Jezus libi nanga diniwroko

Foe na oso foe Jaïrus go na Nazareth

A BEN de wan druk dé gi Jezus — wan sereis komoto foe na Dekápolis, na dresi foe wan oema di ben abi wan lon foe broedoe, èn now a ben wiki na oemapikin foe Jaïrus komoto na dede. Ma na dé no kaba ete. Toe breni sma e waka na baka Jezus, èn a de krin te a e komoto foe na oso foe Jaïrus èn den e bari: „Abi sari nanga wi, manpikin foe David.”

Foedi den kari Jezus „na manpikin foe David”, dan den man disi e sori dati den e bribi dati Jezus de na erfgenaam foe na troon foe David èn dati a de na pramisi Messias. Ma Jezus e doe netleki a no e jere a jepi babari foe den, kande foe tesi na horidoro foe den. Ma den man no ben stop. Den waka baka Jezus go na na adres pe ai tan èn te ai go na inisé, den e waka go na inisé na en baka.

Drape Jezus e aksi: „Oenoe abi bribi dati mi kan doe dati?”

„Ija, Masra”, den e piki nanga foeroe fertrow.

Foe dat’ede Jezus e taki, aladi a e fasi na ai foe den: „Meki psa nanga joe soleki joe bribi.” Wantewante den kan si! Dan Jezus e komanderi den nanga tranga: „Loekoe boen dati nowan sma kon sabi disi.” Ma den de so kolokoe dati den e poti na komando foe Jezus na wan sé èn e taki foe en na ini na heri kontren.

Tapoe na momenti dati den man disi e gwe, dan den sma e tjari wan man di wan ogri jeje de na tapoe en kon na inisé èn di den ogri jeje ben poeroe a taki foe en. Jezus e jagi na ogri jeje poeroe èn wantewante a man e bigin taki. Den ipi sma e loekoe ferwondroe foe den wondroe disi èn e taki: „Noiti ete wan sma ben si sowan sani ete na ini Israël.”

Fariséman de ooktoe drape. Den no man taki dati den wondroe no de so, ma na ini na goddelowsoe no bribi fasi foe den den e tjari den kragi foe den kon na fesi foedi den taki foe na fonten foe den krakti wroko foe Jezus: „Nanga jepi foe na tiriman foe den ogri jeje a e trowe den ogri jeje na doro.”

Sjatoe na baka den sani disi di psa, dan Jezus drai go baka na en tanpe na Nazareth, a tron disi ini kompani foe en discipel. Wan sani foe wan jari psa a ben tjari wan fisiti go na a djoekerki èn ben gi lerl. Aladi den sma biginbigin ben ferwondroe foe en switi wortoe, tokoe bakaten den ben naki foetoe na en leri èn ben proberi foe kiri en. Nanga sari-ati Jezus e gen e doe now wan moeiti foe jepi en fosten fotoman.

Aladi na ini tra presi den sma na ipi-ipi e hari kon na Jezus, dja den so e doe dati, soleki e kon a krin. Foe dat’ede meki Jezus e go tapoe na sabbat na a djoekerki foe gi leri. A moro bigi pisi foe en arkiman e ferwondroe. „Pe a man disi feni a koni dati èn den krakti wroko disi?”, den e aksi. „Disi no de na manpikin foe na temreman? Èn mama no nen Maria èn en brada Jakobus nanga Jozef, nanga Simon nanga Jedas? Èn den sisa foe on alamla no de na wi? Pe na man disi feni ala disi?”

’Jezus de gewoon wan man foe a foto disi, net so leki wi’, den e tak-go-tak-kon. ’Wi ben si fa ai gro èn wi sabi en famiri. Fa a kan de now na Messias?’ Soboen aladi ala boewijsi ben de — en bigi koni nanga wondroe — tokoe den e trowe en. Srefi en égi famirman e naki foetoe na en, foedi den sabi en so boen, sodati Jesus ben kon na a bosroiti taki: „Wan proféti den e gi grani alape boiti ini en égi kontren èn ini en égi oso.”

Ija, Jezus ben ferwondroe foe na bribi di den no e bribi. Foe dat’ede a no e doe no wan wondroe drape, boiti dati a e poti anoe tapoe wantoe sikisma èn e dresi den. Mattéus 9:27-34; 13:54-58; Markus 6:1-6; Jesaja 9:7.

◆ Foe sortoe bribi den breni man e sori taki den abi, foedi den e kari Jezus „na Manpikin foe David”?

◆ Na sortoe ferklari foe den wondroe foe Jezus den Fariséman e teki a bosroiti foe hori densrefi na dati?

◆ Foe san-ede a de wan sari-atifasi foe na sé foe Jezus dati agen a e go na Nazareth foe jepi den sma drape?

◆ Fa den e teki Jezus na ini Nazareth, èn foe san-ede?

[Wan prenki di e tapoe heri bladzijde 16]