AKSI 2
Fa yu kan leri moro fu Gado?
„Yu musu tan taki fu a wèt di skrifi na ini a buku disi. Dei nanga neti yu musu leisi en nanga wan safri sten, so taki yu kan du ala den sani di skrifi na ini. Te yu du dati, dan sani o waka bun nanga yu èn yu o handri nanga koni.”
„Nanga wan tranga sten, den tan leisi a buku pe den wèt fu a tru Gado skrifi na ini. Den tyari den wèt kon na krin èn den fruklari san den wèt wani taki. Den yepi a pipel fu kon frustan den sani di den leisi komoto na ini a wètbuku.”
„Koloku fu a man di no teki a rai fu den ogriwan . . . Na presi fu dati a lobi a wèt fu Yehovah. Dei nanga neti a e leisi a wèt fu Gado nanga wan safri sten. . . . Ala sani di a man e du, o waka bun.”
„Filipus lon na sei na asiwagi. Di a yere a [heihei man fu Etiopia] e leisi a buku fu a profeiti Yesaya nanga wan tranga sten, dan a taigi en: ’Yu sabi san yu e leisi?’ A man piki en: ’We, fa mi ben sa sabi dati dan, efu nowan sma e leri mi?’”
„Sensi grontapu meki, sma man si krin sortu fasi Gado abi, aladi den no man si en. Te den e luku den sani di a meki, den kan frustan taki a abi têgo krakti èn taki en na Gado trutru. Fu dati ede den no man taki nanga leti dati Gado no de.”
„Prakseri bun fu den sani disi. Du den nanga yu heri ati, so taki ala sma kan si taki yu e go na fesi.”
„Meki wi poti prakseri na makandra tu, so taki wi kan gi makandra deki-ati fu abi lobi èn fu du bun wroko. Meki wi no misi konmakandra.”
„Efu wan fu unu e mankeri koni, dan meki a tan aksi Gado fu dati, bika te Gado e gi sma sani, a e du dati nanga en heri ati èn sondro fu suku fowtu na den. Sobun, Gado o gi a sma a koni dati.”