• Yehovah​—A Sma Di Tranga na ini Krakti
    A Waktitoren 2000 | 1 maart

    • 5. Sortu buweisi gi a krakti fu Yehovah wi e feni na ini den wroko fu en?

      5 Efu wi e ’suku den wroko fu Gado’ soleki fa David ben du, dan wi sa si buweisi fu a krakti fu en na ala presi — na ini winti di e wai èn na ini den skwala, na ini dondru èn na ini koti-faya, na ini bigi liba èn na ini kefalek bigi bergi (Psalm 111:2; Yob 26:12-14). Moro fara, soleki fa Yehovah ben memre Yob, dan den meti e buweisi a tranga fu En. Wan fu den na a Behemot, noso a nijlpaard. Yehovah ben taigi Yob: „A krakti fu en de na ini den dyonku fu en . . . Den tranga bonyo fu en de neleki isri tiki” (Yob 40:15-18). Na ini Bijbel ten sma ben sabi a krakti fu a werdri mankaw tu, di e frede sma srefisrefi, èn David ben begi taki a ben kan kisi kibri fu „a mofo fu a lew, èn fu den tutu fu den werdri mankaw”.—Psalm 22:21; Yob 39:9-11.

      6. San a mankaw e prenki na ini den Buku fu Bijbel, èn fu san ede disi de so? (Luku a futuwortu.)

      6 Fu a krakti di a mankaw abi, meki den e gebroiki en fu prenki a krakti fu Yehovah.c A fisyun di na apostel Yohanes ben kisi fu a kownusturu fu Yehovah e gi wi wan prenki fu fo libi kriaturu, èn wan fu den ben abi a fesi fu wan mankaw (Openbaring 4:6, 7). Soleki fa a sori, dan wan fu den fo moro prenspari eigifasi fu Yehovah di den fo kerubim disi e prenki, na krakti. Den trawan na lobi, koni, nanga retidu. Fu di krakti na so wan prenspari pisi fu den eigifasi fu Yehovah, meki a frustan di wi e frustan den sani krinkrin fu a makti fu en èn fu a fasi fa a e gebroiki en, sa hari wi kon moro krosibei na en èn a sa yepi wi fu waka na baka en eksempre te wi e gebroiki a makti di wi abi.—Efeisesma 5:1.

  • Yehovah​—A Sma Di Tranga na ini Krakti
    A Waktitoren 2000 | 1 maart

    • c A werdri mankaw di kari na ini Bijbel ben de kande na oeros (Latijntongo urus). Tu dusun yari pasa, den ben feni den meti disi na ini Gaul (now Fransikondre), èn Julius Caesar ben skrifi den wortu di e kon now fu den meti disi: „Den uri disi de pikinso moro pikin leki den asaw, ma na ini a fasi fu den, a kloru fu den nanga a skin fu den, den asaw de pikinso moro bigi leki den mankaw. Den uri tranga kefalek èn den gaw srefisrefi: den no e hori densrefi fu pori libisma noso meti te den si den kaba.”