Kweki kresten maniri na ini wan grontapu sondro maniri

„Luku! O bun èn o switi a de te brada e libi makandra na ini wanfasi.” — PSALM 133:1.

1. San psa nanga bun maniri?

„MANIRI ben kisi na ini den lasti 25 yari disi wan hebi slag”, na koranti skrifiman Ann Landers e taki. „A no de nomo so, taki mansma no e hori moro na doro opo fu wan oto gi umasma ofu no e pristeri den wan sdonpresi na ini na ondrogron loko ofu na ini na bus. Na afersi de moro seryusu.” Iya, alape lontu wi wi kan si den buweysi taki wi e libi na ini wan grontapu di moro nanga moro e de sondro maniri. Sma e pusu go na fesi te den musu tanapu na ini rèy, e smoko na ini lift di furu nanga sma, e prey bun tranga poku na publiki okasi, nanga so moro fara. Na aladey ondrofeni e leri wi taki na ten pe wi e libi na ini, aladi okasi fu kisi leri kon moro bun èn wan moro hey libistandaard de, ini algemeen te yu taki en a de wan ten pe wortu leki „grantangi” nanga „tangitangi” de ongewoon, èn pe normaal maniri fasi nanga plekti pikinmoro de sani di sma frigiti.

2. Fu san-ede na mankeri fu bun maniri na ini na ten disi no musu gi fruwondru?

² Ala disi e meki yu fruwondru? Te yu luku en bun, nôno. A e memre wi soso na san na apostru Paulus ben taki ondro krakti fu santa yeye fu na waka nanga libi fu den sma na ini „den lasti dey”, te ’problema ten ben sa doro di muylek fu psa’. Paulus ben taki a fesi fu eksenpre taki den sma ’ben sa lobi den srefi, ben sa de asranti, heymemre, nanga sondro tangi, sondro natuurlijk firi fu lobi, sondro fu man fu dwengi den srefi’ (2 Timoteyus 3:1-3). Srefi wan frafra luku sa tyari kon na krin taki so wan sortu waka nanga libi e kon algemeen a mindri sma fu ibri libiyari, maatschappelijk stand nanga nationaliteit. Fu san-ede disi de so? Sortu sani e meki taki na algemene mankeri fu bun maniri e du kon?

Sani di e meki takru maniri kon

3. Fa na „loktu” fu na seti disi e meki takru maniri go a fesi?

³ Den wortu ’sma di lobi den srefi’, na wan bun fasi fu taki fu na „mi-generatie”, di e sori tapu den sma di kisi kweki nanga na krakti tapu a sabi yu srefi, bribi ini yu srefi nanga sori san yu de. Na yeye disi, di ’na loktu’ lontu wi lay nanga en, de krinkrin kontrari na beybri ray taki kresten sma no wwan fu persoonlijk belang ede musu „hori ay tapu den eygi afersi, ma so srefi tu fu persoonlijk belang na di fu den trawan” (Efesiya sma 2:2, 3; Filipi sma 2:4). Na bakapisi? Wan geslakti fu sma di kisi kweki nanga na prakseri ’du nomo san yu winsi’, no sa broko-ede tumusi fa a waka nanga libi fu den abi krakti na tapu tra sma.

4. Fa den e si na ini na ten disi den sma di e poti bun markitiki na wan sey, èn fa wan kresten musu si na afersi?

⁴ Wan sani di fositen ben prey wan prenspari ròl na ini na hori fu wan marki fu manirifasi a mindri den sma, ben de a krakti di ben komoto fu na birti fu den. Broko-ede fu san trawan ben sa kan denki, ben de langaten wan sani di ben tapu sma. Ma ini na ten disi a de so, taki omoro wan libifasi e seki trawan èn de sondro syen, omoro bigi na kans de taki dati sa tron popi na furu sma. Den sma di e poti den markitiki di sma ben teki na wan sey, sma no e si den moro leki sondro maniri, ofu grofu, ma leki chic ofu „sophisticated”, leki sma di frudini bigi fruwondru. Ma hori na ini prakseri taki na wortu „sophisticated” wani taki „no de ini wan natuurlijk ofu soyfri ofu orsyi toestand”. A komoto fu na srefi Griki gronwortu leki den wortu di poti abra na ini 2 Petrus 1:16 nanga „go prakseri sani moy”. Tru kresten sma seyker sa du bun fu tan farawe fu so wan fasi.

5. San na ete wan sani di e meki bun maniri go na baka?

⁵ „Fu di na strafu tapu wan takru wroko no ben kon esi-esi, fu dati-ede na ati fu den libisma pikin na en ben poti den srefi krinkrin na tapu a du fu ogri”, Preykiman 8:11 e taki. Na ini disi ete wan sani de di meki na mankeri fu algemene maniri de. Fu di sma kan du sani so makriki sondro fu kisi strafu, meki den no e firi esi-esi a psa di den psa libifasi di sma ben teki. „Borgru di ben sa kon seki srefisrefi te na publiki ben sa tyari kon na krin taki den de wan pisi fu na ogridu elementi, e psa nanga prisiri ala sortu weti na fesi fu ala sma — verkeersweti, weti tapu takru tabaka nanga puyri nanga weti di e tapu sma fu trowe doti na strati”, na so wan redaktioneel artikel na ini The New York Times e taki. Leki wan bakapisi fu disi dan „meki bbari, pori a gudu fu tra sma nanga a skrifi èn a markisani na tapu skotu” de alamala den sani di yu no kan lon komoto fu den èn di wi e ondrofeni aladey. Nanga disi na manirifasi, èn so srefi tu respeki fu tra sma reti, gudu nanga privacy e go moro na baka.

