„Den sa mu sabi taki mi na Yehovah”
„Mi sa meki mi santa nen no kon doti moro, èn den nâsi sa musu sabi taki mi na Yehovah.” — EZECHIËL 39:7.
1, 2. Fa wi sabi taki Yehovah no fu tego sa ferdrage na doti di sma e doti en nen?
DEN ISRAËLSMA fu owruten ben doti Yehovah santa nen. Na dati na buku Ezechiël e tyari kon na krin. Ma ooktu den sma na ini a kristenheid e doti na nen fu na Gado di den e taki taki den e anbegi.
2 Na universele Soeverein sa ferdrage taki en nen doti fu tego? Nono, bika a e ferklari: „Mi no sa meki mi santa nen kon doti moro; èn den nâsi sa musu sabi taki mi na Yehovah” (Ezechiël 39:7; luku ooktu Ezechiël 38:23). San disi sa wani taki? Èn sortu leri wi kan leri fu tra kapitel a baka fu na buku Ezechiël?
Profeititaki teige trawan
3. (a) Fa tra nâsi ben teki na pina fu Yuda? (b) Fudi a ben abi sortu yeye meki den ben puru Tyrus „kownu”, èn sortu krakti disi mu abi tapu wi?
3 Baka na pori fu Yerusalem den ben krutu Ammon fudi a ben abi prisiri fu na pina fu Yuda, èn Moab fudi a ben teki wan feragti fasi na fesi fu Yuda. Den ben feni fowtu na Edom fu ogri-atifasi èn na takru-ati yeye fu den Filistijnsma ben sa tyari den „atibron pir’ai” fu Gado kon (Ezechiël 25:1-17; Odo 24:17, 18). Fu na tumsi bigi prisiri di den ben abi fu Yerusalem rampu meki na foto Tyrus ben sa fadon gi Nebukadnezar ofu Nebukadrezar (wan spelling di de moro krosbei na tongo fu Babylon (Ezechiël 26:1-21). A ben de leki wan sipi di seiker ben sa sungu (Ezechiël 27:1-36). Na „kownu” fu Tyrus (a de krin taki a de en lo fu tiriman) ben wai puru fudi a ben abi wan heimemre di ben de leki di fu Satan (Ezechiël 28:1-26). Ala sondu heimemre fasi di ben kan tyari wi go so fara fu doti Yehovah nen, wi ben sa wani tan farawe fu en sobun. — Psalm 138:6; Odo 21:4.
4. San ben de e wakti Farao nanga Egypte?
4 Ezechiël ben taki a fesi fu wan fotenti yari ten di Egypte ben sa didon leigi. Den gudu fu en ben sa de na paiman fu Nebukadrezar fu na srudati dienst di a ben du di a ben tyari Yehovah krutu kon tapu Tyrus (Ezechiël 29:1-21). Te Gado ben sa sorgu taki den Egyptesma ben panya, ’dan den sa sabi dati en na Yehovah’ (Ezechiël 30:1-26). Leki a sma di e teki presi fu Egypte dan na heimemre Farao den ben teki gersi nanga wan hei kankan cedre di ben sa koti trowe (Ezechiël 31:1-18). Te fu kaba Ezechiël ben bigin kragi singi gi Farao èn na saka fu Egypte na ini Syeool. — Ezechiël 32:1-32.
Na plekti fu na waktiman
5. (a) Soso na ondro sortu omstandigheid Yehovah Gado e feni en yeye waktiman bun? (b) San a wani taki fu waka na ini den ’wet fu libi’?
5 Den ben memre Ezechiël na en plekti leki waktiman (Ezechiël 33:17). A no de fu taki dati Yehovah e feni wan yeye waktiman bun te disi e du en plekti èn e warskow den goddelowsusma (Leisi Ezechiël 33:8, 9.) Netleki Ezechiël na a ten dati na so na salfu „waktiman”-klase nanga dek’ati e ferteri den warskow fu Gado. Fudi Gado no abi prisiri na ini na dede fu goddelowsusma, meki a no sa tyari na fosten bericht fu den kon na ini prkseri efu den poti prakseri tapu den warskow èn ’e waka na ini den gebod fu na libi.’ Na ini den dei fu Ezechiël waka na ini den gebod dati ben wani taki fu hori na wet, ma now a wani taki fu teki na ferlusu payman fu Kristus èn fu de en bakaman (2 Petrus 1:21). Noti di no de ini balansi de na ini na fasi fa Gado e straFu sma ofu e pai den, èn kisi kibri psa na „bigi benawtu” nanga na a gi yesi na en gebod. — Ezechiël 33:10-20; Mattéus 24:21.
