Yesus libi nanga diniwroko

Yesus e gi wan leri ini sakafasi

BAKADI Yesus ben dresi na wan boi di wan ogri-yeye ben de a en tapu ini kontren fu Cesarea Filippi, a wani drai gobaka na en tanpe Kapernaüm. Ma tapu na waka disi a wani de en wawan nanga en disipel fu kan sreka den moro fara tapu en dede èn den frantwortu di den mu tyari baka dati. „Na Manpikin fu libisma sa gi abra ini den anu fu libisma”, a e tyari kon a krin gi den, „èn den sa kiri en, ma aladi den sa kiri en, a sa opo baka dri dei baka dati.”

Yesus ben taki fu disi kaba ooktu a fesi èn dri apostel ben de kotoigi fu na transfiguratie, ini san den ben taki fu en „go”. Toku den bakaman fu en no e frustan a punt disi te now ete. Aladi no wan fu den e proberi fu taki dati a no ben de so dati a ben sa dede soleki Petrus ben du a fesi kaba, toku den. no e prefuru fu aksi en moro fara fu dati.

Te fu kaba den e doro na ini Kapernaüm, di ini a ten fu a diniwroko fu Yesus ben e dini leki wan sortu oso fu pe a ben komoto go wroko. A de ooktu wan libipresi fu Petrus èn wan nomru tra apostel. Drape man di e teki tempel belasting e kon na Petrus Kande fu kragi Yesus ini wan muiti fu den gwenti di ala sma ben teki meki den e aksi. „Na leriman fu yu no e pai den tu drachmen [tempel] belasting?”

„Iya”, Petrus e piki.

Yesus, di kande syatu a baka e kon na oso, e frustan san e psa. Sobun bifo Petrus ben kan tyari na afersi kon a fesi, Yesus e aksi: „San yu prakseri, Simon? Fu suma den kownu fu grontapu e kisi reti ofu edemoni? Fu den manpikin ofu fu den vreemdesma?”

„Fu den vreemdesma”, Petrus e piki.

„Den manpikin sobun te yu luku bun de fri fu belasting,” Yesus e taki. Fu di Yesus Tata de a Kownu fu na universum, a sma di en mu anbegi ini a tempel, dan a Manpikin fu Gado te yu luku en bun no de ferplekti na a wet fu pai belasting. „Ma”, so Yesus e taki, fu no meki den naki futu fadon: „Go na a se, trowe wan fisi-aka èn grabu na fosi fisi di kon na tapu èn te yu opo en mofo yu sa feni wan statermoni fo [drachmen]. Teki dati èn gi den fu mi nanga unu.”

Efu den disipel, bakadi den drai kon baka ini Kapernaüm, e kon makandra, kande ini na oso fu Petrus den e aksi: „Suma de a moro bigiwan ini a kownukondre fu den hemel?” Yesus sabi san tyari den sofara fu poti na aksi dati, fu di a ben de sabisabi san ben psa na den mindri di den ben drai komoto fu Cesarea Filippi e waka na en baka kon. Fu dat’ede a e aksi: „Fu san un ben taki-go-taki-kon a pasi?” Ini wan verleigi fasi den disipel e tan pi bika den ben taki nanga makandra suma ben de a moro bigiwan.

A gersi bakadi Yesus pikinmoro dri yari ben gi leri, wan sani di no de fu bribi dati den disipel ben abi sowan takmakandra? We, disi e sori sortu bigi krakti e kon fu libisma onvolmaaktifasi èn ooktu fu wan sma kerki bakagron. A dyu fasi fu anbegi na ini san den disipel ben gro kon, ben poti bigi waarde na positsi ofu rang ini ala betrekking. Boiti fu dati a ben kan de dati na pramisi na Petrus dati a ben sa kisi bepaalde „sroto” fu na Kownukondre ban kan meki a firi ensrefi moro hei. Yakobus nanga Yohnnnes ben kan abi den sortu prakseri dati, fu di den ben kan de kotoigi fu a transfiuratie fu Yesus.

San ben kan de a tori ooktu Yesus e sreka wan tafereel di e seki a ati ini wan muiti fu kenki a ati fu den. A e kari wan pikinnengre, a e poti en na den mindri, poti en anu lontu a pikin èn a e taki: „Efu un no drai unsrefi èn tron leki yongu pikin, un no sa go kwetkweti ini na kownukondre fu den hemel. Ala sma di fu dat’ede di sa saka ensrefi leki na yongu pikin disi, en dati de moro bigi ini a kownukondre fu den hemel èn ala sma di e ontfanga sowan yongu pikin tapu a gron fu mi nen, e ontfanga mi ooktu”.

Fa disi de wan tumsi moi fasi fu kenki a denki fu en disipel! Yesus ati no e bron tapu den èn no e taki dati den abi bigimemre, big’ai ofu wani suku grani. Nono, ma ini wan eksempre a e gi leri fu kenki den fu di a e meki gebroiki fu yongu pikin di fu nature de bescheiden èn fri fu a suku fu grani èn di ini a demakandra nanga trawan no e denki ini wortu fu positsi. Yesus e sori na sofasi dati en disipel mu wroko fu kweki den srefi eigifasi di e marki sakafasi pikinnengre. Soleki fa Yesus e bosroiti: „A sma di e tyari ensrefi leki wan mendriwan a mindri unu, en dati de bigi”. Mattéus 17:22-27; 18:1-5; Markus 9:30-37; Lukas 9:43-48.

◆ Tapu san Yesus e poti agen krakti te a e draibaka, èn fa den disipel e piki tapu dati?

◆ Fu san-ede Yesus no de ferplekti fu pai tempel belasting, ma fu san-ede a e du disi tog?

◆ San kande ben meki wan takmakandra ben kon a mindri den disipel, èn fa Yesus kenki a denki fu den?