15. Fa Belsazar ben feragti na tru Gado, Yehovah?

¹⁵ Wan tra tiriman di Yehovah ben feni en fanowdu fu leri en wan les ben de Belsazar. A ben de na man pikin ofu kompe tiriman fu kownu Nabonidus di ensrefi ben de wan sma di ben teki a presi abra fu Nebukadnezar. Na wan bigi fesanyanyan, Belsazar ben abi na bigi memre fu tyari den gowtu patu nanga kan kon na ini di en granpapa ben teki puru na ini Yehovah tempel na ini Yerusalem sodati en, en bigiman fu a kondre, en uma nanga en bij-uma ben kan dringi ini dati. Na so „den ben dringi win, èn den ben gafa den gado fu gowtu, èn fu solfru kopro, isri, udu nanga ston.” — Daniël 5:3, 4.

¹⁷ Daniël ben ferteri Belsazar morofara: „Na Gado di yu bro de na ini en anu èn di ala yu pasi de na en, yu no ben gi glori” (Daniël 5:23). Èn na so na tiriman fu Babylon e kisi fu yere nanga yepi fu na anuskrifi taki den dei fu en kownuwroko ben kon na wan kaba, taki den ben wegi en èn ben feni en lekti; èn dati en kownukondre ben sa gi na den Mediasma èn den Persisma. Èn na ini na srefi neti dati, bakadi Yehovah ben leri na heimemre tiriman disi na fanowdu les disi, den ben kiri Belsasar, na Chaldew kownu. — Daniël 5:30.