Leki Kresten wi gi wisrefi abra na Gado

1. Yehovah meki grontapu

Sosrefi hemel tu.

Grontapu, hemel de fu En,

En anu wroko f’ tru.

A libibro di a gi wi

Na f’ sori ala ten:

Dat En warti f’ kisi prèise f’ sma,

Wi musu anbegi En.

2. In watra Yesus tek dopu,

Du reti, du san tru.

In begi a taig Gado krin:

’Yu wani mi kon du!’

Di Yesus kmoto f’ a liba,

A tron a salfuwan.

A g’ensrefi abra n’en Tata,

A tron Gado diniman.

3. Wi kon na Y’ fesi Yehovah,

Fu prèis Yu bigi nen.

Na Yu wi gi w’ sref abra now,

Wi no wan gi Yu syen.

Yu gi wi Yu enkri Manpkin

Di pai so dir gi wi,

W’e libi, w’e dede now gi Yu,

Na Yu wi e libi gi.