Singi 111
A o kari
Wan fowtow fu a bladzijde na ini a buku
1. Libi de leki smoko d’e wai gwe,
A no e tan so langa,
Wins san wi de, her esi w’e psa gwe,
A makti f’ dede tranga.
Ef wi dede now, lib’ o de agen?
Yere En pramisi now:
(REFREIN)
A o kari dede suma.
Den o libi baka dya,
Bika A wani dati
Dedewan tron libisma.
Wi m’ ab bribi, no fruwondru,
Dati Gado sa du tu.
Fu têgo wi sa libi,
Dat na En wawan kan du.
2. Gado no man frigiti mati f’ En,
Awans den lasi libi.
Dede tek den, te Gado memre den,
A o wiki den f’ a sribi.
W’o si alape fa a lib’ o de:
Paradijs di noit o gwe.
(REFREIN)
A o kari dede suma.
Den o libi baka dya,
Bika A wani dati
Dedewan tron libisma.
Wi m’ ab bribi, no fruwondru,
Dati Gado sa du tu.
Fu têgo wi sa libi,
Dat na En wawan kan du.
(Luku sosrefi Yoh. 6:40; Yoh. 11:11, 43; Yak. 4:14.)