• „Mi o poti wán skapuman”
    Yehovah seti a tru anbegi baka
    • Wan aka nanga wan pisi fu na ede fu wan sedrebon.

      A fosi bigi aka ben de Kownu Nebukadnesar fu Babilon (Luku paragraaf 6)

      6. Fruteri san na agersitori wani taki.

      6 San na agersitori wani taki? (Leisi Esekièl 17:11-15.) Na ini 617 Fosi Krestes, Kownu Nebukadnesar (a fosi „bigi aka”) kon feti nanga Yerusalem. A puru Yoyakin („na ede fu a sedrebon”) leki kownu fu Yuda èn a tyari en go na Babilon („wan foto pe bisnisman de”). Nebukadnesar poti Sedekia (wan fu den „siri fu a kondre”) leki kownu na Yerusalem. A nyun Kownu disi fu Yuda ben musu sweri na ini Gado nen taki a ben o du ala san a kownu fu Babilon ben o taigi en (2 Kron. 36:13). Ma Sedekia no hori ensrefi na a sweri di a meki. A opo ensrefi teige Babilon èn a go suku yepi na a kownu fu Egepte (a di fu tu „bigi aka”) nanga a legre fu en. Ma dati no tyari wini kon gi en. Yehovah no ben breiti nanga a sani di Sedekia du (Esek. 17:16-21). Bakaten den puru Sedekia leki kownu èn a dede na ini strafu-oso na Babilon.​—Yer. 52:6-11.