„Joe wortoe de wan lampoe”
1 „Joe wortoe de wan lampoe gi mi foetoe èn wan leti tapoe mi pasi”, na Psalmskrifiman ben taki (Ps. 119:105). Den libisma na ini grontapoe moesoe go ferstan na Wortoe foe Gado, efoe den wani kisi jepi. Jezus nanga den fosi apostel ben verdedig tapoe wan loyaalfasi na Wortoe foe Gado. Na so oenoe e prakseri toe foe na Wortoe foe Gado? We, meki wi soekoe na ini januari okasi foe pristeri na Njoen-Grontapoevertaling makandra nanga wan jepi foe studeri na bijbel na den sma, sodati den toe kan ondrofeni dati a wortoe foe Gado e tjari leti kon, a tapoe den pasi.
2 Foe san-ede wi sa gi den dek’ati foe abi wan foe den Njoen-Grontapoevertaling, ala di tokoe boen foeroe sma de, di abi wan bijbel? Boen réde de foe disi. Na a fosi presi na ini a ten disi moro owroe èn moro betrouwbaar boekoe foe anoeskrifi foe na bijbel de foe kisi èn wan modern vertaling foe den boekoe disi e jepi wi foe kisi wan boen ferstan foe na bijbel. Na a di foe toe presi sma e ferstan den fosi bijbeltongo now foeroe-tron moro betre. Na sabi disi di kon moro foeroe e meki vertaling kon di de moro, krin foe ferstan. Boiti dati, wi ben leri ooktoe dati a tongo srefi ben kenki na ini den jari di psa, sodati wan modern vertaling foe na bijbel de moro krin. Èn te foe kaba, èn dati de a moro prenspari réde na afersi de drape foe wan joisti ferstan foe den sma di e vertaal srefi.
3 A wan sani di wi no kan poti na wansé, dati den fowtoe religieus fasi foe denki ben abi krakti tapoe foeroe sma di e vertaal a bijbel. Wan moi eksempre wi e feni pe den ben libi na baka foe hori getrowfasi na a wortoe foe Gado na ini a gebroiki foe en persoonlek nen Jehovah. Foeroe-tron foe espresi den no ben kari na nen. Foe dat’ede den sma abi wan vertaling fanowdoe di e tjari na boskopoe di de foe feni na ini den fosi tongo soifri abra.
4 Ma wi kan de kolokoe dati wi abi wan vertaling pe den no ben kibri nowan moeiti foe djaranti dati ala sani de soifri! Wi moesoe sorgoe dati na Njoen-Grontapoevertaling kon na ini anoe foe den sma. Fa joe ben sa man foe pristeri dati na a doro? A no a misi dati difrenti fasi de na ini oen gebied di sori dati den abi winimarki èn sotoe na tori foe Takmakandra kan gebroiki tapoe wan moifasi foe bow wan broiki go na wan positief pristeri foe na bijbel.
5 Wi wani gi den sma na ini oen gebied nanga ala prisiri ooktoe na dek’ati foe teki sosrefi toe wan foe den pikin boekoe foe oenoe. Foe san-ede wi no sa proberi alatron foe doe na heri pristeri, soboen na bijbel makandra nanga wan studi-boekoe? Prakseri dati leki kotoigi foe Gado wi abi wan maksin foe waarheid. Wi e bribi dati awasi sortoe boekoe joe e pristeri nanga na bijbel, na ini den bladzijde foe en, kommentaar sa de foe feni, di sa gi den sma na dek’ati now joisti foe lési na boekoe dati. Teki wan toe momenti foe prakseri abra na boekoe di joe wani pristeri nanga na bijbel, sodati joe kan ferteri wan toe punt foe en.
6 Joe ben sa wani si nanga prisiri dati den sma nanga soema joe e studeri na bijbel sa kisi wan moro dipi sabi foe na Bijbel? Gi den na dek’ati foe lési wantoe foe den moro owroe boekoe di joe kan kisi na ini na gemeente. Èn efoe joe kon moksi joesrefi pas nanga Jehovah organisaatsi èn srefi joe no ben lési srefi wantoe foe den moro owroe boekoe dati, dan kande joe e meki na plan foe bai den èn te na okasi de foe lési den ofoe foe abi den foe doe ondrosoekoe.
7 Na ini Mateus 5:3 Jezus ben prijse den sma kolokoe di ben sabi na jeje nowtoe foe den. Joe kan, foe di joe sa wroko na ini januari nanga na bijbel èn tra boekoe, joe ben sa kan foe jepi den sma foe lekti den jeje nowtoe? Gebroiki joe ten boen na ini januari foe pristeri na wortoe foe Gado na den sma èn meki a de so dati Jehovah sa meki a waka boen gi joe.