6. Fa na druk libi fu den sma e abi krakti tapu den maniri fu den èn fa Yeyses ben de tra fasi na ini disi?

⁶ Fu di sma e si bun maniri ini algemeen leki den sani di e prisiri na libi, dan makriki sma e frigiti den te den e feti — èn moro furu sma ini na ten disi pikinmoro gersi taki ala ten den e feti. Disi e meki taki den e waka psa makandra sondro fu taki wan wortu ofu abi wan switi fesi gi makandra. Den e pusu go a fesi efu den musu tanapu na ini rèy ofu e rèy go na tapu wan tra pisi fu na pasi sondro fu sori pasensifasi soso fu wini wantu minuut ofu sekonde. Nofotron den persoonlijk afersi e teki den so krinkrin abra, ofu na ten fu den furu nanga someni sani di den musu du, taki ibri sani ofu fisitiman di den no ben fruwakti e tron wan fonten fu tergifasi ofu no e kon te a fiti. Go prakseri pikinso fa Yeyses ben de tra fasi nanga den sma di ben kon na en tapu ten di no ben fiti. — Markus 7:24-30; Lukas 9:10, 11; 18:15, 16; Yohanes 4:5-26.

7. Nanga san tru kresten musu luku bun ini a tori fu maniri?

⁷ Ala di wi e libi na ini wan grontapu pe sani e go esi-esi èn moro nanga moro a e aksi moro fu wi ten nanga krakti, dan toku na situwâsi no sa kon moro betre efu wi gi pasi taki na druk disi e meki wi handri sondro maniri. Na presi fu dati a de so, taki so wan sortu waka nanga libi e meki furu fu na hogridu di wi e kisi fu yere de fu soso — trobi, feti, kesekese èn srefi kiri — san e du kon fu di den sma e pay sondro manirifasi nanga sondro manirifasi. Ala de wan pisi fu na yeye fu grontapu di kresten sma no de wan pisi fu en. — Yohanes 17:14; Yakobus 3:14-16.

Tumusi bun eksenpre fu bun maniri

8. Sortu deki-ati kresten sma e kisi, awinsi den de a mindri sma di no abi maniri?

⁸ Fu di wi de a mindri fu sma di no e broko-ede nanga trawan, meki a de makriki fu broko kindi gi na druk èn libi bun maniri na wan sey. Ma te wi e denki na a beybri frumane „fu no meki na seti fu sani disi seti wi moro langa”, dan wi kan poti prakseri tapu den furu tumusi moy eksenpre na ini beybri èn pruberi na a disiten sondro maniri grontapu fu hori na den hey mrkitiki fu kresten maniri (Romen 12:2, 21; Mateyus 5:16). Fu den du fu wi musu kon na krin taki wi e agri krinkrin nanga na psalmsingiman di ben fruklari: „Luku! O bun èn o switi a de te brada e libi makandra na ini wanfasi!” — Psalm 133:1.

9. San den Buku e tyari kon na krin fu a fasi fa Yehovah e handri nanga sma?

⁹ A moro bun eksenpre fu na sori fu tumusi moy maniri de na Mekiman èn Tta fu ala sma, Yehovah Gado srefi. A de gi sma di de ini wan posisi ofu di abi makti tapu tra sma wan gewoon sani ’fu meki sma firi na makti fu den’ èn fu aksi taki sma respeki den winsi fu den. Toku na moro Hey sma na ini na universum Yehovah Gado, e bori alaten na manirifasi na prakseri na ini en demakandra nanga den sma di de na en ondro. Di a ben gi en mati Abraham wan blesi a ben taki: „Opo tangitangi yu ay èn luku komoto fu a presi pe yu de.” Èn ete wan tron: „Luku tangitangi go na heymel èn teri den stari”. (Genesis 13:14; 15:5). Di Gado ben gi Moses wan marki fu en makti, a ben taki: „Sutu tangitangi, yu anu go ini na borsu ploy fu yu krosi” (Exodus 4:6). Fu yari a baka Yehovah ben taki, nanga mofo fu en profeyti Mika, srefi gi en tranga-ede pipri: „Yere tangitangi, unu edeman fu Yakob èn unu tiriman fu na oso fu Israèl. . . . Yere disi tangitangi, unu edeman” (Mika 3:1, 9). Wi de na ini disi „sma di e waka na baka Gado” fu di wi e kobroyki na ini a demakandra nanga tra sma den manirifasi so leki „tangitangi”? — Efesiya sma 5:1.

10, 11. (a) San wi kan taki fu Yeyses maniri nanga waka nanga libi? (b) Fa wi kan waka baka Yeyses fu di wi o tyari wi srefi nanga bun maniri na fesi fu ala sma?

