoe fasi Job e gi wi wan eksempre na ini na kibri foe wan soifri-reti-fasi?

2. (a) San a nen Job wani taki? (b) San ben doe kon nanga na libi pasi foe soifri-retifasi foe Job?

2 Na nen Job wani taki „sani foe féjantifasi”, èn dati Job ben de séker. Ma di Jehovah ben teki na aksi foe Satan èn ben poeroe na skotoe lontoe Job di ben kibri en, dan ibri moeiti di Satan ben doe foe broko na soifri-reti-fasi foe Job na Gado ben misi en marki (Job 1:1-2:10). Nanga dati Job ben gi wan piki na tapoe na sani di Satan ben taki foe kosi Gado, dati a ben kan drai ibriwan sma foe no-dini Gado (Odo 27:11). Foe di Job ben hori na en soifri-reti-fasi, a ben ferteri te joe loekoe en boen gi na heri universum foe jere: ’Satan, joe de wan feragti léman, bika Jehovah na mi Gado, èn mi sa kibri mi soifrireti-fasi na en, san e psa ooktoe!’ — Job 27:5.

Den sma di de leki Job

3. Soema ben de ini hemel na inisé foe wan skotoe di ben e kibri en, èn sortoe aksi ben kon a fesi ini a tori foe en?

3 A wan sani di wani taki foeroe dati na stré-aksi a mindri Jehovah nanga Satan ben de wan universele stré-aksi, foe di a jejekondre ben de na ini a tori toe. Drape na ini hemel, di skotoe nanga na sorgoe foe Jehovah di e kibri sani, na pramisi „siri” ben de nanga jepi foe soema Gado ben poti na prakseri foe meki den toemsi bigi prakseri foe en kontroe (Genesis 3:15). Ma na hemel persoon disi, te na ’skotoe di e kibri sani’ di ben de lontoe en ben teki poeroe, ben sa waka troetroe na baka na soifri-reti-fasi foe Job? A ben sa gi na bewijsi dati wan volmaakti libisma soleki Adam ben de dati wan dé ben kan kibri volmaakti soifri-reti-fasi na fesi foe Gado? (1 Korinte 15:45) Satan ben sreka sani foe ben poti na „siri” disi, so esi leki a ben sori ensrefi na ondro na moro hebi tesi di de.

4. (a) Soema ben tron a moro prenspari sani foe féjantifasi foe Satan, èn fa wi sabi dati Gado ben hari en sorgoe foe kibri en poeroe foe en? (b) San Jezus ben gi Jehovah?

4 Jezus Kristus ben de na „siri” di ben. seni komoto foe hemel. Na so a ben de na moro prenspari sani di Satan ben poti en prakseri a tapoe, ija, a moro prenspari sani foe na féjantifasi foe Satan. Dati Jehovah ben poeroe na skotoe foe a sorgoe foe kibri en poeroe. ben kon na krin na ini den Wortoe di Kristus ben bari taki na a pina-oedoe: „Mi Gado, mi Gado, foe san-ede joe ben libi mi?” (Mattéus 27:46; Psalm 22:1) Aladi Jezus ben firi na tapoe wan sarifasi dati Gado ben hari en kibri poeroe, ’a no ben sondoe’, netleki Job, „èn a no ben poti tapoe Gado nen noti san no ben fiti” (Job 1:22). A ben waka na baka Job foe di a ben kibri en volmaakti soifri-reti-fasi na fesi foe Gado, èn a ben boewijsi nanga dati taki ’no wan sma ben de na grontapoe leki en’ (Job 1:8). Soboen na ini Jezus Jehovah ben gi wan piki, di ben boen dorodoro èn di ben tan sa foe tégo, tapoe den falsi kragi foe Satan dati Gado no ben kan poti wan sma na grontapoe di ben sa tan getrow na ondro na moro hebi tesi.

5. (a) San Satan e tan doe? (b) San Satan ben doe di den ben iti en trowe foe hemel?

