Yesus libi nanga diniwroko

Tra muiti fu kisi Yesus

FUDI a de winter, meki Yesus e waka ini a kontren di abi wan dak èn di de bekenti leki na Zuilengang fu Salomo. Disi de na a seibere fu na tempel. Dyaso dyue e kon tanapu lontu en èn e taigi en: „Olanga yu e hori un sili ete na ini spanning? Efu yu de na Kristus, taigi wi dan.

„Mi ben taigi unu kaba,” Yesus e piki, „èn ete unu no e bribi”. Yesus no ben taigi den langalana taki a ben de na Kristus soleki a ben du disi na fesi na a Samaria-uma na a peti. Toku te yu luku en bun a ben tyari kon a krin suma a de di a ben tyari kon a krin taki a ben de fu den guduman fu tapsei èn ben de kaba bifo Abraham.

Ma Yesus wani taki den sma srefi mu kon na a bosroiti taki en de na Kristus te den teki en activiteit gersi nanga san na bijbel ben taki a fesi fu den sani di a Kristus ben o du. Fu dat’ede meki na fesi kaba a ben komanderi en disipel fu no taigi no wan sma taki en de a Kristus. Èn fu dat’ede a e taki morofara gi den dyu disi di no ben abi switifasi: „Den wroko di mi e du na ini a nen fu mi Tata den dati e gi kotoigi fu mi. Ma unu no e bribi.”

Fu san-ede den no e bribi? Fu mankeri fu bewijsi ede taki Yesus de a Kristus? Nono, ma fu a reide ede di Yesus e ferteri te a e taigi den: „Unu no de mi skapu . . .. mi skapu e yere mi sten, èn mi sabi den, èn den e waka na mi baka, èn mi e gi den tego libi. Èn seiker noiti den sa kisi pori, èn nowan sma sa hari den puru fu mi anu. San mi Tata gi mi, bigi moro leki ala tra sani, èn nowan sma sa hari den puru fu na anu fu a Tata „.

Dan Yesus e ferteri morofara fu na krosbei matifasi di a abi nanga en Tata fudi a e taki: „Mi nanga na Tata de wan.” Fudi Yesus de na grontapu èn en Tata na ini hemel, dan a no e taki fu ensrefi taki en nanga en Teta letterlek ofu na skinfasi de wan. Na presi fu dati Yesus e sori taki den abi na srefi marki na prakseri ofu den de ini wanfasi nanga makandra.

Nanga atibron tapu Yesus wortu meki den dyu e teki ston fu kiri en net soleki den ben du disi wan tu mun a fesi na a ten fu na wiwirikampufesi. Yesus luku den sma di wani kiri en sondro frede èn a e taki „mi ben sori unu furu tumsi bun wroko fu a Tata. Fu sortu wan fu den dati unu ston mi?”

”Wi no e ston yu fu wan fu den tumsi bun wroko,” den e piki, „ma fu lei, iya, fudi yu, aladi yu de wan libisma, e meki yusrefi tron wan gado.” Fu san-ede den dyu e taki disi, fudi Yesus noiti ben taki taki en de wan gado?

A de krin fudi Yesus e taki a abi krakti di leki fa den e prakseri soso Gado kan abi. A ben taki di dyonsrode fu den „skapu”: „Mi e gi den tego libi”, wan sani di nowan enkri sma kan du. Ma den dyu e luku psa a sani disi taki Yesus e erken na makti fu disi di a kisi fu en Tata.

Dati Yesus e ferteri taki a de moro mendri leki Gado, a e sori morofara te a e taki: „A no skrifi na ini na wet fu unu na ini [Psalm 82:6]: ’Unu na gado’”? Efu a e kari den sma di a Wortu fu Gado ben taki fu den „gado” èn den buku no kan meki kon de sondro krakti, dan unu e taigi mi, di na Tata ben santa èn ben seni kon na ini grontapu: ’Yu e lei’ bika mi ben taki: „Mi na Gado Manpikin”?

Iya, fudi den buku e kari onregtvardiki libisma krutuman „gado”, dan fa den dyu disi kan feni sani fu taki fu Yesus fudi a e taki: „Mi na Gado Manpikin”? Yesus e taki tapu disi morofara: „Efu mi no e du den wroko fu mi Tata, no bribi mi, ma efu mi e du den, bribi dan den wroko awinsi un no e bribi mi. Ma efu mi e du den, bribi dan den wroko awinsi unu no e bribi mi sodati unu mag kon sabi èn mag tan sabi taki na Tata de ini wan-fasi nanga mi èn mi de ini wan-fasi nanga na Tata.”

Te Yesus e taki disi, dan den dyu e proberi fu grabu en, ma a e lon gwe, net soleki disi ben psa a fesi kaba na a ten fu a wiwirikampufesa. A e gwe libi Yerusalem èn e reis go na abrasei fu Yordaan, na a presi pe Yohannes pikinmoro fo yazri a fesi ben bigin fu dopu sma. A presi disi a de krin no de sofara fu na zuidsei syoro fu na se fu Galileia, sowan tu dei reis fu Yerusalem moro fara.

Furu sma e kon na a presi disi na Yesus èn e taki: „Yohannes awansi fa a no fa no ben du nowan enkri marki ma ala sani san Yohannes ben taki fu na man disi ben de tru.” Èn na so furu sma ben poti bribi na ini Yesus. Yohannes 10:22-42; 4:26; 8:23, 58; Mattéus 16:20.

◆ Tapu a gron fu san Yesus wani taki sma kon sabi en leki na Kristus?

◆ Na sortu fasi Yesus nanga en Tata de wan?

◆ San de krin na reide fu san-ede den dyu e taki taki Yesus e meki ensrefi tron wan gado?

◆ Fa e kon a krin fu wortu di Yesus e teki puru fu Psalm taki a no e taki taki a de speri fu Gado?