Yesus libi nanga diniwroko

Yesus e seni seibitenti trawan go fu preiki

A DE dreiten fu 32 G.T., dri herheri yari baka a dopu fu Yesus. En nanga en disipel no so langa psa kaba ben de na a wiwiri-kampufesa na ini Yerusalem èn a de krin dati den de ete na ini na birti fu na foto. Yesus e psa a moro bigi pisi fu den siksi mun di ben de fu en diniwroko ofu na ini Yudéa ofu net abrasei fu na Yordaan ini na distrikt Peréa. A mu wroko ooktu na gebied disi.

A de tru dati Yesus baka na Pascha na ini 30 G.T. ben preiki sowan aiti mun na ini Yudéa. Ma bakadi den dyu ben pruberi fu kiri en drape na a ten fu na Pascha ini 31 G.T., dan a ben gebroiki na tra afu yari pikinmoro soso fu preiki na ini Galiléa. Na ini a ten dati a ben meki wan bigi, organisatie kon fu preikiman di oefen bun, wan sani san a no ben du a fesi ete. Now ai bigin na wan kefarlek bigi kotoigiwroko na ini Yudéa.

Yesus e bigin na veldtocht disi fudi ai teki 70 disipel èn e seni den tu na tu go. Na so fasi ala nanga ala 35 grupu kownukondrepreikiman de fu wroko na gebied. Den disi e go a fesi na a foto èn presi pe Yesus, a de krin makandra nanga en apostel ben wani go.

Na presi dati Yesus e komanderi den 70 fu go na den dyukerki, a e taigi den fu go na ini sma oso, aladi ai tyari kon a krin: „Pe unu e go ooktu, ini wan oso, taki fosi: „Vrede mu de tapu na oso disi.” Èn efu drape wan mati fu vrede de, dan a vrede fu yu sa rostu tapu en.” San na boskopu disi fu den mu wani taki? „Tan taigi den”, Yesus e taki, „na Kownukondre fu Gado kon krosbei kaba na yu”. Fu na wroko fu den 70 Matthew Henry’s Commentary e taki „Netleki a Meester fu den den ben tyari fisiti go na ala presi, ben preiki oso-fu-oso.”

Yesus instructie na den seibitenti wi ben teki gersi nanga di a ben gi na den twarfu di a ben seni den go tapu wan preikiwaka sowan yari afesi. No wawan a e warskow den seibitenti gi na gens di den sa miti èn a e sreka den gi na boskopu di den mu pristeri na ososma, ma a e gi den ooktu na makti fu dresi sikisma. Te sobun Yesus syatu na baka dati e kon drape, dan furu sma sa angri fu miti na meester di den disipel fu en kan du den sortu wondru sani disi.

Na preikiwroko fu den seibitenti èn na activiteit fu Yesus di e waka na baka dati e teki wan kefarlek syatu pisten. Heri esi den dritenti na feifi grupu kownukondre preikiman e bigin drai kon baka na Yesus. „Masra”, den e taki nanga prisiri; „srefi den ogri yeye e tyari kon ondro wi te wi gebroiki yu nen”. Sowan moi verslag fu na preikiwroko seiker e prisiri Yesus srefsrefi, bika a e piki: „Mi ben si Satan kaba leki wan dondru faya fadon komoto fu hemel. Luku! Mi gi yu na makti fu waka nanga futu tapu sneki nanga schorpioen.”

Yesus sabi dati Satan nanga en ogriyeye baka na gebortu fu Gado Kownukondre na ini a ten fu na kaba sa trowe komoto fu hemel. Ma now na puru fu ogriyeye di sma no kan si nanga yepi fu soso libisma e dini leki wan ekstra dyaranti fu na sani di o kon. Fu dat’ede Yesus e taki fu na fadon fu Satan komoto fu hemel na ini a ten di e kon leki wan seiker sani. A de fu dat’ede ooktu wan agersi betekenis dati den seibitenti e kisi na makti fu waka tapu sneki nanga schorpioen. Toku Yesus e taki: „Ma no prisiri dati den yeye e saka densrefi na ondro unu, ma prisiri di unu nen skrifi na ini den hemel.”

Yesus de koloku psa marki èn e prijse en Tta a publiki dati a ben gebroiki den sakafasi dienstknegti fu en a tapu sowan krakti fasi. Aladi a e drai taki nanga en disipel, a e taki: „Koloku den ai de di e si den sani di unu e si. Bika mi e taigi unu: furu profeiti nanga kownu ben angri fu si den sani di unu e si, ma den no ben si den, èn den sani di unu e yere, ma den no ben yere den.” Lukas 10:1-24; Mattéus 10:1-42; Openbaring 12:7-12.

◆ Pe Yesus ben preiki na a ten fu den fosi 3 yari fu en diniwroko, èn sortu gebied a e wroko ini den laatste siksi mun fu en libi?

◆ Pe Yesus e seni den seibitenti go fu suku sma?

◆ Fu san-ede Yesus ben taki dati a ben si Satan fadon kaba fu hemel?

◆ Na sortu fasi den seibitenti ben waka tapu sneki nanga schorpioen?