Den sani di e meki wi de nanga prisiri

1. Wi ab furu sani f’ prisiri,

Lek gudu di warti a de.

Den warti san fu ala kondre

E kon miti wi alape.

Prisir in wi ati de steifi,

A rutu na Bijbel in’sei.

Wi bribi e kon fu sa’w’ yere,

W’e tek leri f’ en ibri dei.

Prisiri fu wi de bun dipi,

A de leki faya di krin.

Awansi wi kisi problema,

A yepi f’ Yehovah no pkin.

2. Wi breiti fu sani d’A meki,

A meki grontap’ anga se.

Den sani di wi Gado seti,

O mek tak prisiri sa de.

Fu preiki fu En Kownukondre,

Na krakti gi wi lek bun sma.

A nyunsu f’ En nanga den blesi,

W’e prati gi ala sma dya.

Prisiri fu têgo kon krosbei,

Nelek te a dei opo kon.

Pramis nyun grontap’ anga hemel

D’e mek tak prisir sma w’e tron.