Yu E Mankeri wan Buku na ini Yu Bukukasi?
Ala publikâsi fu a Genootschap abi furu warti bodoi. Ma furu buku ben kon na doro bifo yu teki a waarheid. Omeni fu den buku disi yu leisi kaba? Yu e gebroiki den fu suku moro bodoi? Efu buku di abi fu du nanga Yehovah e mankeri ete na ini a bukukasi fu yu, dan furu warti bodoi de di yu no sa man leri. Kande yu trow no so langa pasa, noso kande yu go tan yu wawan fu wan noso tra reide ede. A kan taki, yu ben e gebroiki den buku fu a bukukasi fu yu papa nanga mama fosi, ma fa a de nanga yu eigi bukukasi? Fu san ede yu no e luku sortu wan fu den moro owru buku di yu no abi, de ete na ini a gemeente? Teki den grantangi, so taki yu eigi bukukasi no e mankeri so furu buku.
Ala den Jaarboek van Jehovah’s Getuigen (Yaribuku fu Yehovah Kotoigi) moi fu leisi srefisrefi. Den moi nyunsu fu a preikiwroko di wi e yere fu a heri grontapu, e tranga a bribi fu wi ini a tiri, kibri nanga blesi di Yehovah e gi. Wan fu den spesrutu Yaribuku ben de a wan fu 1976. Fu san ede? Fu di a buku disi abi 200 bladzijde nanga tumusi moi historia fu a wroko di ben du na Amerkankondre. Disi na a bigin fu a disiten historia fu a pipel fu Yehovah. A bijkantoro fu Selters abi wan pikin ipi fu den yaribuku disi ete. Grantangi, aksi a brada di e sorgu gi lektuur fu a gemeente fu a seni aksi a buku disi gi yu so taki yu no e mankeri buku moro na ini yu bukukasi, èn so taki yu kan leisi a tumusi aparti historia tori disi nanga prisiri. Na opziener fu a Theokrasia Diniwroko-skoro musu luku tu efu a bukukasi fu a Kownukondre zaal abi a buku disi. Efu a de fanowdu dan a o seni aksi yaribuku gi a bukukasi fu a gemeente. Den Jaarboek van Jehovah’s Getuigen de fu kisi na ini Sranan na ini: Bakratongo fu a yari 1980, 1982, 1987, 1992, 1993, 1995, 1996 nanga 1998; Fransitongo fu a yari 1992, 1993, 1996, 1997, 1999 nanga 2000; Ingrisitongo fu a yari 1988, 1992, 1993, 1994 nanga 1996; Potogisi fu a yari 1993 nanga 1997; Spanyoro fu a yari 1983, 1992, 1993, 1997 nanga 2000. Den moi yaribuku disi o seni kon so langa a bijkantoro abi den ete.