-
Den e ferteri sma „a bun nyunsu fu Yesus”„Preiki finfini” fu Gado Kownukondre
-
-
3. (a) Suma ben de Filipus? (b) Fu san ede furu sma na ini Samaria no ben yere a bun nyunsu? Ma san ben o psa na ini a kontren dati soleki fa Yesus ben taki?
3 Wan fu den sma „di ben lowe go na tra presi”, ben de Filipus (Tori 8:4; luku a faki di nen „Filipus, ’a preikiman’”).a A ben go na Samaria, wan foto pe furu sma no ben yere a bun nyunsu ete, fu di Yesus ben taigi den apostel wan leisi: „No go na wan foto na ini Samaria. Na presi fu dati, un musu go soso na den lasi skapu fu Israel” (Mat. 10:5, 6). Ma Yesus ben sabi taki baka wan pisi ten, den Kresten ben o preiki finfini na ini Samaria, bika syatu bifo a opo go na hemel, a taki: „Unu o de kotoigi fu mi na ini Yerusalem, na ini heri Yudea nanga Samaria èn te na den moro farawe presi fu grontapu.”—Tori 1:8.
-
-
Den e ferteri sma „a bun nyunsu fu Yesus”„Preiki finfini” fu Gado Kownukondre
-
-
a Disi a no na apostel Filipus. Ma soleki fa wi ben si kba na ini kapitel 5 na ini a buku disi, dan en na a Filipus di ben de wan fu den ’seibi man di ben abi wan bun nen’. Na en ben kisi a frantwortu tu fu orga a wroko fu prati n’nyan ibri dei gi den Hebrew uma nanga den Griki uma na ini Yerusalem di ben lasi den masra na ini dede.—Tori 6:1-6.
-