• Yu o meki wan sani tapu yu fu waka baka Yesus?
    A Waktitoren (Studie-Waktitoren) 2021 | mei

    • (3) YESUS NO BEN HORI ENSREFI NA FURU FU DEN DYU GWENTI

      Furu sma no ben wani arki Yesus fu di a no ben e hori ensrefi na furu fu den Dyu gwenti. Fa den srefi sani disi kan meki taki sma na ini a ten disi no wani arki wi? (Luku paragraaf 13)e

      13. Fu san ede furu sma drai baka gi Yesus?

      13 Na ini a ten fu Yesus, den disipel fu Yohanes a Dopuman no ben man bribi taki den disipel fu Yesus no ben e faste. Yesus ben sori den taki den no ben abi fu faste fu di a ben de na libi ete (Mat. 9:14-17). Den Fariseiman nanga den gensman fu Yesus ben e krutu en fu di a no ben e hori ensrefi na den gwenti fu den Dyu. Den ati bron di a ben e dresi siki sma tapu Sabat-dei (Mark. 3:1-6; Yoh. 9:16). Na a wán sei, den ben e meki bigi taki den ben e hori densrefi na den wet fu Sabat-dei. Ma na a tra sei, den no ben e krutu den sma di ben e du bisnis na ini a tempel. Den ati bron srefisrefi di Yesus sori den taki a sani disi no bun (Mat. 21:12, 13, 15). Di Yesus ben e preiki gi sma na ini wan snoga fu Nasaret, dan den sma ati bron di a sori den taki den no abi bribi èn taki den e denki densrefi nomo (Luk. 4:16, 25-30). Fu di den no ben fruwakti taki Yesus ben o taki a sani disi, meki den drai baka gi en.​—Mat. 11:16-19.

      14. Fu san ede Yesus ben krutu den gwenti fu den Dyu di no ben e kruderi nanga Bijbel?

      14 San Bijbel e taki? Yehovah ben meki a profeiti Yesaya taki: „Nanga den mofo nomo a pipel disi e taki dati den de krosibei fu mi. Den e gi mi glori nanga den mofo nomo, ma den ati de farawe fu mi. Den feni taki den e frede mi, ma den e gi yesi soso na den komando di libisma e leri den” (Yes. 29:13). Yesus ben abi leti fu krutu den gwenti di no ben e kruderi nanga Bijbel. Na libisma ben poti den gwenti dati leki wet. Te yu luku en bun, dan den sma di ben feni taki den gwenti disi prenspari moro san skrifi na ini Bijbel, ben drai baka gi Yehovah nanga a sma di a ben seni kon leki Mesias.

  • Yu o meki wan sani tapu yu fu waka baka Yesus?
    A Waktitoren (Studie-Waktitoren) 2021 | mei

    • (4) YESUS NO BEN BUMUI NANGA POLITIEK

      Furu sma no ben wani arki Yesus fu di a no ben wani bumui nanga politiek. Fa den srefi sani disi kan meki taki sma na ini a ten disi no wani arki wi? (Luku paragraaf 17)f

      17. San furu sma na ini a ten fu Yesus ben e fruwakti taki a Mesias ben o du?

      17 Son sma na ini a ten fu Yesus ben e fruwakti taki a Mesias ben o fri den fu a tiri fu den Romesma. Ma di den pruberi fu poti Yesus leki kownu, dan a no ben wani (Yoh. 6:14, 15). Son sma, soleki den priester, ben e frede taki Yesus ben o kenki a regering. Dan den Romesma ati ben o bron èn den ben o puru a makti di den ben gi den priester. Dati meki den Dyu disi no ben wani arki Yesus.

      18. Na sortu profeititori fu a Mesias den sma no ben poti prakseri?

      18 San Bijbel e taki? Furu profeititori ben e taki dati te fu kaba a Mesias ben o de wan Kownu di ben o wini den feanti fu en. Ma tra profeititori ben e sori taki a ben o abi fu dede fosi gi den sondu fu wi (Yes. 53:9, 12). Ma fu san ede den sma fu a ten fu Yesus ben e fruwakti taki Yesus ben o kenki sani na a ten dati? Furu fu den no ben poti prakseri na den profeititori di ben e sori taki den problema fu den no ben o lusu na a ten dati.​—Yoh. 6:26, 27.