• No ’luku go na den sani di de na yu baka’
    A Waktitoren 2012 | 15 maart

    • 12. Fa Paulus ben e si den sani di a libi na baka?

      12 Na apostel Paulus libi furu sani na baka fu tron wan bakaman fu Krestes (Fil. 3:4-6). Fa a ben si den sani disi di a ben libi na baka? A taki: „Fu Krestes ede, meki mi kon si den sani di ben e tyari wini kon gi mi, leki soso sani.” Fu san ede a taki disi? A taki: „Iya, fu dati ede mi kan taki dati mi e si ala sani leki soso sani trutru, fu di den sani di mi kon sabi fu Krestes Yesus, mi Masra, warti moro ala sani. Fu en ede mi drai baka gi ala den sani dati. Mi kon si den leki wan ipi doti, so taki Krestes kan feni mi bun” (Fil. 3:7, 8).a Te wan sma trowe doti, a no e hati en bakaten taki a trowe en. Na so a no ben hati Paulus taki a libi son grontapu sani na baka èn taki a no du son sani. A no ben e si den moro leki prenspari sani.

      13, 14. Fa wi kan du san Paulus du?

      13 San kan yepi wi efu wi bigin prakseri den sani di wi libi na baka noso den sani di wi ben kan du? Du san Paulus du. Luku sortu bun yu abi na ini yu libi now. Yu tron wan mati fu Yehovah èn a sabi yu leki wan sma di e tai hori na en (Hebr. 6:10). Grontapu no kan gi wi nowan sani di warti leki den blesi di Yehovah e gi wi now èn di a o gi wi na ini a ten di e kon.​—Leisi Markus 10:28-30.

  • No ’luku go na den sani di de na yu baka’
    A Waktitoren 2012 | 15 maart

    • a A wortu di vertaal nanga „doti” na ini a tekst disi wani taki tu, sani di sma „e trowe gi dagu”, „kunkun”, „pupe”. Wan Bijbel sabiman taki dati Paulus gebroiki a wortu disi fu sori taki den sani di a libi na baka, de leki sani di sma no wani kwetikweti. Den e si den leki sani di no warti noti èn den e tegu gi den. Den no wani si den sani dati noiti moro.