6. Fa furu sma na ini a ten disi de leki den dyu katiboman na ini Ezechiël ten?
6 Pikinmoro na a kaba fu 607 bifo G.T. wan loweman ben kon nanga a bericht fu na pori fu Yerusalem, èn agen Ezechiël ben taki Yehovah boskopu (Ezechiël 33:21-29). Fa den katiboman ben du? (Leisi Ezechiël 33:30-33.) Na ini a ten disi furu sma de leki den dyu katiboman di Ezechiël ben de gi den leki wan singiman fu ’wan zinnelek lobi singi’. Te den salfuwan nanga den kompe fu den e go oso-fu-oso, dan den sma disi e arki nanga prisiri na a sten fu na kownukondre boskopu ma no e teki na boskopu. Gi den a de leki wan moi lobisingi, ma den no e gi den libi abra na Yehovah, èn den no sa pasa libilibi na „bigi benawtu”.
Na ’wan herder’ fu Yehovah
7. Sortu du fu Yehovah na ini wi ten kan teki gersi nanga na fasi fa a e handri nanga en skapu na ini den dei fu Ezechiël?
7 Na ini wan boskopu di Ezechiël ben kisi baka na fadon fu Yerusalem, Yehovah ben krutu den man di e doti en santa nen, dati wani taki den tiriman-„herder fu Israel”. O bun den wortu dati kan gebroiki tapu den tiriman fu na kristenheid! (Leisi Ezechiël 34:1-6.) Trafasi leki na tumsi bun Herder, Yesus Kristus, dan den politiek tiriman fu na kristenheid ben fatu densrefi nanga na saka fu den „skapu” (Yohannes 10:9-15). Ma net soleki Gado ben fri en skapu fudi a ben puru den gridi herder ini na tirimakti fu den di a ben meki Yuda kon leigi, na so agen en skapu sa kon fri fudi a o puru fu den tiriman fu na kristenheid na makti fu den na ini na „bigi benawtu” (Openbaring 16:14-16; 19:11-21). Yehovah ben sori lobi gi en pipel di yu kan teki gersi nanga skapu di a ben fri den na ini 537 bifo G.T. fu Babylon, yoisti soleki a ben sori na fasi dati di a ben gebroiki na moro bigi Tyrus, Yesus Kristus fu fri na ini 1919 G.T. na fika pisi fu na yeye Israël komoto fu katibo na Babylon na Bigi wan. — Ezechiël 34:7-14.
8. San Yehovah ben sa du efu wan „fatu skapu” ben sa kwinsi den ipi skapu, èn fa kristen ondro herder ben mu behandel den skapu?
8 Gado e gi safu fasi fu sorgu na en skapu. (Leisi Ezechiël 34:15, 16.) Efu wan ’fatu skapu’ na ini a ten disi ben sa kwinsi na ipi fu Gado, dan Yehovah ben sa „wei” en nanga uitsluiting now èn nanga pori na ini na „bigi benawtu”. Na ini 1914 Yehovah ben poti „wán herder”, Yesus Kristus tapu na salfu fikapisi. Fu sensi 1935 a en gi tiri na a tyari kon makandra fu wan bigi ipi fu „tra skapu” di now e dini makandra nanga den tra salfu skapu fu Yehovah wei. Netleki Gado nanga Kristus na so den kristen ondroherder mu behandel ala den skapu disi nanga safufasi. — Ezechiël 34:17-31; Openbaring 7:9; Yohannes 10:16; Psalm 23:1-4; Tori fu den Apostel 20:28-30.