¹⁰ Ete wan tumusi moy eksenpre fu waka na en baka na Yeyses Krestes, na sma „di de na ini na borsu posisi na a Tta” (Yohanes 1:18), Na ini en demakandra nanga sma a ben de na a wan sey safu èn nanga sari ati èn na a tra sey krakti èn nanga fasti bosroyti; toku a no ben de grofu nanga no wan sma ofu no nanga switifasi. Te a buku The Man From Nazareth e gi kommentaar tapu „en tumusi bigi koni fu firi en srefi bun na ala sortu sma”, a e taki: „Na publiki èn na ini privé-sfeer a ben lolo nanga man nanga uma tapu a srefi fasi. A ben firi en srefi bun na pikin-nengre ini den krin-atifasi èn leki wan sani di de gewoon so srefi tu nanga woekeraar di ben abi berow so leki Sakeyus. Respeki speki oso-uma, so leki Mariya nanga Marta, ben kan taki nanga en na wan natuurlijk fasi èn sondro fu syen, ma so srefi tu yayo-uma ben lon na en neleki den ben de seyker taki a ben sa frustan èn yepi den . . . a freymde sabi di a no ben sabi skotu ben meki gewoon sma kon na en èn dati de wan fu den moro aparti eygifasi fu en.”

¹¹ Behandel ibriwan sma nanga respeki di fiti èn a hori di wi e hori den na prakseri de wan marki fu wan sma di trutru abi bun maniri, èn wi ben sa du bun fu waka na ini disi na baka Yeyses Krestes. Iya, moro furu sma e man fu behandel seyker sma nanga respeki, spesrutu den sma di abi wan moro hey presi, leki den srefi. Ma den sma di den e si na ondro den ofu srefi speri fu den, nofotron den e hori den srefi gi den, nanga mi-no-ke-fasi, èn de grofu. Tapu wan ofu tra fasi disi gersi taki a e gi den wan firi fu heyfasi nanga makti. Ma nanga reti sma taki taki ’wan swakiwan e pruberi fu sori en krakti nanga grofufasi’. Fu dati-ede meki a beybri e gi wi tranga: „Teki fesi na ini na sori fu grani na makandra” (Romen 12:10). Te wi e du muyti fu waka baka na ray dati, dan wi de moy a pasi kba fu tyari wi srefi neleki Yeyses nanga bun maniri na fesi fu ala sma.

12. San na a prenspari sani fu Yeyses leri fu fa sma de nanga makandra?

¹² Na positief eyifasi disi di e go na dorosey de fu si tu na ini Yeyses leri, spesrutu ini san den e kari na Gowtu lin: „Ala sani dan di yu wani taki den sma du gi yu, yu musu du so srefi tu gi den” (Mateyus 7:12). A de wan moy sani fu si taki na ini na na Analecta (wan fu den Fo Buku fu Confutius) — di langaten sma ben si leki na hey marki fu moreel waka nanga libi ini Owstusey — wan fu en disipel ben aksi na meystri efu wan ofu tra wortu ben de di ben kan dini leki na gronprakseri fu na fasi fu libi. „Kande na wortu ’du a srefi’ (sjoe)”, na meystri ben piki èn ben go moro fara: „San yu no wani taki psa nanga yu, no du dati tu na wan trawan.” Kontrari fu dati wi kan si makriki taki Yeyses leri ben de moro bun, bika waran matifasi nanga switifasi kan kon nomo te wan sma e teki fesi fu ’du tra sma bun’.

Kresten maniri abi en fundamenti tapu kresten lobi

13, 14. (a) San ben kon na krin no so langa psa kba ini a tori fu maniri na publiki? (b) San na a reyde fu na disiten belangstelling gi maniri nanga etiquette?

¹³ Fu di ini algemeen takru maniri de, meki na ini na ten disi dya nanga yana sani e taki taki wan dray baka go na yoysti waka nanga libi de fanowdu. „Na ini den yari 1960 sma ben opo den srefi kontrari maniri”, Marjabelle Stewart, wan popi skrifiman èn leriman tapu a kontren disi e taki, „ma nanga wan nyun refo den sa kon baka. Sma e si o prenspari den de èn wani sabi sortu markitiki de gi na libimakandra.” Na nyun belanstelling disi gi maniri e kon a fesi na ini na bigi nomru fu buku, anubuku, ray-rubriek nanga programma fu taki na tapu telefisi fu tori di de fara fu makandra fu na aksi sortu forku wan sma musu kobroyki na wan officieel fesannyan te na a fasi fa wan sma musu taki nanga wan tra sma na ini na muyliki disiten sociaal nanga famiri matifasi di e kenki esi-esi.

¹⁴ Ma fu san-ede son sma e frustan moro a fanowdu fu maniri? „Maniri abi fu du nanga a tan na libi na ini na disiten maatschappij fu strey”, na so Stewart e fruklari. Nanga tra wortu, bun maniri sma e si leki wan wrokosani fu yepi wan sma fu feni en nanga tra sma èn fu go na fesi. Fu dati-ede den sma e leysi buku fu disi èn e go na les fu leri etiquette fa den musu weri krosi fu sani waka bun gi den, fa den kan meki wan bun indruk, fa den kan teki den bun na ini na driktorokamra nanga so moro fara.a Na problema na ala disi de taki maniri tron wan afersi au koni berekening, neleki wan maskradu (masker) di wan sma e weri na a ten fu wan prey èn e puru en baka sodra na prey kba. A no e gi no wan fruwondru fu dati-ede taki wi e kisi tori fu yere alaten baka fu den moro hebi fasi fu weti borki-ogridu di e seki sma èn di sma e du di kon fu den moro fini ’famiri’ nanga ’maatschappelijke stand’.

