Wi prati ini a sori foe theocratis sakafasi
1 Theocratis sakafasi de wan prenspari sani ini a go a fesi èn jeje gro foe wan gemeente. Paulus ben sori tranga tapoe disi na ini Hebrewsma 13:17: „Gi jesi na den di e teki na tiri a mindri oenoe èn saka oensrefi, bikasi den e ori wakti abra oenoe sili leki sma di abi foe gi frantwortoe.” Disi e sori taki a jeje tanboen foe na heri gemeente leki wan groepoe, didon na a wani di wi wani foe wroko makandra nanga wisrefi èn nanga den owroeman te den e doe moeiti foe doe frantwortoewroko leki herder foe a ipi.
2 Aladi morofara a e poti krakti tapoe disi, Paulus e gi wi tranga dek’ati: „Now, brada, wi e aksi oenoe foe abi respeki gi den di e wroko tranga mindri oenoe èn di e abi na tiri abra oenoe ini Masra èn e fermane oenoe, èn foe den wroko ede foe oenoe abi moro leki kewoon respeki gi den ini lobi gi den” (1 Thess. 5:12, 13). Wi kan sori na respeki disi no wawan foe di wi e handri den owroeman nanga respeki, ma, san de moro prenspari, foe doe ala san de na ini wi krakti foe doe foe jepi den meki a wroko kan doe.
NA WROKO FOE OWROEMAN
3 Loekoe pikinso wantoe frantwortoe foe owroeman. Boiti na gi foe leri tapoe den komakandra, den e teki na tiri toe na ini na velddienst (1 Petr. 5:2, 3). Na skrifi foe brifi go na a Genootschap nanga tra fanowdoe afersi moesoe handri. (Teki gersi Tori foe den Apostel 6:1-6.) Den e sorgoe foe na jeje tanboen foe den sma di abi problema èn e jepi den foe lon gwe gi ala den sani di ben sa kan tjari den fasi foe de nanga Jehovah kon ini kefar (Joh. 10:11, 15). Soboen den e aksi foe den dati den gi foeroe ten na afersi di abi foe doe nanga na Kownoekondrewroko.
TJARI WI ÉGI EBI
4 Foe di wi de onvolmaakti, kande wi sa e ati wan trawan firi wawantron so, san kan abi leki bakapisi wan span fasi foe de nanga makandra. Persoonlek moeilekheid di no de foe ernstig belang, moesoe loesoe foe dat’ede gaw èn ondro fo ai (Kol. 3:12-14; om blz. 140, 141). Efoe joe de séker taki wan sma ini na gemeente ben doe wan ernstig sondoe tége joe persoonlek, dan no go toemsi gaw na den opziener noso wan tra sma foe aksi den foe kon a mindri oenoe foe jepi joe. Soleki na rai foe Jezus de dan joe moesoe taki fosi na ondro fo ai nanga na sma foe soema joe abi wan sani foe kragi (Matt. 18:15, 16, om blz. 143, par. 1, 2). Efoe joe no man foe loesoe na afersi èn na afersi e gi abra na den owroeman foe den ondrosoekoe èn kroetoe en, meki na problema rostoe dan ini den anoe èn fertrow tapoe Jehovah dati en sa loesoe na afersi.
5 Wi kan de wan bigi jepi gi den owroeman foe di wi e handri akroederi nanga bijbel gronprakseri di e gi wi na rai foe wi de bescheiden èn no abi wan fasi foe tjari wisrefi pe wi e poesoe wisrefi kon na fesi èn foe wi e gi wisrefi fajafaja na wi osofamiri-frantwortoe (om blz. 65, 66; Titus 2:2-5). Wi krosi di wi e weri, a fasi fa wi e sorgoe gi wi skin èn na fasi fa wi e tjari wisrefi, moesoe kotoigi foe na wartifasi di de na ini na anbegi foe Jehovah na ini en oso (Prék. 5:1; 1 Tim. 2:9, 10; Gal. 6:4, 5). Den moeiti di wi e meki di e kroederi nanga wan boen konsensi sa jepi foe wan gesontoe geest kon foe de na ini na gemeente.
6 Den owroeman e broko den ede foe wan wantewante, ordelek fasi foe handri gemeente afersi. Den e feni en switi troetroe efoe wi abi wan doronomo prati na a velddienst, e lever wi rapport biten in èn wi e hori den toewijzing foe wi na tapoe na theocratis diniwrokoskoro. Morofara a de boen foe wi wroko na gebied di wi kisi foe wroko na ini na wan heri boen fasi èn rapporteer soifri oten na gebied ben wroko. Sorgoe foe wi prati na ini na krin foe na zaal èn ondrohow foe na Kownoekondrezaal de wan heri moi fasi foe jepi den owroeman. — Neh. 10:39.
JEPI TRAWAN
7 Den owroeman e broko den ede spesroetoe foe hori na gemeente tranga na jejesé èn foe a tan de fajafaja (1 Thess. 2:7, 8). Wi persoonlek kan jepi pikinso toe nanga na jepi foe trawan foe di wi e taki ’foe gi dek’ati na den sili di las’ati èn foe jepi den swakiwan’ (1 Thess. 5:14). Wi faja gi na prékiwroko e jepi dati trawan e kisi motivatie foe doe moro. Wan faja, persoonleke belangstelling gi wi brada nanga sisa e jepi na gemeente foe tan tranga. — Fil. 2:4.
8 Nanga aladi den owroeman kisi na aanstelling foe wei na ipi, dan foe na ’joisti gro foe na skin èn na opbow foe wisrefi ini lobi’ a de fanowdoe dati ibriwan foe wi e doe pikinso foe wi sé wan sani (Ef. 4:16; Odo 11:14). Efoe wi e ferstan boen sortoe rol theocratis sakafasi e pré ini na jeje gro foe na gemeente, wi ’sa feni taki den owroeman warti toe tron someni grani’ èn jepi den nanga wi heri ati te den e wei na ipi foe Gado. — 1 Tim. 5:17.