Wan „dyari fu Eden”
9. San Yehovah ben du fudi a ben bepaal dati na kondre fu Yuda èn Israël ben mu hori wan sabbat?
9 Luku agen na leigi kondre fu Yuda nanga Israël. Fudi Gado ben bepaal taki a ben sa hori wan sabbat fudi a mu de seibitenti yari sondro sma di e libi na ini, meki a ben sorgu taki Edom nanga tra nâsi no ben teki na gebied dati fu densrefi (2 Kronieken 36:19-21; Daniël 9:2). Te yu luku en bun, ooktu Edom èn na bergi kontren fu en Seïr soleki ben taki afesi ben kon de leigi, bika na ini 602-601 bifo G.T. den Babylonsma ben poti den na den ondro. — Ezechiël 35:1–36:5; Yeremia 25:15-26.
10. Na sortu sani di ben o psa na ini wi ten na kon bun fu wan fikapisi ini Yuda na ini 537 bifo G.T. ben sori go a fesi?
10 Dati na ini 537 bifo G.T. wan fikapisi ben tyari kon baka na ini Yuda, ben sori na fesi tapu span sani di ben o psa na ini wi ten. Na ini 1919 den „bergi fu Israel”, ofu fu taki en tra fasi na yeye toestand fu Yehovah salfU Kotoigi ben bigin kisi sma baka nanga wan yeye fikapisi di ben tyari kon a libi baka (Ezechiël 36:6-15). Gado ben krin den fu den doti fasi èn a ben poti na ini den wan „nyun yeye” di ben yepi den fu meki na froktu fu en santa yeye (Galaciasma 5:22, 23). Èn fudi Yehovah nen no ben mu kon doti fu na sei fu grontapusma fudi a ben gi en pipel trangaleri, meki a ben blesi na fikapisi psa marki. — Ezechiël 36:16-32.
11. San Yehovah ben du ini akruderi nanga Ezechiël 36:33-36 nanga na yeye toestand fu na salfu fikapisi?
11 Bakadi wan fikapisi ben drai go baka na Yuda, dan na kondre dati di ben de fosi leigi ben kenki kon ini wan fatu „dyari fu Eden”. (Leisi Ezechiël 36:33-36.) Na tapu a srefi sortufasi Yehova ben kenki fu sensi 1919 na toestand fu na salfu fikapisi di ben de leigi kon na ini wan fatu yey paradijs, di den e prati now makandra nanga na „bigi ipi”. Fudi na yeye paradijs disi abi na ini en santa sma, meki taki ibri kristen di gi en libi abra sa wani span ensrefi fu hori en krin. — Ezechiël 36:37, 38.
Wánfasi di kon bun baka
12. Fa den ben teki sani gersi na kon a libi baka fu na dyu nâsi na ini Ezechiël 37:1-14, èn sortu modern parallel disi ben abi?
12 Na ini na katibo fu Babylon den dyu ben de praktis wan dede nâsi, leki noti moro leki bonyo tapu wan gron (Ezechiël 37:1-4). Ma san Ezechiël ben si morofara? (Leisi Ezechiël 37:5-10.) Den bonyo dati ben kisi agen titei, meti nanga skin, èn agen den ben kon a libi nanga yepi fu na bro fu libi (Ezechiël 37:11-14). Gado ben wiki na dyu nâsi komoto fu dede di 42.260 sma fu ala lo fu Israël èn sowan 7.500 no-Israëlsma ben grabu na tyans fu den fu go libi baka na ini Yuda fu bow Yerusalem nanga en tempel baka èn fu meki na tru anbegi na ini na kondre fu den kon bun baka (Ezra 1:1-4; 2:64, 65). Na net so na ini 1918 na fikapisi fu na yeye Israël di den ben ferfolgu èn di den kiri na ini na tori fu na publiki kotoigiwroko ben de leki den drei bonyo. Ma ini 1919 Yehovah ben meki den kon a libi baka leki kownukondrepreikiman (Openbaring 11:7-12). Na parallel disi mu tranga wi ini wi fertrow taki den salfuwan disi èn den kompe fu den e de na grontapu organisâsi di Yehovah e gebroiki na ini a ten disi. — Luku Yaribuku fu Yehovah Kotoigi 1976, blz. 85-125.
