Yesus libi nanga diniwroko

Agen wan preiki waka psa Galiléa

YESUS sa du en now moro safrisafri èn teki en na wan makriki fasi, baka so wan tu yari di a ben preiki fayafaya? Kontrari fu disi, a e bradi en preikiwroko activiteit go moro fara fudi a bigin wan reis ete fu waka lontu, a di fu dri reis fu waka lontu psa Galiléa. A e fisiti ala f oto nanga ala dorpu na ini a gebied fu leri na ini den dyu kerki èn fu preiki na bun nyunsu fu na Kownukondre. San a e si tapu a reis disi, e overtoigi en moro leki oiti a fesi fu a fanowdu fu meki na preikiwroko kon moro bigi.

Alape pe Yesus e go, a e si o tranga funowdu den sma abi fanowdu fu dresi nanga trowstu. Den de leki skapu sondro herder, di den fufuru èn di den drifi go-kon, èn a abi sari-ati nanga den. A e taigi en discipel: „Iya, na kotiwroko bigi, ma weiniki wrokoman de. Aksi fu dat’ede na Masra fu na kotiwroko dati a seni wrokoman go ini en kotiwroko.”

Yesus ben abi wan plan de kampange. A e kari den twarfu apostel, di a ben seni now pikinmoro wan yari psa kaba, go, kon na en. A e prati den tu na tu sodati a e kisi siksi paar preikiman, èn a e gi den den instructie di e kon now: „No koti a pasi go na den natie èn no go na no wan Samaritaan foto, ma go na presi fu dati doronomo na den lasi skapu fu na oso fu Israël. Preiki na tapu un waka èn taki: ’Na kownukondre fu den hemel kon krosbei kaba.’”

A Kownukondre disi fu san den mu preiki, de a kownukondre fu san Yesus ben leri den begi fu en na ini na wi Tata begi. Na Kownukondre kon krosbei kaba ini na fasi disi dati a konnu di Gado ben poti ma di no ben tiri leki kownu, Yesus Kristus ben de drape. Fu meki kon na krin dati en discipel ben de sma di ben teki presi fu na tiri disi di hei moro libisma, Yesus ben gi den a makti fu dresi sikiman èn srefi fu wiki dedesma. A e gi den a komando fu du den wroko disi fu soso.

Moro fara a e taigi en discipel dati den mu sreka sani na skinfasi ini na preikiwroko waka fu den. „No suku nowan gowtu ofu solfru ofu kopro gi yu portmoni fu yu bere, ooktu nowan nyanyan saka gi na waka, ooktu no tu ondro krosi, ofu susu, ofu tiki, bika na wrokoman warti en nyanyan.” Den sma di abi warderi gi na boskopu sa opo du wan sani tapu den nowtu fu den èn sorgu gi nyanyan èn wan oso fu tan. Soleki Yesus e taki: „Sortu foto ofu sotu dorpu yu e go ooktu, ondrosuku suma de drape di warti fu dati èn tan drape te leki yu gwe.”

Baka dati Yesus e leri den fu a fasi tapu fa den mu waka go miti ososma nanga na Kownukondreboskopu. „Te unu e go ini na oso,” a e komanderi den, „taki na osofamiri odi; èn efu na oso warti fu en, na so na vrede di unu e winsi en e kon a tapu en, ma efu a oso no warti en, dan na vrede fu unu e drai kon baka na unu. Efu wan sma no teki unu na den wortu fu unu, libi dan na oso ofu na foto dati, èn seki na stof puru fu un futu.”

Fu wan foto di ben sa trowe a boskopu fu den Yesus e taki: „A sa de moro makriki fu tyari gi na kondre fu Sodom nanga Gomorra leki gi na foto dati tapu na krutudei.” Fu disi e kon na krin dati a moro pikinso wentu fu den onregtvaardikiwan na suma den discipel ben sa preiki gi, sa de drape tapu en krutudei. Te den fosten borgru disi na a ten fu na krutudei sa opo komoto fu dede, dan den sa abi moro muiti fu saka densrefi èn fu teki Kristus leki den kownu leki den sma fu den owru èn hurudu foto Sodom nanga Gomorra di wiki puru fu dede. Mattéus 9:35—10:15; Markus 6:6-12; Lukas 9:1-5.

◆ Oten Yesus e bigin na wan di fu dri preiki waka psa Galileá, èn fu san a e kon kisi na overtoigi fu en?

◆ Sortu instructie a e gi den twarfu apostel fu en te a e seni den go fu preiki?

◆ Fu san-ede a ben de wan joisti sani dati den discipel ben leri dati a Kownukondre ben kon krosbei kaba?

◆ Fu san-ede a sa de wan sani di moro makriki fu tyari gi Sodom nanga Gomorra leki gi den sma di ben trowe den discipel fu Yesus?