Sekerfasi na a heri grontapoe ondro na „vredekownoe”
1 Lési pikinso san den sma di meki a boekoe di kon a doro ini 1986 nanga a nen di de dja na tapsé. Den e taki: „Na kon foe sekerfasi na a heri grontapoe ondro na ’Vredekownoe’ de wan sani di de faste. Na Almakti Gado e djaranti wi foe disi ini a profétitori di e go foe na gebortoe èn na waka nanga libi foe na ’Vredekownoe’ ini Jesaja 9:6, 7: „Den sa kari en nen . . . Vredekownoe. Na a kownoe tiri èn na vrede psa marki wan kaba no sa kon. Ija, na faja foe Jehovah foe den legre sa doe disi.” Na ini a boekoe disi e tjari kon a krin fa den lésiman kan sreka densrefi a tapoe foe go ini na tirimakti psa marki foe na „vredekownoe”.
2 Ibriwan sma sa njan boen foe a boekoe disi foedi a skrifi spesroetoe foe kisi wan boen prenki foe Jehovah Kownoekondre èn foe den marki foe go ini a Kownoekondre dati. Na boekoe ben sa studeri kapitel foe kapitel èn den sa loekoe den tekst di no skrifi efoe ten e gi pasi foe dati èn tjari en kon tapoe a materiaal di ben taki foe en. A boekoe disi e poti spesroetoe prakseri toe tapoe den onderdaan foe a Kownoekondre èn a bigin na ini kapitel 13 nanga na tori: „Na ’Vredekownoe’ e poti en prakseri na tapoe sma dorosé foe a njoen ferbontoe”. Foe sensi a wiki di e bigin tapoe 23 augustus, na boekoe disi sa studeer tapoe na gemeente boekoestudie. (Gi den gemeente nanga groepoe ini Sranantongo wi no o bigin studeri a boekoe disi, ma wi o bigin nanga a studeri foe a boekoe: Psa libilibi go ini wan njoen grontapoe. Èn wi e bigin nanga a boekoe disi tapoe 16 augustus. Ibriwan sma, ooktoe den njoenwan sa abi spesroetoe belangstelling ini na moi materiaal disi di e bow joe.
3 Na ini kapitel 16 di abi leki nen: „Na ’bigi ipi’ e teki now na ’edepasi’ go na Gado organisatie”, den e taki ini paragraaf 17 èn 18: „Now, sofara na ini a bosroiti foe na seti foe sani”, na edepasi di Gado gi de opo-opo ete. Ipi-ipi sma di foeroe nanga warderi e teki tapoe wan boen fasi den bodoi dati Babylon a Bigiwan fadon gi na moro bigi Cyrus, Jezus Kristus. Èn den e lon komoto foe drape èn den koti go ini a pasi di e go na a jeje paradijs, „na pasi foe santa fasi” (Jeremia 50:8). Den e kisi wan prisiri nanga brétifasi di joe no kan man foe taki foe en, soleki skrifi na ini na laatste vers foe Jesaja kapitel 35: ’Èn a sa de den wan di Jehovah bai fri di sa drai go baka èn seker sa kon na Sion nanga prisiri babari, èn brétifasi te ten di no abi marki sa de tapoe den ede. Den sa kon na ini prisiri nanga brétifasi psa marki, èn sari nanga soktoe moe wai go na wan sé.”
4 Wan prenspari sani foe kan njan boen dorodoro foe na boekoestudie, de wan soifri sreka a fesi. Disi no sa jepi joe nomo ma ooktoe jepi trawan foe meki na studie de interessant èn pe joe e leri wan sani foe en èn njoen sma sa kisi tranga foe doe asrefi. Tapoe a fasi disi na gemeente boekoestudie sa meki Jehovah nen kon moi foedi joe de srekasreka foe prati den moi waarheid foe na kownoekondre nanga trawan.