4. San a sani di Esekièl e du nanga den tu tiki e sori? (Luku a prenki na a bigin fu a kapitel.)

⁴ Yehovah taigi Esekièl fu tyari den tu tiki kon na makandra, „so taki den kan kon de wán tiki”. Den Dyu ben e luku san Esekièl ben e du èn den aksi en: „Yu no wani fruteri wi san den sani disi wani taki?” Esekièl taigi den taki a ben sori den san Yehovah srefi ben o du. Yehovah ben taki fu den tu tiki: „Mi o meki den kon de wán tiki. Iya, den tu tiki o tron wán tiki na ini mi anu.”​—Esek. 37:17-19.

5. San a profeititori fu den tu tiki wani taki? (Luku a faki „Tu tiki e tron wán tiki”.)

⁵ Baka dati Yehovah e taigi Esekièl san a profeititori fu den tu tiki wani taki. (Leisi Esekièl 37:21, 22.) Den sma fu a tu-lo kownukondre Yuda nanga den sma fu a tin-lo kownukondre Israel (Efrayim) ben o drai go baka na a kondre Israel, pe den ben o tron „wán pipel”.​—Yer. 30:1-3; 31:2-9; 33:7.

„Den o tron wán tiki na ini yu anu”

NA INI OWRUTEN

537 F.K. Den anbegiman fu Yehovah e komoto fu ala den kondre fu bow Yerusalem baka èn fu anbegi Gado leki wán pipel.

NA INI A TEN FU WI

Sensi 1919 Gado bigin orga en pipel baka èn den kon de „wán ipi”.