15, 16. (a) San wan sabiman tapu a kontren fu maniri abi fu taki fu „den moro bun lin fu waka nanga libi”? (b) Fa 1 Korente sma 13:4-7 abi fu du nanga tru kresten maniri?

¹⁵ Disi no gersi kweti kweti wan fruteri fu san bun maniri musu de. Amy Vanderbilt, wan respeki sabiman tapu a kontren disi e skrifi na ini en New Complete Book of Etiquette: „Den moro bun lin gi waka nanga libi de fu feni na ini kapitri 13 fu Wán Korente sma, na tumusi moy tori fu lobi di St. Paulus ben skrifi fu en. Den lin disi no abi noti fu du nanga na broko-ede psa marki nanga krosi ofu na luku soyfri tapu maniri di de fu si a dorosey. Den abi fu du nanga firi- èn yeyefasi, switifasi èn a hori fu trawan na prakseri.”

¹⁶ Pe Amy Vanderbilt e poti prakseri a tapu, a no de fu taki, na a pisi fu 1 Korente sma 13:4-7, pe Paulus e fruteri finifini fu den difrenti fasi fu kresten lobi. Luku pikinso tapu den bun bakapisi fu wan tu punt di a e meki kon na fesi. Na so wan di „abi langa pasensi èn switifasi”, seyker sa handri nanga trawan nanga pasensi èn nanga respeki. „A no e tyari en srefi tapu wan fasi di no fiti”, na wan tra fasi fu taki ’a e tyari en srefi bun’, èn „tyari yu srefi bun” den fu en leki „ini akruderi nanga den markitiki fu bun tesi, sani di fiti ofu bunfasi”. Fu dati-ede na Nyun Testamenti in Modern English fu na anu fu J.B. Phillips, e poti na prakserilin disi na a fasi disi: „Lobi abi bun maniri.” A muylek fu tyari kon na yu fesi taki wan sma di e sori so wan lobi, sma sa si leki sondro maniri.

17. Fu san-ede wi maniri na wan meytri fu marki sani?

¹⁷ A de krin so bun taki kresten maniri abi langalanga fu du nanga kresten lobi. Den no de soso wan wrokosani fu doro wan marki ofu wan sani pe wan sma e go kibri a baka te disi fiti en. Na presi fu dati, den maniri fu wi — na fasi fa wi e behandel trawan, wi yeyefasi, fasi fu du nanga normaal waka nanga libi — de wan meyter gi na dipi fu wi broko-ede nanga lobi gl trawan. Efu wi de now yongu ofu owru, wi musu du muyti fu gi yesi na a beybri ray: „Meki ibriwan sma no tan suku en eygi wini, ma di fu na trawan” (1 Korente sma 10:24). Fu dati-ede meki kresten maniri, leki wan pisi fu kresten lobi, de wan marki fu sabi tru disipel fu Yeyses. — Yohanes 13:35.

Alaten nanga bun maniri

18. San wi musu teki na fasti bosroyti fu du, awinsi san wi e si lontu wi?

¹⁸ Na !ni a tori fu wi geslakti Yeyses ben taki a fesi taki ’fu na gro fu kruktudu meki na lobi fu moro furu sma sa kon kowru’ (Mateyus 24:12). Na kon kowru disi fu na lobi de krin fu si na ini na mi-no-ke- nanga na gridifasi fu na sey fu someni sma na ini na ten disi. Na presi taki disi tyari unu go so fara fu du na a srefi mi-no-ke-fasi, meki wi musu hori Paulus ray na prakseri: „No pay no wan sma ogri nanga ogri. Du tumusi bun sani na fesi fu ala sma. De ini vrede nanga ala sma so fara a e anga fu yu” (Romen 12:17, 18). A musu de na faste bosroyti fu wi fu sori alaten bun maniri, ofu sma e warderi den muyti fu wi now ofu no e warderi den. — Mateyus 5:43-47.

19. Fa wi maniri abi krakti tapu ala pisi fu a libi?

¹⁹ Iya, kresten maniri de den natuurlijk sori fu lobi èn na broko-ede gi tra sma di wi ati furu nanga en. Net so leki wi wortu e sori san wi de na ini sey, na so wi maniri e sori efu wi e broko-ede furu nanga trawan ofu de nanga mi-no-ke-fasi (Mateyus 12:34, 35). Na so fasi maniri e prey wan prenspari ròl na ini ala pisi fu wi libi. Den musu de wan libifasi. Fa wi musu sori den moro furu? Fa gosontu kresten maniri kan kweki moro furu? Wi sa si disi na ini na tra artikel.

[Futuwortu]

Yu kan tyari disi kon na krin?

◻ Fu san-ede a no de wan fruwondru taki bun maniri e saka gwe?

◻ San na wan tu sani di e meki takru maniri kon?

◻ Fa kresten maniri e kenki fu den maniri nanga den etiquette na grontapu?

◻ Fu san-ede wi musu du muyti fu de alaten nanga bun maniri?

’Tyari yu srefi tapu wan fasi di warti na bun nyunsu’

„Soso, tyari yu srefi na wan fasi di warti na bun nyunsu di e go fu Krestes.” — FILIPI SMA 1:27.

