• ¡Helu fu a Droifidyari Di No De Getrow!
    A Profeititori fu Yesaya — Leti gi a Heri Libisma Famiri I

    • 25, 26. Sortu godelowsu fasi fa den Israèlsma e denki, Yesaya e puru kon na doro na ini a di fu dri èn na ini a di fu fo helu fu en?

      25 Yere now a di fu dri èn a di fu fo helu fu Yesaya: „Helu fu den wan di e hari fowtu nanga yepi fu titei fu lei, èn di e hari sondu neleki nanga den titei fu wagi; den wan di e taki: ’¡Meki en wroko du esi-esi; meki a kon esi-esi, so taki wi kan si en; èn meki a bosroiti fu a Santawan fu Israèl kon krosibei èn kon, so taki wi kan sabi en!’ ¡Helu fu den wan di e taki dati bun na ogri èn ogri na bun, di e meki dungru de leti èn leti de dungru, di e meki san bita de sukru èn san sukru de bita!”​—Yesaya 5:18-20.

      26 ¡Disi na trutru wan krin fasi fu taki fu den sma di e du sondu! Den fasi na sondu na a fasi fa meti di e hari lai, tai na wagi. Den sondari disi no e frede gi iniwan krutudei di e kon. Na wan spotu fasi den e taki: „¡Meki [a wroko fu Gado] kon esi-esi!” Na presi fu saka densrefi na ondro a Wet fu Gado, den e taki sani heri tra fasi èn e fruklari taki „bun na ogri èn ogri na bun”.​—Teki gersi Yeremia 6:15; 2 Petrus 3:3-7.