5 Ma Satan, di no ben tevréde nanga na piki disi, e tan kragi den jeje brada foe Jezus, di makandra nanga Jezus de na „siri” foe na organisaatsi foe Gado di joe kan teki gersi nanga wan oema. Na ini a fasi fa a bijbel skrifi foe na opo foe na kownoekondre na ini hemel, na tapoe wan moifasi den e taki foe Satan: „Na kragiman foe wi brada di e kragi den dé nanga neti na fesi foe wi Gado, iti trowe!” Ma Satan e doe moro leki foe gi kragi, a e poti wan féjanti aanval! Na bijbel e ferklari dati na „draak”, Satan, bakadi den ben poeroe en foe hemel, „ati ben kon bron na tapoe na oema èn [ben go] foe feti tégen den wan di tan abfa foe na siri [foe na oema], di ondrow den komando foe Gado èn di abi na wroko di de na ini na gi kotoigi foe Jezus”. — Openbaring 12:7-12, 17.

6. (a) Soema de now na a fesilin foe na prékiwroko, èn soema ben go moksi densrefi na den? (b) Satan e proeberi foe meki den de a marki foe sortoe sani?

6 „Den wan di tan abra foe na siri” foe na oema de den salfoe kotoigi foe Jehovah, di de te now ete abra na grontapoe. Den de na a fesi lin foe „na wroko di de na ini a gi kotoigi foe Jezus” foe di na tapoe na heri gronapoe den e meki bekenti na publiki dati a de now kownoe tapoe na troon èn djonsro sa tjari wan kaba kon na a onregtvaardiki seti foe sani disi (Mattéus 24:14; Daniël 2:44). Ma den no de den wawan nomo! Wan bigi ipi foe moro leki 3 miljoen sma moksi densrefi now na den èn de makandra nanga den wan organisaatsi di de ini wanfasi na a heri grontapoe èn di e kibri,den soifri-’retifasi. Ooktoe ala den sma disi di e kibri den soifri-reti-fasi de a marki foe na sondro sari-ati ferfolgoe foe Satan èn na hemel Tata foe den, Jehovah, e prisiri na ini a soifri-reti-fasi foe den. — 2 Timóteus 3:12; Odo 27:11.

7. Foe san-ede wi kan loekoe den aanval foe Satan nanga ala fertrow ondro wi?

7 A de séker wan prakseri di no de foe spotoe nanga en foe ferstan dati netleki fa Satan ogri prakseri ben de na tapoe Job, dati na so ooktoe a de na tapoe wi di e proeberi foe kibri wi soifri-reti-fasi na fesi foe Gado. Ma nanga disi wi no a foe kon broeja. Foe san-ede? Foe di „Jehovah de toemsi safoe na ini lobi èn sari-ati” èn „no sa libi joe, èn kwetkweti no sa gwe libi joe” (Jakobus 5:11; Deuteronomium 31:6). Ija, Jehovah sa hori oen tanapoe. „Gi den di e waka na ini soifri-reti-fasi, a de wan skilt”, a bijbel e taki (Odo 2:7). Ma disi no wani taki dati Jehovah no sa gi pasi dati wi kisi tesi. Dati a sa doe wel, netleki a ben de ini a geval foe Job. „Ma Gado de getrow”, na apostel Paulus e taki „èn a no sa gi pasi dati joe kisi tesi moro leki san joe kan tjari, ma nanga na tesi a sa sorgoe ooktoe foe wan pasi foe komoto, sodati joe kan ferdrage en.” — 1 Korinte 10:13.

Te wi e ondrofeni tesi

8. Fa na eksempre foe Job kan tjari boen gi wi now?

8 Na soifri-reti-fasi foe Job di de leki wan eksempre kan de spesroetoe boen gi wi, te wi tanapoe na fesi hebi tesi. Na pina foe Job ben de so tranga dati a ben wani dede èn ben wani dati den kibri en na ini sjeool, na gemeenschappelek grebi foe libisma (Job 14:13). Na ini a ten disi son sma de di ben gi densrefi na so wan srefi sortoe fasi èn di e taki dati den ben firi densrefi netleki den ben de Job di den ben ondrofeni someni pina. Kande joe ben kisi na firi dati toe wawantron. Ija, te wi e lési foe a pina foe en dan a kan de troetroe netleki wi e kisi dek’ati foe wan mati di ben ondrofeni wan moro hebi tesi leki wisrefi. Èn te wi sabi dati wan tra sma ben hori doro èn e ferstan dan disi e jepi wi séker foe ferdrage na tesi.

