AKSI 7
San Bijbel e taki fu a ten fu wi?
„A wan pipel o go feti nanga a tra pipel, èn a wan kownukondre o go feti nanga a tra kownukondre . . . Ala den sani disi na a bigin fu wan ten fu banawtu di de leki a hebi pen fu wan uma di de fu meki en pikin.”
„Furu falsi profeiti o opo kon èn den o kori furu sma. Fu di moro nanga moro sma o du ogri, meki a lobi fu furu sma o kon kowru.”
„No skreki te unu e yere taki feti e feti èn te unu e yere nyunsu taki feti de, bika den sani disi musu pasa. Ma a kaba no de ete.”
„Bigi gronseki o de, èn takru siki di e kiri ipi-ipi sma nanga angriten o de na ini a wan presi baka a trawan. Sma o si kefalek ogri sani èn den o si bigi sani fu hemel.”
„Na ini den lasti dei muilek ten o de di tranga fu pasa, bika sma o lobi densrefi nomo. Den o lobi moni. Den o lobi dyaf. Den o abi heimemre. Den o taki ogri fu trawan. Den o trangayesi papa nanga mama. Den no o de nanga tangi. Den no o tai hori na trawan. Den no o lobi trawan. Den no o wani meki kruderi. Den o fruteri ogri-ati lei fu trawan. Den no o man dwengi densrefi. Den o du ogri-ati sani. Den no o lobi san bun. Den o tori trawan. Den o du san densrefi wani. Den o abi bigimemre. Den o lobi prisiri na presi taki den lobi Gado. A o gersi leki den e dini Gado fayafaya, ma a libi fu den o sori taki dati no de so.”