Ma Job no ben moesoe prisiri foe a saka di den ben moesoe saka densrefi. Ija, Jehovah ben wani taki Job ben moesoe begi gi den man di ben kroetoe en. Job ben doe leti fa Gado ben taigi en, èn a ben kisi blesi foe dati. Na a fosi presi, Jehovah ben dresi en foe a takroe siki. Baka dati, den brada, sisa, nanga fosi kompe foe Job ben kon foe trowstoe en, „èn ibriwan foe den ben gi en wan pisi moni nanga wan gowtoe linga”.a Boiti dati, Job „ben kisi tinafo doesoen skapoe nanga siksi doesoen kameili nanga wán doesoen paar kaw nanga wán doesoen oema-boeriki”.b Èn soleki fa a ben sori, dan Job en wefi ben kon boen baka nanga en. Baka ten, Job ben blesi nanga seibi manpikin nanga dri oemapikin, èn a ben libi te a si fo geslakti foe den pikin foe en. — Job 42:10-17.