di joe ben leri. Joe kan meki tra sma di joe kan teki gersi nanga skapoe teki prati na asrefi glori howpoe foe a ten di e kon leki san joe abi. Den jongoe mati foe joe ini na gemeente di no gi densrefi abra ete, sa kisi tranga nanga joe eksempre èn kande sonwan foe den sa kon sofara ’foe drai den wroko foe den go tapoe Jehovah’ èn sorgoe dati den plan foe den ini a ten di e kon „poti stéfi”. — Odo 16:3.

⁵ Jongoewan di no dopoe ete e kisi nanga ala switifasi wan kari foe go prakseri fa den kan bradi na kristen diniwroko foe den. Aladi den kande e wroko moro foeroe nanga den papa ofoe mama foe den, tokoe wawantron den kan wroko nanga serjoesoe jongoewan di de nanga faja ofoe owroewan. Go prakseri dati a de kande wan fonten foe kowroe-ati èn dek’ati te jongoe nanga owroewan makandra e go ini na diniwroko! — Romeini 1:12; Jesaja 40:30, 31.

⁶ A blesi foe Jehovah e meki wi goedoe na jejefasi èn e boewégi wi foe doe moeiti ini en dienst. Meki den moeiti di wi e doe ini akruderi nanga wi bekwaamheid èn ini wi omstandigheid, prisiri Jehovah aladi wi e sreka wisrefi a tapoe foe dini en foe tego.

Poti komakandra ini joe fakansiplan

¹ „Fa mi kan feni, now di mi o seti sani gi mi fakansi, a moro krosbé kownoekondrezaal?” A aksi disi e kon wan dé na joe te joe e meki plan foe go nanga fakansi? Foeroe sma e feni dati den e kisi tapoe den fakansi sonwan foe den moro moi ondrofeni tori di den e memre te den e fisiti komakandra èn e teki prati nanga a gemeente foe a presi pe den e go. Nanga disi den e kisi jepi foe „bradi” na ati foe den èn foe kisi wan moro bigi warderi „gi na heri gemeenschap foe brada”. — 2 Kor. 6:11-13; 1 Petr. 2:17.

² Kande joe e reis go na presi pe joe sabi a gemeente kaba pe joe e go foedi joe ben si dati kaba wantron. Ma fa joe kan feni a moro krosbé gemeente te joe no ben go noiti ete ini a kontren dati. Son koranti foe a presi e ferteri na adres foe na kownoekondrezaal nanga den komakandra foe den. Na telefoonboekoe foe na presi kande abi adreslijst ondro Jehovah Kotoigi kownoekondrezaal. Noso joe e feni kande na skowtoe ofoe postbode wan tra sma di e libi drape sabi den presi, di kan sori joe a pasi go na a kownoekondrezaal ofoe kan tjari joe kon ini kontakti nanga brada nanga sisa di e libi ini a kontren. A boen foe soekoe a gemeente so esi leki joe kon ini a gebied.

³ Den komakandra foe den de tapoe moro foeroe presi bijna asrefi. Ma hori ini prakseri dati kownoekondrezaal ini son kontren kande abi den komakandra ini difrenti tongo. Te joe soekoe a kownoekondrezaal afesi joe kan kon sabi oten den komakandra e hori.

⁴ Fakansiten o gi wi wan okasi foe de fri foe wi grontapoe wroko èn foe teki wantoe dé ontspanning, ma wi no wani gi moro pikinso ten na a dienst foe Jehovah. Te wi fisiti komakandra èn teki prati na a velddienst ini gemeente pe wi e psa wi fakansi, dan kande, a no sa de wawan wan kowroe ati gi wi ma ooktoe wan fonten foe dek’ati gi den brada nanga sisa foe a gemeente. — Hebr. 10:24, 25; 13:15, 16.

Pristeri a boen njoensoe — Foedi joe e préki na bakadina

¹ Aladi Jehovah e meki na tjari konmakandra-wroko disi go na fesi, dan alape moro gemeente e kon, a nomroe foe prékiman nanga pionier e gro èn foeroe prékiman e gi moro ten na a velddienst. Na son presi a de heri boen mogelijk taki son sma abi pikinso gebied foe wroko na ini. Prékiman e kon nofotron na asrefi doro. Ma wan sani di wi si ooktoe de dati foeroe sma no de na oso te wi e naki a doro foe den èn son sma bijna noiti e kisi na okasi foe jere na kownoekondre boskopoe, awinsi a gebied e wroko geregeld.

² Wi sa kisi dek’ati foe sabi dati a situatie dati kenki nownow ini foeroe gemeente pe den prékiman meki wan bigin foe poti densrefi tapoe velddienst na bakadina. Prékiman ben ferteri dati ini bepaalde gebied pikinmoro na ibri doro den ben feni wan sma, aladi na moro froekoe tapoe a dé pikinso sma ben de na oso. Den ben ferteri ooktoe dati sma na a kaba foe a dé ini algemeen e meki wan moro ontspannen indruk èn e firi foe arki te den e kon na den nanga na kownoekondre boskopoe.

DE REDELIJK

³ Bepaalde punt de di wi moe hori ini prakseri te wi wani a prékiwroko ini bakadina waka boen. Den sma kande fredefrede pikinso foe onferwakti fisitiman di den no sabi, spesroetoe sjatoe bifo neti doro. Wi moe go prakseri fa wi moe go taki nanga ososma. A kande boen foe loekoe na stof tapoe bladzijde 19 foe na „Tak-go-tak-kon”-boekoe. Wi moe sori opregti broko-ede gi na tanboen foe den sma. Nanga dati den ososma sa kisi dek’ati foe firi densrefi switi èn foe taki sondro frede. Na „Tak-go-tak-kon”-boekoe e memre wi ooktoe na formaliteit di sma gwenti èn di den e ferwakti dati fisitiman sa hori densrefi na dati. Disi ben sa wani taki dati wi ferteri soema wi de na tapoe wan joisti fasi èn e hori a gwenti foe a presi ini disi na prakseri.

⁴ Wi no moe tjari fisiti go na den sma na wan ten di no fiti. Wi moe respeki den veiligheid maatregel foe na ososma. Disi kan wani taki dati joe moesoe meki gebroiki foe wan intercom ofoe taki nanga wan sma di de na baka wan doro aladi a kan si joe ini wan olo ini na doro.

⁵ Alaten wi moe de forsigti, redelijk èn tactvol. Kontren kan de kande ini wi gebied di de moro kefarlijk leki trawan. Wi sa doe boen foe hori sani boen a prakseri te wi e go wroko den sortoe kontren disi. — Jakobus 3:17.

BLESI

⁶ Wantoe rede de foe san-ede a ben sa kan de boen ini na gemeente foe go ini na veld-dienst na bakadina. Wan „more finifini kotoigi kan gi” foedi moro sma wi e miti ini na oso foe oso diniwroko. Foeroe ososma di no de na oso na mamanten ofoe ini den weekend, wi kan