Iti wan ai tapoe na veldtocht nanga na Disi na ala a libi-boekoe
A moen december sa de wan boen moen foe pristeri na pikin boekoe Na libi disi na ala san de? agen, makandra nanga na Nieuwe Wereldvertaling foe Sf 7,00. Na inibere foe na pikin boekoe disi sa meki foeroe sma go denki èn séker a sa kan gi dek’ati foe go lési a bijbel èn studeri en. Joisti a moen december de fiti boen foe taki foe tori soleki „Fa a doe kon taki libisma e dede?” noso „Sma moesoe frede foe den dedewan” noso „Miljardmiljard sma di dede sa libi eri esi baka”. Tori soleki foe sili, opobaka nanga tégo skinati de tori di joe kan takimakandra heri boen ini a ten disi. Foeroe sma abi pikinso of no abi srefsrefi howpoe moro èn efoe den e go ferstan taki Jezus Kristus abi ala den égifasi di de fanowdoe foe meki na libismageslagti kon boen baka èn dati en, nanga aladi a de volmaakti ensrefi, ma foe di a ben libi djaso na grontapoe ensrefi ben sabi den problema nanga san onvolmaakti libisma abi foe doe, den sa kisi fertrow na ini na seti disi. Disi e gi na okasi agen foe opo wan bijbelstudie nanga jepi foe a pristeri disi.