9. Fa wi e feni wini na ini, dati trawan ben kibri den soifri-reti-fasi foe den?

9 Foe di Jehovah sabi san wi abi fanowdoe, meki a ben meki den skrifi a boekoe Job foe jepi wi netleki Job foe kibri wi soifri-reti-fasi (Romeini 15:4; Jakobus 5:10, 11). Gado sabi dati net soleki na wan pisi foe na skin e anga foe na tra wan, na net so en getrow dienstknegti abi makandra fanowdoe (1 Korinte 12:20, 26). Prakseri baka na den kongres di no hori so langa psa kaba nanga na nen „den sma di e kibri den soifri-reti-fasi”-Kongres, èn di miljoenmiljoen-lésiman foe na tijdschrift disi ben go fisiti. Den sma di ben go drape, sa memre fa a ben de wan switi firi foe de a mindri foe someni sma di na prenspari marki na ini den libi de foe kibri den soifri-reti-fasi na fesi foe Gado. Gi den sma di ben de drape, dan a sabi dati den foeroe doesoendoesoen sma di de lontoe den na ini den égi gemeenschap — a kan de tapoe na wroko ofoe na skoro foe den — ooktoe ben kibri den soifri-reti-fasi na ondro omstandigheden di ben de foeroe nanga tesi, wan kefarlek dek’ati foe den kibri den soifri-reti-fasi foe den! — 1 Petrus 5:9.

10. (a) Fa wan sma ben sa kan kon so fara dati a no ben e si den sani na a joisti fasi moro? (b) Job ben bigin foe degedege na sortoe sani?

10 Tokoe wi e si kande netleki Job den sani no alaten na a joisti fasi. Wan sma di e ondrofeni hebi pina èn di ini wan broko-saka firi, ben sa kan taki: ’O, foe san-ede Gado e doe disi nanga mi? Foe san-ede a e gi pasi dati disi psa?’ A kan kon srefi so fara nanga so wan sma dati a e taki: „Sortoe wini a abi foe dini Gado?” Job, di no ben sabi san ben de na oorzaak foe na pina foe en, ben degedege ofoe na tapoe a momenti dati a ben abi waarde foe de regtvaardiki, foe di den boenwan ooktoe ben e kisi pina leki den ogriwan, èn kande srefi moro (Job 9:22). Leki fa Elihu taki dan Job ben taki: „sortoe wini mi abi efoe mi no sondoe?” (Job 35:3, Petrus Canisius-vertaling) Ma wi no kan meki den moeilekheid foe wi teki wi so kefarlek abra dati wi no e si den sani moro na wan joisti fasi èn e degedege ofoe a abi waarde foe dini Gado.

11. Sortoe toemsi moi pir’ai Elihu ben gi na Job?

11 Elihu ben gi Job na pir’ai di a ben abi faowdoe èn a ben gi wan joisti loekoe na tapoe den sani foe di a ben sori na tapoe dati Jehovah ben de moro hè leki Job (Job 35:4, 5). Elihu ben sori dati wi noiti ben moe kon na a bosroiti, awinsi san e psa ooktoe, dai Gado no e broko-ede nanga wi èn no moe meki a kon noiti so fara dati a tak-go-tak-kon foe wi tapoe wan ofoe tra fasi de disi dati wi mag tergi Gado foe onregtvaardiki fasi foe en sé di wi e denki. „Efoe oenoe sondoe troetroe” Elihu ben aksi Job, „san wi e doe dan na en? Èn efoe joe oproeroedoe troetroe kon moro foeroe, san joe e doe en nanga dati?” (Job 35:6) Ija, efoe joe e proeberi foe tergi Gado foe di joe e gwe libi den pasi ofoe a dienst foe en, dan joe e doe soso ogri a joesrefi no na Gado.