1. Wan sani di ben psa na ini New York no so langa psa kba ben meki sortu bun komentaar kon fu na komsarsi drape? (Romen 13:3)

„MORO LEKI wan 1000 Kotoygi ben kon na 29 september 1988 na a City Hall na ini Lower Manhattan, The New York Times ben fruteri. Den ben kon hori baka gi wan bowplan di ben go na lanti èn di na fotobestuur ben o luku na ini wan yere di ben o yere san sma ben o taki. Aladi na plan fu kisi primisi fu bow wan nyun oso ini na direkte birti fu na internationaal edekantoro fu Yehovah Kotoygi ben poti na wan sey, „toku na [komsarsi] ben preyse den Kotoygi leki ’tumusi maniri sma’ èn ben taki taki ’den ben de sma fu yu buwondru trutru’”.

2. Na sortu fasi den maniri fu den Kotoygi de tra fasi èn fu san-ede?

² San te yu taki en normaal, yu kan fruwakti te moro leki dusun kon makandra fu hori baka gi wan afersi di no de popi? Pusupusu, bari, srefi sori den krakti nanga ogri no de sani di de ongewoon. Fu san-ede den Kotoygi de tra fasi? Fu di den e frustan taki a waka nanga libi fu den alaten de wan spigri fu a bribi fu den. Den e hori heri bun na beybri ray na ini prakseri: „Kibri wan tumusi bun waka nanga libi a mindri den nâsi, so taki na ini na sani pe den e taki ogri fu yu leki ogriman, leki wan bakapisi fu yu tumusi bun wroko, di den de kotoygi fu den, mag gi Gado grani tapu en ondrosukudey.” — 1 Petrus 2:12.

Tumusi bun maniri e gi Yebovah grani

3. Sortu ròl den maniri fu wi e prey na ini a gi grani na Yehovah?

³ Fu gi Yehovah Gado grani nanga yepi fu tumusi bun waka nanga libi, de krin wan fu wi kresten frantiwortu (Mateyus 5:16). Tumusi bun waka nanga libi a no de fu taki abi furu sani na ini — fu eksenpre eerlijkheid (opregtifasi), faya nanga wan bun moraal. Ma den sma di sabi wi bun ofu den sma di wi e lolo geregeld nanga den e warderi gewoonlijk den eygifasi disi. so leki wi mati, famiriman, basi, wrokomati nanga meystri. San de fu taki fu na bigi pisi fu den sma di wi abi kontakti frafra nanga den? Dya a e kon spesrutu tapu wi maniri. Bika so leki na moy papira di domru wan warti kado e hey na krakti di e hari yu kon, na so bun maniri e sorgu taki san wi abi fu pristeri e taki moro nanga den sma. Sortu tra tumusi moy kresten libifasi wi mag abi so srefi tu ofu o fa den prakseri fu wi mag de sani fu fruwondru, furu bun no sa du efu wi maniri takru. Fa Yehovah kan kisi grani nanga yepi fu wi maniri?

4. Tapu sortu kontren fu na libi wi musu fu poti prakseri na wi maniri?

⁴ „Soso, tyari yu srefi na tapu wan fasi di warti na bun nyunsu di e go fu Krestes”, Paulus e taki (Filipi sma 1:27). Disi a no de fu taki abi fu du nanga wi publiki diniwroko. Ma wi maniri nanga wi waka nanga libi na a presi pe wi e anbegi ini wi birti, na wi wroko, na skoro, iya, ibri pisi fu wi libi, abi so srefi tu langa langa fu du nanga den marki di wi e doro ini wi diniwroko. Na so wan fasi wi e gi wan okasi fu sma naki futu, so taki fowtu no kan feni na tapu wi diniwroko”, Paulus e skrifi (2 Korente sma 6:3). Fa wi kan ondrosuku èn si efu wi e poti na ray dati na ini wi libi? San wi kan du fu yepi makandra èn spesrutu den yonguwan a mindri wi fu sori alaten kresten maniri?

De na ini na Kownukondrezaal

5. San wi musu frustan te wi de na ini na Kownukondrezaal?

⁵ Na Kownukondrezaal de na presi pe wi e kon makandra gi wi anbegi. Wi de drape fu di Yehovah nanga en Manpikin Yeyses Krestes ben kari wi. Na a fasi dati dan wi de fisitiman na ini Yehovah oso (Psalm 15:1; Mateyus 18:20). Yu e tyari yu srefi leki wan bun fisitiman na ini a Kownukondrezaal? Fu du disi, dan no wwan wi musu sori taki wi e hori na prakseri na sma di kari wi kon, ma ooktu den tra fisitiman èn sori respeki. San de ini na tori?

6. (a) San wi e misi doronomo te wi e kon lati na konmakandra? (b) San kan du fu lusu a problema?

⁶ Fu bigin yu abi na afersi fu kon biten. Wi e piki taki disi no de alaten makriki. Son sma e libi fara; trawan musu sorgu taki den osofamiri fu den, den pikinnengre de na ini tu, kon klari biten. Na muyti di den e du fu kon geregeld na den kresten konmakandra de trutru wan sani fu preyse. Ma sma ben taki taki son sma fadon go ini na gwenti fu kon lati tapu den konmakandra. San wi kan du fu tyari kenki kon na ini disi? Fosi wan sma musu frustan taki a kon di wan sma gwenti fu kon lati tapu kresten konmakandra, no alaten de wan spigri fu mankeri fu warderi gi na waarde fu den konmakandra. Son sma di nofotron e kon lati, e gersi taki te den de drape kba e nyan bun netso fu na konmakandra leki ibri trawan. A problema kan de moro furu na ini wan takru planning èn mankeri fu hori konpekresten na ini prakseri. Wan fu den reyde fu san-ede wi e kisi frumane fu ’no libi den konmakandra fu wi’ de taki wi „kan hori ay tapu makandra fu gi makandra tranga fu sori lobi nanga tumusi bun wroko” (Hebrew sma 10:24, 25). Disi no e go tumusi bun efu alaten baka wi e kon lati èn nanga dati de wan sani di e puru a prakseri fu sma èn e stoor. Fu no kon lati, na so sabiman tapu a kontren disi e gi ray, dan wi musu poti leki marki fu doro bun fruku na presi fu leti te a konmakandra o bigin. Yu sa ben musu waka na baka na ray disi?

