Yeyses libi nanga diniwroko

Na opo baka howpu

YEYSES e doro te fu kba na a lanki fu na dorpu Betaniya, di ddon so wan dri kilomeytri fu Yerusalèn. Lasarus dede wantu dey nomo èn den beri en. En ssa Mariya nanga Marta e krey te now ete fu en èn furu sma ben kon na den oso fu trowstu den.

Ini na ten di den ben e krey, wan sma e taygi Marta taki Yeyses de a pasi e kon. Fu dati-ede a e komoto na lni na oso go na doro èn e lon go miti en, kande sondro fu taygi en ssa disi. Te Marta kon na Yeyses, a e taki ete wan tron baka san en nanga en ssa na ini den fo dey di psa ben taki alaten baka: „Efu yu ben de dyaso, mi brada no ben sa dede.”

Ma Marta e tyari howpu kon na fesi èn e koti odi taki Yeyses kande ben sa wan kan du wan sani gi en brada. „Toku mi sabi taki ala san yu e aksi Gado, Gado sa gi yu”, a e taki.

„Yu brada sa opo baka”, Yeyses e pramisi.

Marta e frustan disi leki Yeyses e taki fu wan grontapu opobaka di o kon pe so srefi fu Abraham nanga tra futuboy fu Gado ben luku fu a kon. „Mi sabi taki a sa opo baka na ini na opobaka na ini na kriboy dey.”

Ma Yeyses e gi howpu tapu frulekti wantewante èn e piki: „Mi na a opobaka èn a libi.” A e memre Marta taki Gado ben gi en na makti tapu dede di a taki: „A sma di e sori bribi na ini mi, sa kon na libi, awinsi a dede; èn ini wan sma di e libi èn e sori bribi na ini mi seyker noyti sa dede.”

Yeyses no pruberi fu meki Marta frustan taki kotrow sma di e libi na a momenti dati, noyti sa dede. Nôno, ma a punt di a meki kon na krin, de taki bribi na ini en kan meki têgo libi kon. A moro bigi pisi fu sma sa prisiri na ini na têgo libi disi fu di den sa kisi wan opobaka na tapu na kriboy dey. Ma trawan di de kotrow sa psa na kba fu na seti fu sani na grontapu libilibi. èn gi den disi den wortu fu Yeyses sa de trutru so. Den no sa dede noyti! Baka na aparti mofo disi, Yeyses e aksi Marta: „Yu e bribi disi?”

„Iya Masra”, a e piki. „MI e bribi taki yu na a Krestes, na Manpikin fu Gado, na Sma di e kon na grontapu.”

Marta e lon gwe dan, fu go teki en ssa èn a e fruteri en na wan kibri fasi: „Na Leriman de dya èn e kari yu.” Wantron Mariya e gwe libi a oso. Te trawan e si a e go, den e teki na en baka, nanga ini prakseri taki a e go na a memregrebi.

TE Mariya e kon na Yeyses, a e fadon aladi a e krey na en futu. „Masra, efu yu ben de dyaso, mi brada no ben sa dede”, a e taki. Yeyses e firi dipi sari te a e si Mariya nanga na ipi sma di e teki na en baka e krey. „Pe yu poti en?” a e aksi.

„Masra, kon luku”, den e piki.

Yeyses tu e bari krey, san e meki den dyu taki: „Luku fa a ben abi lobi gi en!”

Son sma e memre taki Yeyses wantu mun na a fesi na a ten fu na kanpuwwirifesa ben dresi wan yonguman di ben breni fu sensi en mma ben meki en èn den e aksi: „A man dist, di opo den ay fu na breni man, no ben kan sorgu taki a sma disi no dede?” Yohanes 5:21; 6:40; 9:1-7; 11:17-37.

◆ Oten Yeyses e doro te fu kaba na ini na birti fu Betaniya, èn sortu situwâsi a e feni drape?

◆ Sortu gron Marta abi fu bribi na ini na opobaka?

◆ Sortu krakti a dede fu Lasarus abi a tapu Yeyses?