13. Sortu eksempre den ben teki fu agersi na kon bun baka fu na organisatorisch wanfasi a mindri Yehovah owru pipel ini Ezechiël 37:15-20, èn sortu parallel ben de wan eksempre fu disi?
13 Sortu eksempre den ben teki fu agersi na kon bun baka fu na organisatoris wánfasi a mindri Yehovah owru pipel? (Leisi Ezechiël 37:15-20.) Wan modern parallel de gi na tyari kon a wan baka fu den tu tiki (na wan nanga wan marki gi na tu-lo kownukondre Yuda, na trawan na tin-lo fu Israël). Na ini a ten fu na fosi Grontapu-feti wantu man di ben feti fu sani fu ensrefi ben pruberi fu broko na wanfasi fu Gado dienstknegti, ma ini 1919 dan getrow salfuwan ben tyari kon na wan na ondro Kristus, èn ’wán Kownu’ èn wan ’Herder’ fu den. Boiti fu dati net soleki den moro leki 7500 no-dyusma di na a ten dati ben drai go baka na Yuda, na net so a de now taki den memre fu na „bigi ipi” tyari kon na wan nanga na salfu fikapisi. Fa a de wan prisiri fu de ini na yeye paradijs, èn e dini Yehovah na ondro wi ’wán Kownu’! — Ezechiël 37:21-28.
Gog e kon feti!
14. Suma na Gog fu Magog èn san a sa opo du? (Ezechiël 38:1-17)
14 Dan den e taki a fesi fu wan dramatis sani di e pasa. Ini na howpu fu doti Gado nen èn fu pori en pipel, dan Gog fu Magog sa kon feti nanga na fikapisi fu na yeye Israël, di e teki presi fu Yehovah „uma” ofu hemel organisâsi (Openbaring 12:1-17). Gog na „a tiriman fu disi grontapu”, Satan Didibri. A ben kisi na nen dati bakadi den ben iti en puru fu hemel, bakadi na Kownukondre ben gebore na ini 1914 (Yohannes 12:31). Na kondre Magog „na a presi na ini na birti fu grontapu pe Gog nanga den ogri yeye abi fu tan. Baka te anti kerkikrakti pori na kristenheid nanga tra pisi fu Babylon na Bigiwan, dan Yehovah sa meki Gog opo go teige na fikapisi fu na yeye Israël èn den kompe fu den di ben gi den libi abra na Gado èn di gersi leki den no kan kibri der srefi. — Ezechiël 38:1-17; Openbaring 17:12-14.
15. San sa psa te Gog e opo kon feti nanga Yehovah Kotoigi?
15 San sa psa te Gog e opo kon feti nanga Yehovah Kotoigi? (Leisi Ezechiël 38:18-23.) Yehovah sa ferlusu en pipel! Den wapen fu en de na ini bigi alen di e sungu sani, bigi agra ston, faya nanga pestsiki di e tan go doro. Ini a bruya fu den dan den srudati makti fu Gog sa drai nanga den feti-owru feti nanga makandra. Ma bifo Gado wai den puru, ’den sa mu sabi taki en na Yehovah’.
16. (a) San sa psa nanga na „kondre Magog”? (b) Sortu krakti sabi wi mu abi fu den sani di taki a fesi fu na tori fu Gog?
16 Te den e iti Satan nanga en ogri-yeye go na ini na peti di no abi gron, dan na lagipresi fu den na ini na kontren fu na grontapu sa gwo fu alaten (Openbaring 20:1-3). Na hoeveelheid fu den fetisani fu Gog sa de so bigi, taki a sa aksi pikinso ten bifo den sa puru a pasi. Fowru nanga meti sa nyan den dede skin fu na ipi fu Gog di no beri ete. Sortu krakti na sabi fu ala den sani disi mu abi tapu wi? We, fu sabi taki na aanval fu Gog de fu kon ma taki Yehovah sa ferlusu en pipel, mu tranga wi bribi èn meki taki wi sa prisiri taki den sortu sani disi di o psa sa abi leki bakapisi taki na nen fu Gado di ben doti so langa sa kon santa! — Ezechiël 39:1-29.