12. Ofara na kibri foe wi soifri-retifasi abi krakti tapoe Gado?

12 Na a tra sé Elihu ben sori dati Jehovah no abi nowan persoonlek voordeel ofoe wi e doe san de joisti. A no de foe taki dati a e prisiri Jehovah efoe wi e kibri wi soifri-reti-fasi, ma na a srefi ten na no wan enkri fasi a de afhankelek foe wi anbegi, soleki e kon a krin ini a aksi di Elihu e aksi Job: „Efoe joe de troetroe na ini joe reti, san joe e gi en, ofoe san a e kisi foe joe égi anoe?” (Job 35:7) Gado ben gi wi a libi, èn tangi foe en meki wi e hari bro èn wi e boewégi èn wi de a libi. Ala sani de a goedoe foe en! (Tori foe den Apostel 17:25; 1 Kronieken 29:14) A godelowsoe fasi foe wi ofoe na regtvaardiki fasi foe wi soboen no kan abi no wan krakti na tapoe Gado srefi. — Job 35:8.

Te wi e kisi pir’ai

13. (a) Fa Job ben doe nanga na pir’ai di a ben kisi? (b) Sortoe problema wi alamala abi?

13 Fa Job ben teki na pir’ai di a ben kisi fosi foe Elihu èn moro fara foe Jehovah srefi? A ben teki dati èn ben abi berow ini „stof nanga asisi” (Job 42:6). Ija, Job ben saka ensrefi èn ben erken en fowtoe. Èn wi no e bewondroe sowan sakafasi? Ma fa a de nanga wi? Awinsi wi de kande stanfaste sma di e kibri wi soifri-reti-fasi leki Job, tokoe wi alamala abi na firi foe meki fowtoe èn tapoe wan ofoe tra fasi lasi wi balansi (Jakobus 3:2; Galacia 2:11-14). San wi sa doe te a fowtoe foe wi ofoe na onvolmaaktifasi foe wi tjari kon a wi fesi, kande srefi nanga jepi foe wan sma di de moro jongoe, soleki Elihu? — Job 32:4.

14. (a) San de wan firi di e kon foeroetron efoe wan sma kisi pir’ai? (b) San kan meki fowtoe ofoe a kroetoe foe sani na wan fowtoefasi, doe kon, èn sortoe eksempre Job ben gi di a ben kisi pir’ai?

14 A no de alaten makriki foe teki pir’ai (Hebrewsma 12:11; Odo 3:11, 12). Wi abi na firi foe sori taki wi no abi fowtoe. Netleki Job kande wi no ben taki of no ben doe nanga espresi wan sani di ben fowtoe. Na boewégi foe wi ati ben kan de boen. Ma kande sondro foe sabi sani dorodoro wi ben taki, nanga mankeri foe ferstan sani ofoe firi sani es’esi. Kande den sani di e taki e sori wan fasi foe abi na firi taki na ras ofoe nationaliteit foe wi de moro hé ofoe wan tranga-ede ini wan bepaalde afersi di a bijbel no e hori baka gi en. Kande den e tjari kon na wi prakseri dati san wi ben taki e sori moro wi persoonlek fasi foe si sani èn dati a ben hati a firi foe trawan so, dati a jejefasi foe den ben kon ini kefar. Te wi e kisi pir’ai, wi sa erken dan, netleki Job, dati wi ’ben taki sondro ferstan’ èn ’teki baka den wortoe’?

