graniwan èn sikiwan kan tyari gudu kon srefsrefi. Owrusma abi furu libi ondrofeni èn den leri furu leisi fu libi nanga muilek omstandigheden; sobun den fasi fu si sani èn den sani di den e memre kan abi furu waarde gi wi (Odo 16:31). Ondrofeni a prisiri en kisi den persoonlek winimarki fu na yepi fu owruwan nanga sikiwan. — Tori. 20:35; Rom. 1:12.

Meki den komakandra abi moro leri

¹ „Wan sani di wroko tranga na mi tapu, ben de dati yongu sma nanga owru-sma ben abi wan prati na den komakandra na ini na Kownukondrezaal fudi den ben gi piki èn ben suku den bijbeltekst.” Oiti yu ben yere wan sma ben taki dati fu den fosi komakandra fu Yehovah Kotoigi di a ben fisiti? (1 Kor. 14:25b) Furu fu wi ben yere den sortu wortu disi. Èn fa wi ben prisiri dati wi ben fisiti den komakandra dati èn ben abi wan prati na a gi fu kommentaar!

² Di wi sreka wisrefi a fesi, dan den kommentaar fu wi e abi moro betekenis èn den komakandra abi moro leri èn moro bun gi ala den sma di de drape (Hebr. 10:24, 25). Disi mu meki wi firi dipi na ini wi geest nanga wi ati na prenspari fu wroko di mu de na a bribi. Dati sa yepi wi fu tyari kenki kon ini wi kristen libi nanga waka èn activiteit. — Yak. 1:25.

TE WI DE NA TAPU NA PODIUM

³ Difrenti tori e behandel na tapu na theokratis bedieningskoro. Den sisa e kisi wan toewijzing fu na Tego libi-buku èn na Tak-go-tak-kon-buku, den tu publikatie fu san wi e meki gebroiki doronomo ini wi velddienst. Den wan di abi den prati disi, kan meki na skoro abi moro leri fudi den e gebroiki praktis setting fu tyari den prenspari punt fu na materiaal kon na fesi. Disi sa yepi den arkiman fu sori warderi gi den bodoi èn fu ferstan fa den kan gebroiki disi ini a velddienst. Den brada di abi lezing di abi den fundamenti ini na Tak-go-tak-kon-buku, srefi kan poti krakti tapu punt di bun srefsrefi te wi e gi kotoigi ini gebied fu na gemeente. Den brada di abi prati nanga na bijbelleisitoewijzing, kan meki den inleiding fu den, den opmerking, di abi fu du nanga san leisi èn den bosroiti, abi betekenis fudi den poti krakti na tapu punt di abi praktis waarde. Kande a tapu wan fu den fasi disi yu kan meki a skoro abi moro leri gi ala den sma di de drape.

⁴ Kande den e aksi wi fu teki prati na wan demonstratie na tapu wan dienstvergadering. Efu dati de so, dan na sreka a fesi de tumsi prenspari. San wi e taki musu de krin fu ferstan, èn wi mu meki sobun wan joisti gebroiki fu den microfoon. (Teki gersi 1 Korinte 14:9). Te yu e teki prati ini demonstratie, dan no go tanapu nanga yu baka gi a publiek. Na a fasi disi den arkiman, di yu e sori na ososma san de na ini na publikatie, sa si na dorosei kanti fu na publikatie. Èn te wi tanapu nanga wi fesi gi na publiek, den kan yere wi moro krin èn kan si den difrenti uitdrukking na tapu wi fesi.

LEKI ARKIMAN

⁵ Den wan fu wi di de drape, kan meki a komakandra abi moro leri gi densrefi fudi den e arki bun (1 Tim. 4:16; Hebr. 2:1). Ala sma mu meki a koni fu arki gro, èn no mu meki a yeye fu wi komoto go na tra presi. Taki safri nanga wan trawan di e sidon na ini wi birti e puru tra sma prakseri. Opo te a no de fanowdu fu go na a toilet ofu fu go dringi watra, sa tapu wi tu fu nyan bun someni leki a kan fu den komakandra èn sa puru trawan den prakseri tu.

⁶ Efu wi abi pikinnengre èn den disi no de rustig, kande wi sa wani go sidon krosbei na pasi fu go na dorosei, ini na bakasei pisi fu na Kownukondre zaal, sodati so weiniki leki a kan den sa stoor. Efu den no e tyari densrefi bun ofu e meki babari, dan a fiti gi den papa nanga mama fu teki den nanga den go na dorosei fu na pisi fu na Kownukondrezaal pe den sdonpresi de. Noso den sa tan tapu trawan ini den concentratie di e proberi fu poti prakseri na den komakandra. — Odo 22:6, 15.

⁷ Efu wi e span wisrefi fu meki den komakandra abi moro leri, gi wisrefi èn ooktu gi trawan, dan alamala sa kisi yepi fu gro na yeyefasi. Dan den sa taki fu wi, net soleki fu den kristen ini Thessalonika, dati wi „bribi e gro tapu wan tumsi aparti fasi èn a lobi gi makandra fu ibriwan fu [wi] sondro fu puru wan sma na ini, e kon moro furu”. — 2 Thess. 1:3.

Pristeri a bun nyunsu — Fudi wi e gebroiki a bijbel

¹ „A Wortu fu Gado de a libi èn a abi krakti” (Hebr. 4:12). Fu kan sori krakti dorodoro èn fu kon na libi, dan wi mu leisi a wortu disi èn poti en ini wi libi. Fu meki disi kon morofara tru, dan Yehovah organisatie di ben bigin nanga disi moro furu na ini 1954, fu wi gebroiki na bijbel ini wi doro fu doro diniwroko. Di wi kisi leri fu hori dri-te-aiti-minuutlezing na den fisiti fu wi oso-fu-oso, èn fu tyari kon na a prakseri fu den ososma san a bijbel abi fu taki fu den prenspari tori.

² Ini yari di no pasa langa kaba dan Wi Kownukondredienst ben abi regelmatig na Tori fu Takmakandra, pe tu ofu dri tekst e tyari kon a krin fu wan tori fu gebroiki ini na velddienst. Na disiten Tori fu Takmakandra fu eksempre e go fu na thema: „Fasi fu bribi di abi trutru waarde”. Den tekst di e gebroiki e poti krakti na tapu na difrenti a mindri falsi nanga tru fasi fu anbegi.

³ Fu gebroiki na bijbel tapu wan bun fasi di e doro en marki, dan a e aksi