17, 18. (a) San Yehovah o taigi en pipel fu du te Gok o kon feti nanga den? (b) San wi musu du efu wi wani taki Yehovah kibri wi?

¹⁷ Te Gok o kon feti nanga den futuboi fu Yehovah, dan Yehovah o taigi den: „Mi pipel, un go na ini un kamra èn tapu den doro. Un go kibri fu wan syatu pisi ten, teleki mi ati no bron moro” (Yes. 26:20). Na a ten dati Yehovah o sori wi san wi musu du fu man kisi kibri. A kan taki den „kamra” abi fu du nanga den gemeente fu wi.

¹⁸ Fu dati ede, efu wi wani taki Yehovah kibri wi na a ten fu a bigi banawtu, wi musu frustan taki Yehovah abi wan pipel na grontapu èn taki a orga en pipel na ini gemeente. Wi musu tan na a sei fu Yehovah en pipel èn wi musu tan wroko makandra nanga a gemeente pe wi e go. Neleki a psalm skrifiman, wi e taki nanga wi heri ati: „Na Yehovah e frulusu sma. Yu e blesi a pipel fu yu.”​—Ps. 3:8.