„Sma no e wisiwasi wan fufuruman soso fu di a e fufuru fu kan furu en bere nanga nyanyan te angri e kiri en”, a kownu e memre wi. Toku, „te den kisi en, a sa pai baka seibi leisi so furu leki san a ben fufuru; a sa gi ala den gudu di a abi na ini en oso” (Odo 6:30, 31). Na ini Israèl fu owruten, wan fufuruman ben musu pai baka san a ben fufuru, srefi efu a ben musu gi ala sani di a ben abi.a O moro wan sutaman di no abi no wan enkri reide fu du san a ben du, ben sa musu kisi strafu!