• „Na ala sei pe a liba o lon, sani o man libi”
    Yehovah seti a tru anbegi baka

    • 2 Na engel e taigi Esekièl taki a liba e lon go na a Dede Se. Ala presi pe a libawatra e doro, a e meki a sowtu watra pe nowan sani e libi kon bun baka. A se e kon lai nanga fisi. Esekièl e si tu taki bun furu bon de na sei a liba. Ibri mun den bon disi e gi bun froktu èn den wiwiri fu den bon e meki sma kon betre. A no de fu taki dati den sani di Esekièl si gi en howpu èn den meki a firi bun. Ma san a pisi disi fu a fisyun wani taki gi en nanga den tra Dyu? San a wani taki gi wi na ini a ten disi?

  • „Na ala sei pe a liba o lon, sani o man libi”
    Yehovah seti a tru anbegi baka

    • 6. (a) Sortu dyaranti a profeititori ben gi den Dyu? (b) Sortu warskow a fisyun ben e gi tu? (Luku a futuwortu.)

      6 Watra di e gi libi. Na ini a fisyun fu Esekièl a liba e lon go na a Dede Se èn a e meki a watra fu a se kon bun baka. A watra ben meki taki den fisi na ini a se ben kon furu leki den fisi na ini a Bigi Se noso a Mindrikondre Se. A profeititori e taki tu fu tu foto di ben de na a syoro fu a se èn di ben de fara fu makandra. Someni fisi ben de na ini a kontren dati, taki furu fisiman ben e du bisnis drape. Na engel ben taki: „Na ala sei pe a liba o lon, sani o man libi.” Ma disi wani taki dati a watra di ben komoto na a oso fu Yehovah ben doro na ala sei fu a Dede Se? Nôno. Na engel ben taki dati a watra no ben o doro na den patyapatya presi krosibei fu a se. „Na soso sowtu” ben o de na den presi dati (Esek. 47:8-11).b Sobun, a profeititori ben gi den Dyu a dyaranti taki te den ben o anbegi Yehovah na a yoisti fasi baka, dan sani ben o go bun nanga den. Ma a ben sori den tu taki a no ala sma ben o wani den blesi fu Yehovah èn taki a no ala sma ben o kon betre.

  • A watra di e dropu komoto fu a tempel e tron wan bigi liba!
    Yehovah seti a tru anbegi baka

    • Watra di e gi libi

      NA INI OWRUTEN: Yehovah tan gi en pipel leri aladi den ben kon moro furu. Disi yepi den fu dini en na a yoisti fasi

      NA INI A TEN FU WI: Moro nanga moro sma e kon na ini na agersi paradijs èn den alamala e kisi wini fu a leri fu Yehovah. Na wan agersi fasi den e kon na libi baka

      NA INI A TEN DI E KON: Den sma di pasa Armagedon èn den milyunmilyun sma di o kisi wan opobaka o kisi furu blesi fu Yehovah

  • „Na ala sei pe a liba o lon, sani o man libi”
    Yehovah seti a tru anbegi baka

    • 12. (a) Fa den leri fu Bijbel yepi sma fu tron mati fu Yehovah? (b) Sortu warskow a fisyun e gi wi na ini a ten disi? (Luku sosrefi a futuwortu.)

      12 Watra di e gi libi. Na engel ben taigi Esekièl: „Na ala sei pe a liba o lon, sani o man libi.” Prakseri den milyunmilyun sma di kon na ini a tru anbegi. Den leri fu Bijbel naki den ati èn a yepi den fu bribi na ini Yehovah. Ma a fisyun abi wan warskow tu: A no ala sma o tan lobi den sani di den leri na ini Bijbel. Neleki den patyapatya presi na ini a Dede Se fu a fisyun fu Esekièl, son sma no ben o gi yesi moro na a leri di den e kisi èn den ben o drai baka gi Yehovah.c Noiti wi musu du dati!​—Leisi Deuteronomium 10:16-18.