-
Nowan sani kan „prati wi fu a lobi fu Gado”Kon krosibei na Yehovah
-
-
19 Yehovah e frustan fa sma e firi. San dati wani taki? Wan getrow owru Kresten ben taki: „Mi kan frustan fa yu e firi te a pen fu yu de na ini mi ati.” Ma Yehovah e firi a pen fu wi trutru? Luku san Bijbel taki fu a pisi ten di Gado pipel, Israel, ben nyan pina: „Ala ten te den ben de na ini banawtu, en ben de na ini banawtu sosrefi” (Yesaya 63:9). A no ben de so nomo taki Yehovah ben e si den nowtu fu den; a ben e frustan fa a pipel ben e firi. Den sani di Yehovah srefi e taigi den futuboi fu en e sori wi o furu a e firi gi wi: „A sma di e fasi unu, e fasi a popki fu mi ai” (Sakaria 2:8).b Dati ben o hati srefisrefi! Iya, Yehovah e firi gi wi. Te wan sani e hati wi, dan a e hati en tu.
-
-
Nowan sani kan „prati wi fu a lobi fu Gado”Kon krosibei na Yehovah
-
-
b Son Bijbel e meki a gersi leki den sma di e fasi Gado pipel no e fasi na ai fu Gado, ma taki den e fasi den eigi ai noso na ai fu Israel. A fowtu disi kon fu di sma di ben e skrifi Bijbel abra, ben feni taki a pisi disi no e sori lespeki gi Gado; fu dati ede den ben skrifi en tra fasi. A fowtu denki fu den ben meki taki sma no man si krin moro o furu Yehovah e firi gi sma.
-