Luku Yehovah santa presi!
17. (a) Sortu visioen Ezechiël ben kisi na ini 593 bifo G.T.? (b) Na de fu na tempel di ben si na ini na visioen de wan buwijsi fu san?
17 Na ini 593 bifo G.T., na di fu tinafo yari baka na pori fu na tempel na ini Yerusalem, dan Ezechiël ben kisi wan visioen fu na nyun santapresi fu na anbegi fu Yehovah. Soleki disi kon a krin fu den marki fu na engel di e dini leki tyariman fu Ezechiël, dan disi ben de wan kefarlek bigi santapresi (Ezechiël 40:1–48:35). A tempel disi ben de wan presi fu „na tru tenti, di Yehovah opo” èn a abi den „prenki fu den sani na ini hemel”. Yesus Kristus ben go na ini 33 G.T. na ini na moro santa kamra „na hemel srefi”, fu pristeri Gado na waarde fu en ferlusu ofrandi (Hebrewsma 8:2; 9:23, 24). Na tempel di ben si ini na visioen e buweisi taki na soifri anbegi sa psa na aanval fu Gog. Fa disi de wan prakseri di e gi trowstu gi den di lobi Yehovah nen!
18. San na wantu aparti marki fu na tempel di ben si na ini wan visioen?
18 Na tempel ben abi furu moi pisi. Na so siksi doro ben de na ini en dorosei skotu èn inisei skotu (Ezechiël 40:1–48:35). Na ini na dorosei fesidyari dritenti nyanyan kamra ben de (seiker gi sma di ben nyan drape wan gemeenschapsofrandi) (40:17). Na altari fu na bronofrandi ben de ini na inisei fesdyari (43:13-17). Wan udu altari, kande gi na bron fu wierook, ben de ini na fosi tempel kamra (41:21, 22). Na moro santa presi ben de twenti el ini fo-kanti, èn na skotu lontu na tempel ben de 500 riet (1550 meter) na ibrisei. Fa disi ben de wan kefarlek bigi oso furu nanga na glori fu Gado! — Ezechiël 41:4; 42:16-20; 43:1-7.
19. Fa den finifini pisi fu na tempel mu abi krakti na tapu wi èn taki den sma di e du dienst drape mu doro den markitiki fu Gado?
19 Den furu fini pisi fu na tempel, na srakti-ofrandi, den ofrandi presenti èn den fesa mu poti go ini wi prakseri o fanowdu a de fu waka soifri baka den instructie fu Gado organisâsi, ini na ferstan dati wi mu du ala wi muiti fu hei Yehovah nanga en anbegi (Ezechiël 45:13-25; 46:12-20). Den sma di e du dienst na ini na tempel, ben mu doro den hei markitiki fu Gado, èn den ben mu ’leri sma na ini na difrenti di de mindri santa sani èn pori sani’ (Ezechiël 44:15, 16, 23). Disi mu buweigi wi leki Yehovah pipel fu kibri santafasi. — Efesesma 1:3, 4.
20. (a) San na a watra di e lon komoto fu na tempel di ben si na ini na visioen, e agersi? (b) Sortu krakti na watra disi sa abi?
20 Komoto fu na tempel wan liba ben e lon di ben abi wan krakti fu dresi sani èn fu meki sani kon switi ini na sowtu watra fu na Dede Se, sodati fisi ben kon monyo na ini (Ezechiël 47:1-11). Na watra disi e agersi na seti fu Gado fu kisi tego libi, makandra nanga Yesus srakti-ofrandi, wan seti di de nofo gi den sma di psa na aanval fu Gog libilibi èn trawan, di ooktu sma de a den mindri di e kisi wan opobaka (Yohannes 5:28, 29; 1 Yohannes 2:2; Openbaring 22:1, 2). Na dede Se teki presi fu na kontren pe na libismafamiri ben de na ini — strafu fu sondu di wi kisi èn dede èn ooktu Satan tiri. Net soleki den fisi di ben furu psa marki na ini den watra di ben kon switi fu na Dede Se na so na libismafamiri di bai kon fri gro ondro den omstandigheden fu na Messias tiri di o dresi sma.
