Kobroyki taktik na ala sma — Di fu 5 pisi
1 „Ma no ala sma de klariklari fu arki èn wi no e pruberi tu fu dwengi wan sma fu du dati.” Na prakserilin disi tapu bladzijde 15 fu na Taki-go-taki-kon-buku de prenspari srefisrefi. Efu wan sma e pruberi fu koti wan takimakandra wi kan kobroyki wan fu den tumusi bun ray ini na Taki-go-taki-kon-buku fu go doro nanga na takimakandra. Na fasi fa wi sten e piki èn na fasi fa wi e taki en de prenspari, bikasi a no e go fu wini wan takimakandra nanga yepi fu logis taki, ma fu miti na ati fu na ososma. Wantu sma no ben wani abi noti fu du tu nanga Yeyses (Mark. 5:17). Ini den sortu situwâsi disi Yeyses ben de ala ten reydelek, bika a ben sabi taki bakaten toku tra fasi ben sa de fu taki baka nanga den srefi sma disi. Efu wi tan ala ten nanga switifasi na den sortu okasi disi èn no e luku wwan san wi e taki ma moro furu fa wi e taki en dan na preykiman di e kon na wi baka sa abi en moro makriki. Dan kande na ososma sa arki en.