Verwijzing gi Wi Kresten libi nanga a preikiwroko studie-buku
27 YANUARI–2 FEBRUARI
GUDU NA INI GADO WORTU PSALM 140-143
Du ala san yu man baka te yu begi
Diko moro dipi
it-1-O 844
Vergif (fu meti)
Agersi fasi. Den lei nanga den sani di den ogriwan e taki fu pori sma nen, de leki a vergif fu wan sneki di kan kiri sma (Ps 58:3, 4). Bijbel taki fu den sma di e taki ogri fu trawan taki: „A vergif fu wan takru sneki de na tapu den mofobuba” (noso „na baka den mofobuba”), neleki fa bita de baka en mofobuba nanga den tifi di abi vergif di fasi na en kakumbe (Ps 140:3; Ro 3:13). A tongo fu libisma di den kan gebroiki na wan fowtu fasi fu bedrigi trawan, fu taki ogri fu trawan, fu gi falsi leri noso tra sani di de a srefi leki den sortu sani disi „de leki vergif di man kiri sma.”—Yak 3:8.
24 FEBRUARI–2 MAART
GUDU NA INI GADO WORTU ODO 2
Fu san ede yu musu du ala san yu man fu studeri nanga yusrefi?
Diki moro dipi
it-2-O 690 ¶1
Retidu
Wan sma no kan tan abi so wan retidu nanga yepi fu en eigi krakti, ma soso te a abi wan tranga bribi èn e fertrow Yehovah nanga a krakti fu En di e ferlusu sma (Ps 25:21). Gado pramisi taki a o de wan „schild” nanga wan ’kibripresi’ di e hori wakti na a pasi fu den wan di e du sani na wan reti fasi (Odo 2:6-8; 10:29; Ps 41:12). Den man poti prakseri na a marki fu den, fu di den e tan du ala san den man fu Yehovah feni den bun (Ps 26:1-3; Odo 11:5; 28:18). Ma soleki fa wi si na ini a situwâsi fu Yob, dan den wan sondro fowtu kan kisi problema fu di na ogriwan e tiri èn den kan dede srefi makandra nanga den ogriwan. Yehovah ferteri wi krin taki a e poti prakseri na a libi fu den wan sondro fowtu èn a e gi wi a dyaranti taki a gudu fu den sortu sma dati o tan fu alaten, sani o waka bun gi den ini a ten di e kon èn den o feni bun (Yob 9:20-22; Ps 37:18, 19, 37; 84:11; Odo 28:10). Wan sma no e kisi lespeki fu di a abi furu gudu, ma te a e du sani na wan retifasi, neleki fa a ben de nanga Yob (Odo 19:1; 28:6). Koloku fu den pkin di kisi a grani fu abi sowan sma leki papa (Odo 20:7), bika nanga na bun eksempre fu en, a libi wan bun nen na baka èn den pkin fu en o kisi wini fu a bun nen nanga lespeki di a ben abi.