7. Tyari kon na krin san na arki nanga ala prakseri abi temake nanga bun maniri?

⁷ Bun maniri e aksi taki wi arki bun na sma di e taki nanga wi (Odo 4:1, 20). Disi de so srefi tu nanga kresten konmakandra pe dinari fu Gado e taki fu prati na wan ofu tra yeye presenti fu bow wi. A ben sa de trutru wan sori fu takru maniri srefi srefi fu wi sey efu wi ben sa dyonko, ben sa taki alaten baka nanga na sma di sdon na sey wi, e kaw kawgum ofu sukrusani, e leysi tra buku ofu de bezig nanga tra sani na a ten fu na konmakandra. Na yongu Elihu no wwan ben tan sdon nanga pasensi na a ten fu den langa takimakandra fu Yob nanga den dri mati, ma „ben tan poti yesi” na san den ben e taki èn ’ben poti en prakseri na tapu den’ (Yob 32:11, 12) . Bun kresten maniri sa tyari wi go so fara fu sori na yoysti respeki gi na takiman èn en boskopu di abi en fondamenti na tapu a beybri, fu di wi e arki en nanga ala prakseri èn na so fasi e gi en deki-ati.

8. Fa wi e sori taki wi srefi tu na disipel fu Yeyses Krestes?

⁸ Kresten maniri wani taki so srefi tu taki fosi èn baka na konmakandra wi e sori belangstelling faya faya gi trawan di de na ini na Kownukondrezaal. Paulus ben taki taki salfu memre fu na kresten gemeente „no de freymde sma moro nanga dorosey sma di waka kon libi, ma . . . memre fu na osofamiri fu Gado” (Efesiya sma 2:19). Yu e behandel yu konpe kotoygi leki freymde sma na dorosey sma ofu leki memre fu na srefi osofamiri? Wan switi odi, wan steyfi seki fu anu, wan switi lafu — den de kande alamala pikin sani, ma den de wan pisi fu na buweysi taki wi tu de disipli fu Yeyses Krestes. Te wi e du den sani disi nanga freymde sma di wi e miti, dan wi no musu handri „spesrutu” so „nanga den di de nanga wi na ini a srefi bribi”? — Galasiya sma 6:10.

9. Fa pikin kan kisi leri fu sori belangstelling gi trawan boyti den speri fu den?

⁹ Wi kan leri pikin-nengre fu sori na sortu belangstelling disi gi tra sma boyti den speri fu den? A kan de taki son bigisma e meyne taki baka te pikin-nengre ben sdon arki wan ofu tu yuru na konmakandra den musu go prey nanga den mati fu den. Ma na Kownukondrezaal a no wan preygron (Preykiman 3:1, 17). Di wan skoromisi ben aksi wan 4 ¹/₂ yari pikin boy omeni pikin brada nanga pikin sisa a abi a ben piki: „Someni de, taki mi no kan teri den alamala.” Di en ppa nanga mma ben aksi bakaten san a ben bedul, a boy ben tyari kon na fesi: „Mi no sabi omeni brada nanga sisa mi abi. Efu mi e go na a Kownukondrezaal, dan someni de.” Ala sma di ben de drape ben de gi en en brada nanga sisa.

Na a ten fu wi publiki diniwroko

10. Sortu libifasi di Yeyses gi kan yepi wi fu „tyari wi srefi” na a ten fu wi diniwroko „na wan fasi di warti na bun nyunsu”?

¹⁰ ’Fu tyari wi srefi tapu wan fasi di warti na bun nyunsu’, a no de fu taki e go so srefi tu makandra nanga wi publiki diniwroko. Wi musu hori na prakseri taki wi abi wan boskopu fu vrede, èn disi musu kon a krin na ini wi maniri (Efesiya sma 6:15). Na libifasi di Yeyses ben gi, de: „Te yu e go na ini na oso, taki na osofamiri odi; èn efu na oso warti en, dan na vrede di yu e winsi en e kon a tapu.” Te wi de nanga waran èn switi èn respekifasi, dan wi e meki na ososma sabi taki wi abi den moro bun belang fu en a prakseri. Ma wawan tron a kan psa taki na sma di wi e miti na a doro no e sori switifasi, iya, srefi wani fu kon du sani nanga unu. Wi sa meki disi meki wi lasi wi balansi èn meki wi go handri na a srefi fasi? Luku pikinso san Yeyses ben taki moro fara: „Ma efu [na osofamiri] no warti en, dan yu vrede e dray kon baka na yu” (Mateyus 10:12, 13). Den maniri di wi e sori na a doro, musu de alaten na so wan fasi taki den „fiti na diniwroko fu na verzoening”. — 2 Korente sma 5:18.