Fertrow tapoe Gado no tapoe goedoe

15. Fa wi sabi dati Job no ben poti en fertrow tapoe goedoe?

15 Bildad ben degedege na a fundamenti foe a fertrow foe Job èn ben meki kon a fesi dati Job ben frigiti Gado èn dati a ben poti en fertrow tapoe wan tra sani (Job 8:13, 14). Ma awinsi Job ben kisi foeroe goedoe, tokoe a no ben poti en fertrow a tapoe dati. En soifri-reti-fasi na no wan enkri fasi ben kon sekseki di a ben lasi ala en goedoe (Job 1:21). Na ini en laatste wortoe di a ben opo taki gi ensrefi, Job ben taki: „Efoe mi ben poti mi fertrow na tapoe na gowtoe, ofoe ben taki gi na gowtoe: ’Joe de mi fertrow!’ Efoe mi ben abi a gwenti foe prisiri foe di den goedoe foe mi ben de foeroe, èn foe di mi anoe ben feni foeroe sani . . . dan dati ben sa de ooktoe wan fowtoe di ben kon na a prakseri foe den kroetoeman, bika mi ben sa drai baka gi na troe Gado di de na tapoe.” — Job 31:24-28.

16. Sortoe ondrosoekoe foe wisrefi wi moe doe? (b) San Gado e pramisi den sma di e poti den fertrow tapoe den?

16 Fa a de nanga wi? Tapoe san wi e poti wi fertrow — tapoe Jehovah ofoe tapoe goedoe na skinfasi? Efoe den ben sa wegi wi na tapoe wan soifri wegi, soleki Job ben winsi dati dati ben sa psa nanga en, dan Gado ben sa kon sabi na ini a fasi disi wi soifri-reti-fasi? Na moro prenspari sorgoe foe wi na ini a libi e go troetroe na Jehovah foe meki na fasi foe wi foe soifri-reti-fasi gi wan piki, nanga san en kan piki den tjalansi foe Satan di e spotoe en? Ofoe wi e doe moeiti spesroetoe foe prisiri na lostoe foe wi foe abi prisiri nanga goedoe? Fa a de wan switi sani efoe wi kan de leki Job èn kan prisiri Jehovah ati foe di wi e poti wi fertrow tapoe en èn no feni wisrefi ofoe den goedoe na skinfasi di de foe kisi toemsi prenspari! Efoe wi e fertrow tapoe Jehovah èn e poti den belang foe en na a fosi presi, dan a e pramisi dati noiti a sa libi wi — Mattéus 6.31-33; Hebrewsma 13:5, 6.

Seks moraliteit

17. Sortoe sani den trowstoeman foe Job ben taki go na a sé foe en, ma san Job ben taki foe en moreel libifasi?

17 Den falsi trowstoeman foe Job no ben gi en nen langalanga foe wan fowtoe libifasi foe seks, ma alaten baka den ben e tak-go na a sé, dati a ben meki fowtoe na wan ofoe tra kibri sondoe foe san Gado ben strafoe en. Leki wan goedoe man, ija, leki a „moro bigi wan foe den oostsé man”, dan séker Job ben abi okasi foe abi seks dorosé foe a trow libi (Job 1:3; 24:15). Tra dienstknegti bifo èn baka den dé foe Job ben fadon gi tesi tapoe a kontren foe seks (Genesis 38:15-23; 2 Samuël 11:1-5). Job ben kakafoetoe gi ibri sani di ben tak-go na a sé foe den sortoe sondoe disi foe di a ferklari: „Wan ferbontoe ben meki nanga mi ai. Fa mi ben sa tan opo mi ai loekoe wan wenke? Efoe mi ati ben kori mi go na wan oema èn mi ben go didon loeroe srefi na a doro foe na oso foe mi kompe, . . . dati ben sa de loesoe fasi foe libi, èn dati ben sa de wan fowtoe di ben kon na prakseri foe den kroetoeman.” — Job 31:1, 9-11

18. Foe san ede a de so moeilek foe hori na seks moraliteit, ma foe san wi fa firi wisrefi kolokoe efoe wi man foe doe dati?

