-
Leri fu na eksempre fu DanièlA Waktitoren (Studie-Waktitoren) 2023 | augustus
-
-
6. San ben kan yepi Danièl fu abi deki-ati?
6 San ben kan yepi Danièl fu abi deki-ati en heri libi langa? Wi kan de seiker taki Danièl en papa nanga mama ben de wan bun eksempre gi en di a ben yongu. A no de fu taki dati den ben du san Yehovah ben taigi papa nanga mama ini Israel èn den ben leri den pikin den wet fu Gado (Deut. 6:6-9). Danièl ben sabi den Tin Komando èn a ben sabi furu tra sani fu a Wet tu. Fu eksempre, a ben sabi san wan Israelsma ben mag nyan èn san a no ben mag nyanc (Lef. 11:4-8; Dan. 1:8, 11-13). Danièl ben sabi a historia fu Gado pipel èn a ben sabi san ben pasa nanga den di den no ben gi yesi na Yehovah (Dan. 9:10, 11). Den sani di Danièl ondrofeni na ini en heri libi ben meki a de seiker taki Yehovah nanga den tranga engel fu en ben o yepi en awinsi san pasa.—Dan. 2:19-24; 10:12, 18, 19.
-
-
Leri fu na eksempre fu DanièlA Waktitoren (Studie-Waktitoren) 2023 | augustus
-
-
c Danièl ben kan abi dri reide fu no nyan a nyanyan fu den Babilonsma: (1) A Wet fu Yehovah ben taki dati den no ben mag nyan son meti (Deut. 14:7, 8). (2) Kande den Babilonsma no ben meki a brudu komoto na ini a meti te den ben srakti en (Lef. 17:10-12). (3) Efu a ben nyan a nyanyan dati, dan sma ben kan denki taki a ben e teki prati na a anbegi fu wan falsi gado.—Luku Lefitikus 7:15 nanga 1 Korentesma 10:18, 21, 22.
-