11. Fa na fasi fa wi e weri krosi èn so srefi fa wi e tan na dorosey abi krakti tapu wi ròl leki dinari fu Gado?

¹¹ Wi maniri na tra fasi tu e sori wan sani fu wi. Wi fasi fa wi e tan na dorosey fu eksenpre e fiti na a wroko fu wi leki wan bedinari fu Gado wortu? Fa a de nanga den sani di wi e kobroyki — tas, beybri nanga den beybri yepisani leki buku? Wan skrikiman fu wan koranti e gi bisnissma na ray: „Weri yu krosi leki fu meki wan mofo fu du bisnis, no leki yu e go na wan fesa, wan prisiri demakandra ofu wan sportwega.” Fu san-ede? Fu di yu krosi èn fa yu tan na dorosey „e tyari wan boskopu kon abra di e meki sma di de lontu yu sabi suma èn san yu de, èn pe yu e fiti ini na orde fu den sani”. Te so bun wi e gi wi srefi na wi ’diniwroko afersi’, dan wi krosi èn so srefi tu wi fasi fa wi tan na dorosey no musu de taki a no sorgu bun ofu a morsu, èn so srefi tu a no musu de nanga pranpran ofu psa marki, na alaten a musu ’warti a bun nyunsu’. — Teki gersi nanga 1 Timoteyus 2:9, 10.

12. Fa wi kan sori bun maniri ini na tori fu den reti nanga gudu fu na ososma?

¹² Aladi wi nusu de alaten klariklari fu opo „taki” gi na bun nyunsu, dan bun kresten maniri e aksi taki wi e du disi „nanga safri-atifasi èn dipi respeki” (1 Petrus 3:15). Disi wani teki so srefi tu taki wi musu respeki den reti nanga gudu fu na ososma. Wi seti wi aktiviteit so, taki wi e tyari den fisiti fu wi tapu wan redelijk ten? Wi de na ay nofo fu si ofu wi e stoor wan sma na wan ofu tra fanowdu wroko ofu afersi? Wi e kobroyki furufuru den wortu leki „Mi mag”? „tangi tangi” nanga „Grantangi”? Wi e pruberi fu tyari na ososma kon ini na takimakandra ofu wi e de, na heri ten e taki nomo, fu di wi e frede taki wi no kan taki ala san wi ben sreka na fesi?

13. Sori fa tumusi moy maniri ini na diniwroko nofotron e tyari bun bakapisi kon?

¹³ Bun maniri, makandra nanga opregti persoonlijk belangstelling e opo nofotron na pasi gi wan tumusi moy kotoygi. Disi na a reyde fu san-ede pikin nanga maniri nofotron e sabi fu kisi na prakseri nanga belangstelling fu ososma aladi bigisma no e kisi disi. Wan tinadri yari kotoygi na ini Mexico ben miti wam yongu umapikin di ben wani stuka. Ma na pikin ben taki taki a ben sa musu du disi sondro fu en ppa sabi. Ma na yongu sisa di ben de wan preykiman ben meyne taki ini na kofal disi en srefi ben sa musu aksi fu kisi pasi leki wan respeki gi na ppa. A ben aksi fu taki nanga na ppa èn ben fruteri en taki san den ben o go stuka ben de tumusi prenspari. Fu di a ben si o seryusu na yongu sisa ben de èn a ben warderi en taki a ben go langalanga na en, meki a ben taki: „Efu san unu o go stuka de so prenspari, dan mi heri osofamiri musu stuka.” Na bakapisi ben de taki na tinadri yari sisa disi ben bigin wan beybristuka nanga na heri osofamiri, pe yu ben abi so srefi tu wan trowmanpikin nanga en uma èn tra bigi pikin.

Bun maniri e bigin na oso

14. Pe bun maniri a bigin, èn sortu sani e prey wan prenspari ròl?

¹⁴ Den bun maniri fu yongu kotoygi nofotron de wan tumusi moy kotoygi fu na kweki di den kisi na oso. Iya, den maniri fu wi e sori na libifasi fu wi. Fu dati-ede meki bun maniri musu teki wan prenspari presi na oso kontrari fu san son sma kande e denki. Neti leki na ini tra pisi fu na osofamiri libi dan so srefi tu na ini na afersi disi na eksenpre fu ppa nanga mma de tumusi prenspari (2 Timoteyus 1:5). Fu komanderi pikin: „Du san mi e taki, no san mi e du”, seyker no de na fasi fu leri den maniri. Pikin-nengre no e leri den bun finifini pisi fu bun maniri soso nanga weti di e gi nanga mofo, ma nanga san den e si èn e waka na en baka. „Ppa nanga mma no de moro den leriman te fu kba; den de so srefi den muderi, bika wi pikin e leri fu di den e waka na baka san wi e du”, na so Beverley Feldman, skrifiman fu Kids Who Succeed, e taki. Sortu maniri yu pikin e si na ini yu?

15. Fa ppa nanga mma kan yepi den pikin fu den fu kweki gwenti fu bun maniri, di den heri libi langa den sa abi prisiri fu den?

