Wan okasi di yu no musu misi

A neti fosi Yesus gi en libi, a taigi den reti-ati bakaman fu en fu memre a dede fu en di ben de wan srakti-ofrandi. A gebroiki a brede sondro srudeki nanga a redi win di ben de na den fesi, èn a seti a fesa di sma e kari na Avondmaal fu Masra. A taigi den disipel fu en: „Tan du disi fu memre mi.”​—Lukas 22:19.

Ibri yari, Yehovah Kotoigi na heri grontapu e kon makandra fu memre a dede fu Yesus. Na ini 2014, a Memrefesa o hori na tapu munde 14 april, baka sondongo.

Wi e gi yu wan switi kari fu de na a konmakandra disi pe yu sa kon sabi moro fini san a dede fu Yesus wani taki. Yu no abi fu pai fu de na a konmakandra disi. Wi no o piki moni tu. A sma di gi yu a tijdschrift disi kan taigi yu o lati a Memrefesa o hori na ini yu kontren, èn pe a o hori. Yu kan go sosrefi na a Web site fu wi, jw.org/srn. Grantangi skrifi o ten a fesa disi o hori, èn wi howpu taki yu no o misi en.