Lobi komoto fu a dipi fu wi ati

1. Lobi dein na ati fu wi,

Drape a m’ de gi y’anga mi,

Tru firi dat na san a e gi,

Lobi den brada f’ un.

Sor dis lobi un no mus syen,

Lobi wi m’ firi ala ten,

Gado bun-at no de wan dren,

Lobi fu En de bun.

Lobi m’ de f’ si in sa’w’ du,

Gi sma san den ab fanowdu tu,

Leri sma di wan sab tru,

T’a okasi dati de.

Wi lespeki fasi mus tan,

Fowtu f’ wi brada, dat na wan,

Sor switifasi te dat kan,

Yepi den na alape,

Wánfas fu wi no m’ las gwe.

2. Lobi f’ wi na soifri am’ de,

Mek atibron fu wi kan gwe,

Lobi w’o sor na alape

Gi brada di de tru.

Tranga matifas w’o kwek dan,

W’o de makandra lek wán man,

Nanga prisiri wi sa tan,

W’o kis nyun krakti tu.

Sondu w’e du ibri dei,

Sontron sondro f’ denki wi e strei,

Sor swit’fasi ala sei

Gi den bun at Gado sma.

Trutru mati wi sa man tron,

Lobi fu wi sa har sma kon,

Lobi dat moi lek diriston,

Gi a grani na w’ Tata,

Lobi lek wi Gado Yah.