¹⁵ „Unu ppa, no tergi unu pikin”, na beybri ray de (Efesiya sma 6:4). A de wan tergi sani gi yu pikin èn a e bruya den te den e kisi fu yere taki den musu de nanga switifasi èn poti prakseri tapu sma, aladi na a srefi ten den e si taki den ppa nanga mma e feti, e konkru, no e sori maniri ofu makriki e lasi den srefi. Wi kan mandi nanga den efu den o du na srefi fasi? Na a tra sey na tekst e taki moro fara: „Ma tan kweki den na ini na tranga nanga na seryusu fermane fu Yehovah.” Èn na ini disi den elementi gronprakseri fu bun maniri de na ini, so leki wan respeki „alo”, „tangitangi”, „grantangi” èn „no mandi nanga mi”, fu sori respeki gi owruwan èn fu prati sani nanga trawan (Leviticus 19:32; Romen 16:3-7). Den eygifasi disi di pikin e kisi fu leri na oso na ini na ten fu den yonguyari fu den, sa tan de fu bigi waarde ini den heri libi. — Odo 22:6.

16. Sortu muyti de fanowdu, nanga sortu bakapisi?

¹⁶ Ppa nanga mma nanga pikin so bun musu sori bun maniri leki wan pisi fu na aladey libi fu den èn no wakti nanga dati te leki na wan ofu spesrutu okasi sori en srefi. Na ini disi ppa nanga mma musu de nanga pasensi èn frudrage den fowtu di den pikin fu den a no de fu taki sa meki. Meki den sabi omeni na tumusi moy waka nanga libi fu den wani taki gi yu èn de esi-esi fu preyse den fu den go na fesi di den e meki. A no de fu taki taki disi e aksi furu muyti fu yu sey. Ma na beybri no ben taki taki yu musu spikri go na ini pikin den gronprakseri fu Gado „te yu e sdon na ini yu oso, te yu e go a pasi èn te yu e ddon èn te yu e opo”? (Deuteronomium 6:7). Nanga disi wan switi èn bun sfeer e kon na oso di e yepi seti yu pikin aladi den e gro tron bigisma di lobi fu yepi èn sorgu sani èn di abi bun maniri. Dan den sa tron gi yu èn gi den Mekiman, Yehovah Gado wan fonten fu preyse nanga grani.

Wan pipri nanga bun maniri

17. San sma kan si na ini den Kownukondrezaal fu Yehovah Kotoygi?

¹⁷ Den „moro leki 1000 Kotoygi” di ben de na a seyker september bakadina na ini na foto New York dorosey fu na City Hall, ben meki sma si nomo na wan pikin fasi fa Yehovah Kotoygi e tyari den srefi te yu sa taki en so. Na wan presi, wan man ben kon fu na fosi tron na ini wan Kownukondrezaal èn ben taki bakaten: „Mi ben miti moro trutru sma di abi lobi, sma di ben de krinkrin freymde sma na ini wan dey leki mi ben miti oyti wanten na ini na kerkt pe mi gro.” A bakapisi? „A ben de krin taki mi ben feni na waarheid”, a ben taki. A man disi ben kenki en libifasi èn seybi mun na baka a ben gi en libi abra na Yehovah èn a ben teki dopu. — Teki gersi nanga 1 Korente sma 14:25.

18. Fa na markitiki fu bun maniri di Yehovah Kotoygi e kobroyki abi krakti tapu dorosey sma?

¹⁸ Na markitiki di Yehovah Kotoygi e kobroyki na tapu den nationaal nanga internationaal kongres fu den gi maniri nanga bun fasi fu demakandra tron wan tori di ben meki furu bun kommentaar kon na fesi. Na wán fu so wan okasi syatu ten psa kba na ini Yapan ben meki wan reisleider taki san e kon: „Na a gwe libi fu na bus dan no wan sma fu unu ben libi en na baka èn so srefi tu no den yonguwan fu taygi mi ’grantangi’. Disi ben meki mi koloku srefi srefi!” Na wan tra kongres wan skowtu di regel na verkeer èn di ben e du dienst na wan krosibey lokostation, ben taygi wan Kotoygi: „A ben de wán bruya srefi srefi di na wan tra okasi 12.000 sma ben kon na wan na ini Osaka Castle Hall.” Ma dan a ben taki: „Unu de trutru sma fu orde, èn wi e prisiri. Tyari tangi tangi den odi fu wi go na den sma di e teki fesi.”

19. San ibriwan fu wi musu teki leki fasti bosroyti fu du ini na tori fu bun maniri?

¹⁹ San e kon na krin fu den sortu kommentaar disi? Taki Yehovah Kotoygi leki wan grupu trutru ’e tyari den srefi tapu wan fasi di warti na bun nyunsu’. Fa a de nanga wi leki aparti sma? Meki wi alamala, efu wi de now yongu ofu owru, leki pikin di e luku go na wan lobi tta, luku go na wi heymel Tta, Yehovah, so taki wi sa kisi leri fu de wan pipri di abi bun maniri na ini wan grontapu di de sondro maniri. — Deuteronomium 8:5; Odo 3:11, 12.

Yu e memre disi ete?

◻ Fu san-ede bun maniri de fanowdu gi wan tumusi bun waka nanga libi?

◻ Sortu tumusi bun maniri musu de na a presi pe wi e kon makandra fu anbegi?

◻ Fa bun maniri kan sori na ini na velddienst?

◻ Fa ppa nanga mma kan yepi den pikin fu den fu kweki bun maniri?

◻ Sortu hey markitiki gi bun maniri wi musu pruberi fu hori hey?