18 Satan kande tapoe no wan tra fasi ben abi someni winimarki na ini na broko foe na soifri-reti-fasi foe Gado dienstknegti leki foe boewégi den go doe hoeroedoe (Numeri kapitel 25). Joe kan waka na baka na soifri-reti-fasi foe Job foe di joe e kakafoetoe gi ala tesi foe go ini fowtoe sekslibi? A de troetroe wan tjalansi, spesroetoe na ini a grontapoe disi di law tapoe a kontren foe seks pe hoeroedoe de a loktoe srefsrefi. Ma prakseri pikinso o moi a de, te den kari joe foe gi frantwortoe, joe kan taki netleki Job nanga ala fertrow: „Gado sa kon sabi mi soifri-retifasi”! — Job 31:6.

San kan jepi wi

19. San de toemsi prenspari foe jepi wi foe kibri wi soifri-reti-fasi?

19 A no makriki foe waka na baka na soifri-reti-fasi foe Job, foe di Satan e proeberi na ini a ten disi net so tranga foe broko na soifri-reti-fasi foe wi leki na ten dati di a ben proeberi foe doe dati nanga Job. A de foe dat’ede toemsi prenspari dati wi weri na heri feti sani foe Gado (Efese 6:10-18). Disi wani taki dati netleki Job wi moe poti wi prakseri tapoe Gado, èn alaten moe abi na prakseri foe prisiri en ini ala sani di wi ofoe wi osofamirman e doe. (Job 1:5). Foe dat’ede meki bijbelstudie, demakandra alaten nanga kompe bribiman èn na publiki bekenti foe wi bribi de toemsi prenspari. — 2 Timóteus 2:15; Hebrewsma 10:25; Romeini 10:10.

20. (a) Sortoe howpoe kan hori baka gi wi na ini ten foe tesi? (b) Sortoe paiman di a psalmsingiman e kari wi kan kisi foe a kibri foe wi soifri-reti-fasi?

20 Ma san kan hori wi tanapoe na ondo tesi moro foeroe, de na sani di ben hori Job tanapoe — en fertrow dati a libi disi no de ala sani san de. „Wan tranga man na skinfasi efoe a dede a kan libi baka?” Job ben aksi. Èn a ben piki: „Joe sa kari, èn misrefi sa piki joe” (Job 14:13-15). Efoe wi abi na srefi absoluut fertrow dati taki Jehovah sa wiki en getrow dienstknegti komoto foe dede, dan dati kan jepi wi foe kakafoetoe gi ibri tesi di Satan kan tjari kon tapoe wi (Hebrewsma 6:10). Langa ten psa kaba na bijbel psalmsingiman ben skrifi: „Foe taki foe mi sé, foe mi soifri-reti-fasi ede joe ben horibaka gi mi èn joe sa poti mi te ten di no abi marki na fesi joe” (Psalm 41:12). Meki dati de gi ibriwan foe wi na kolokoe tamara — dati Jehovah hori baka gi wi èn kibri wi foe tégo foe di wi de en dienstknegti di e kibri en soifri-reti-fasi!

Joe kan piki disi?

◻ Soema bewijsi taki a de leki Job, èn san wi kan teki gersi a mindri den nanga Job?

◻ San wi kan leri foe na fasi fa Job ben doe tapoe den tesi foe en?

◻ Fa Job ben doe nanga pir’ai, èn san wi kan leri foe dati?

◻ Sortoe toemsi moi eksempre Job ben gi na ini a tori foe goedoe na skinfasi èn seks moraliteit?

◻ San kan jepi wi netleki Job foe kibri wi soifri-reti-fasi?

[Prenki na tapoe bladzijde 9]

Joe ben degedege oiti netleki Job efoe a abi now wini foe kibri joe soifri-reti-fasi?

    Sranantongo buku (1978-2025)
    Log Out
    Log In
    • Sranantongo
    • Seni en gi wan sma
    • Settings
    • Copyright © 2025 Watch Tower Bible and Tract Society of Pennsylvania
    • Gebruiksvoorwaarden
    • Privacybeleid
    • Privacyinstellingen
    • JW.ORG
    • Log In
    Seni en gi wan sma