Yesus libi nanga diniwroko

Na fonten fu koloku

NA INI A TEN fu en diniwroko na ini Galiléa Yesus ben du wondru, èn now a e du den ete wantron na ini Yudéa. Fu eksempre a e puru wan ogri yeye di ben tapu wan man fu taki na tapu na man. Na ipi fu sma e fruwondru ma sma di suku fowtu ben taki asrefi sani di den ben taki na ini Galiléa. „A e puru den ogri yeye tapu sma nanga yepi fu Beëelzebub, na tiriman fu den ogri yeye”, den e taki. Trawan e aksi fu Yesus wan moro bigi buwijsi fu sori taki suma a de, èn den e pruberi fu kori en fu aksi fu wan marki komoto fu hemel.

Fudi Yesus sabi taki san den sma di e suku fowtu na en na ini Yuda e denki, meki a e gi den nasrefi piki di a ben gi den sma di e suku fowtu na ini Galiléa. A e taki taki ibri Kownukondre di prati ini ensrefi, sa brokosaka. „Sobun efu Satan prati ooktu ini ensrefi,” na so a e aksi, „fa en kownukondre sa tan hori doro?” A e sori tapu na kefarlek positie pe den sma di e suku fowtu na en de fudi ai taki: „Efu mi e puru den ogri yeye nanga yepi fu na finga fu Gado, dan na Kownukondre fu Gado trutru kon onfruwakti na unu.”

Den sma di ben si Yesus wondru ben mu teki den net soleki den sma di hondrohondro yari afesi ben si Moses e du wan wondru èn ben bari taki: „A de a finga fu Gado!”. A ben de ooktu „a finga fu Gado” di ben marki den Tin Gebod tapu ston tafra èn „A finga fu Gado — en santa yeye ofu wroko krakti — e meki taki Yesus puru ogri yeye èn dresi sikiman. A Kownukondre fu Gado sobun trutru kon onfruwakti na den sma di e suku fowtu, fudi Yesus di ben poti kaba na wroko, èn di no e tiri leki Kownu ete na ini na Kownukondre de trutru na ini den mindri.

Yesus e sori morofara taki a man di a man fu puru ogri yeye tapu sma de wan buwijsi fu en makti tapu Satan, soleki te wan man di abi bun fetisani e kibri en paleisi, èn wan moro tranga man e kon wini en. A e taki ete wantron ooktu na agersitori di a ben ferteri na ini Galiléa fu wan doti yeye di e gwe libi wan man; ma efu na man no furu na leigi presi di du kon nanga bun sani, dan na yeye e drai kon bak nanga seibi trawan èn na toestand fu a man e kon moro ogri leki na fesi.

Wan uma na ini na ipi fu sma di e arki na den leri disi, e kon so fara fu bari taki koloku na mamabere de di ben meki yu èn den bobi di ben gi yu merki!” Fudi ibri dyu uma abi na lostu fu de mama fu wan profeiti, èn spesrutu fu na Messias, dan a de wan sani fu ferstan taki na uma disi e taki disi. A de krin taki a ben denki taki Maria spesrutu ben kan de koloku fudi a ben de mama fu Yesus.

Ma Yesus e poti na uma es’esi na pasi ini a tori fu na tru fonten fu koloku. „Nono”, a e piki, „koloku morofuru den sma de di e yere na wortu fu Gado èn e hori en!” Yesus noiti ben gi na rai taki en mama Maria, mu kisi spesrutu grani. Na presi fu dati a ben sori taki trutru koloku sma e kisi te wan sma de wan getrow dienstknegti fu Gado, no fu na sei fu skin banti ofu sani san sma e du.

Net soleki fa a ben de na ini Galiléa na so Yesus e strafu morofara na pipel, fudi den e aksi wan marki fu hemel. Ai taigi den taki no wan tra marki sa gi na den leki na marki fu Yona. Yona ben tron wan marki fudi a ben de dri dei na ini na fisi èn fudi a ben preiki nanga dek’ati nanga na bakapisi taki den Ninevé sma ben kisi berow. „Ma luku!” na so Yosus e taki „moro leki Yona de dya.” Na so na kownigin fu Scheba ben fruwondru fu na koni fu Salomo. „Ma luku!” so Yesus e taki tu, „moro leki Salomo de dya.”

Yesus e tyari kon na krin taki efu wan sma de leki wan lampu, a no sa poti disi na ini wan uku kibri ofu ondro wan baskita, ma tapu wan kandratiki, sodati sma kan si na leti. Kande a wani meki sori taki a gi leri na den opruru sma disi a mindri den arkiman fu en èn du wondru gi den, ben sa kan teki gersi nanga a kibri fu na leti fu wan lampu. Den ai fu den sortu sma disi di e luku sani no de soifri èn no de srapu, sodati na marki fu san-ede den wondru fu en ben du no e doro en marki.

Yesus dyonsrode ben puru wan ogri yeye tapu wan sma èn ben sorgu taki wan man di ben babaw ben kan taki. Disi mu tyari wan sma nanga soifri ai di de srapu fu prijse den moi du disi èn fu meki na bun nyunsu bekenti! Ma dati den sma disi di e suku fowtu no e du. Fu datede Yesus e taki leki laatste sani: „De nanga ai fu dat’ede. Kande na leti di de na ini yu, na dungru. Efu dat’ede yu heri skin na leti èn nowan pisi na dungru, dan krinkrin a sa de leti leki te wan lampu e gi yu leti nanga den straal fu en.” Lukas 11:14-36; Exodus 8:18, 19; 31:18; Mattéus 12:22, 28.

◆ Fa den sma e teki na dresi di Yesus e dresi wan man?

◆ San na a finga fu Gado, èn fa Gado Kownukondre onfruwakti ben kon na Yesus arkiman?

◆ San na a fonten fu tru koloku?

◆ Fa wan sma kan abi wan soifri ai?