21. San na libismafamiri di e gi yesi sa nyan bun fu en na ini na nyun grontapu, soleki Ezechiël 47:12 e sori?
21 Na dresi fu sma e tyari ooktu kon in verband nanga bon di e gro na ala tu sei fu na liba di ben de na ini na visioen. (Leisi Ezechiël 47:12.) Na ini na nyun grontapu na libismafamiri di e gi yesi sa nyan bun volmaakti skin èn yeye gesontu. Èn fu san-ede dati no ben o de so ooktu? Den wiwiri fu den froktu bon di den ben si na ini na visioen abi alaten krakti fu dresi sma. Fa disi sa de wan blesi gi den sma di sabi èn e dini Yehovah!
Dan den sa sabi en!
22. San e sori taki Gado sa sori sma na ini na paradijs wan presi di en ferkisi?
22 Te wi e wroko now nanga Yehovah organisâsi makandra, dan wi kan meki eigifasi gro di sa meki wi de klarklari fu du sani te Gado o poti sma na ini na grontapu Paradijs drape pe a wani dati. Dati disi sa go so, de fu si fu disi taki den lo e kisi gron na noordsei èn na zuidsei fu wan pisi gron di ben sa de na kontren fu na tiri èn di Ezechiël e si na ini wan visioen. Na „bijdrage” fu gron di de na ini dri pisi ben abi na ini en wan pisi di den no-priester Levietsma èn wan priesterpisi pe na tempel di ben si na ini wan visioen ben tanapu. Na ini na mindri fu na zuidsei pisi wan foto ben de fu sma di e wroko èn di komoto fu ala lo na ondro wan collectief „granman”, den kownu di e teki presi fu na Messias na ini na nyun grontapu”. — Ezechiël 47:13–48:34; 2 Petrus 3:13; Psalm 45:16.
23. San wi mu du now fu tron wan pisi fu na libismafamiri di bai fri èn di sa libi na ini na paradijs?
23 Aladi a e de na ini en santa presi dan Gado sa blesi na agersi foto di Ezechiël ben mag si (Ezechiël 48:35). Den sa kari na grontapu presi dati fu tiri sani Yehovah-Syammah, ofu „Yehovah srefi de drape”. Go doro fu sori wan lobi di no e seki gi Gado èn yu kan tron wan pisi fu na libisma famiri di bai fri èn di e libi na ini na Pardijs, te nowan sma sa de na grontapu na ini dungru moro ma ala sma sa sabi dati Yehovah na a wan libi èn tru Gado (Habakuk 2:14). Tan farawe fu go teige yu wani fu erken Gado nen te den goddelowsusma e kisi pori. Oefen bribi, èn sori taki yu abi na howpu fu de a mindri den sma di o psa libilibi te a e meki den wortu kon tru: „Den nâsi sa musu sabi taki mi na Yehovah.” — Ezechiël 36:23.
San yu sa piki?
◻ Soso na ondro sortu omstandigheid Yehovah e feni en yeye waktiman bun?
◻ Fa Yehovah e handri nanga en skapu, èn fa den kristen herder mu handri nanga den?
◻ Fa den ben teki sani gersi nyun baka na kon na libi fu na dyu nâsi? (Ezechiël 37:1-14) San na a disiten parallel fu dati?
◻ Suma na Gog fu Magog èn san sa psa te a kon feti nanga Yehovah Kotoigi?
◻ San na watra e agersi di e lon komoto fu na tempel di ben si na ini wan visioen?
[Karta/Prenki na tapu bladzijde 16]
(Efu yu wani si pe den sani disi skrifi, luku a tijdschrift)
Na santa bijdrage èn den kontren di den lo kisi
[Prenki na tapu bladzijde 14]
Yehovah e gi en skapu safu sorgu, soleki den herder ben du na owruten. Fu dat’ede meki kristen herder mu handri nanga na ipi fu Gado nanga safufasi