„Yu si wan man di sabi du en wroko bun? Na fesi kownu a o tanapu. A no o tanapu na fesi sma di no de prenspari.”

Odo 22:29

„A sma di e fufuru, no musu fufuru moro, ma a musu wroko tranga. Meki a du bun wroko nanga en anu, so taki a kan prati wan sani nanga sma di de na nowtu.”

Efeisesma 4:28

„Ibri sma musu nyan, . . . dringi èn . . . prisiri nanga ala a tranga wroko di a e du. Na wan presenti fu Gado.”

Preikiman 3:13

„A sma di lobi meki prisiri o pina. A sma di lobi win nanga oli no o kisi gudu.”

Odo 21:17

„A sma di lobi leni moni na a futuboi fu a man di leni en a moni.”

Odo 22:7

„Suma fu unu di wani bow wan toren, no sa go sidon fosi fu teri den kostu, so taki a kan si efu a abi nofo moni fu klari a wroko? Efu a no du dati, a kan taki a poti a fondamenti fu en, ma a no man klari a wroko èn ala sma di e tanapu e luku o bigin spotu en. Den o taki: ’A man disi bigin bow, ma a no ben man klari a wroko.’”

Lukas 14:28-30

„Di den nyan nofo, a taigi den disipel fu en: ’Go piki den pisi brede di tan abra, so taki noti no e frumorsu.’”

Yohanes 6:12

„A moro betre fu nyan wan preti nanga gruntu na wan presi pe lobi de, leki fu nyan wan fatu mankaw na wan presi pe bita-ati de.”

Odo 15:17

„Mi, Yehovah, na yu Gado. Mi na a sma di e leri yu fu kisi wini. Mi na a sma di e meki yu waka a pasi di yu musu waka.”

Yesaya 48:17

„Koloku fu den sma di sabi taki den abi Gado fanowdu, bika den o kisi a Kownukondre fu hemel.”

Mateyus 5:3

„Yu musu lobi tra sma leki fa yu lobi yusrefi.”

Mateyus 22:39

„San unu wani meki sma du gi unu, na dati un musu du gi den tu.”

Lukas 6:31

„Koloku fu den sma di e yere a wortu fu Gado èn di e du san a wortu e taki!”

Lukas 11:28

„Srefi te wan sma abi furu gudu, toku den sani di a abi no kan gi en libi.”

Lukas 12:15

„Sobun, efu wi abi nyanyan, krosi nanga wan presi fu tan, dan wi musu breiti nanga den sani disi.”

1 Timoteyus 6:8

„Wan sma sa de moro koloku te a e gi sani, leki te a e kisi sani.”

Tori fu den apostel 20:35

„Trowe yu hebi na tapu Yehovah, dan en srefi o horibaka gi yu. Noiti a o gi pasi taki wan reti-ati sma degedege.”

Psalm 55:22

„Te wan sma e wroko tranga, dan den sani di a abi na prakseri fu du o tyari wini kon gi en. Ma ibri sma di e du sani tumusi esi o pina.”

Odo 21:5

„No frede, bika mi de nanga yu. No luku leki yu e frede, bika mi na yu Gado. Mi o meki yu kon tranga. Mi o yepi yu trutru. Iya, mi o hori yu nanga mi reti-anu fu retidu.”

Yesaya 41:10

„Suma fu unu di e broko en ede nanga sani, kan meki en libi kon pikinso moro langa?”

Mateyus 6:27

„Sobun, noiti un musu broko un ede nanga tamara, bika tamara o abi en eigi broko-ede. Ibri dei abi nofo fu en eigi ogri.”

Mateyus 6:34

„Kon sabi san na den moro prenspari sani.”

Filipisma 1:10

„No broko un ede nanga nowan sani, ma begi Gado ala ten, begi en fayafaya èn taki en tangi tu. Na so a o kon sabi san unu wani aksi en, dan a freide fu Gado di bigi moro iniwan sani di libisma man frustan, o kibri un ati nanga un frustan nanga yepi fu Krestes Yesus.”

Filipisma 4:6, 7

MASRA/PAPA

„Masra musu lobi den wefi leki den eigi skin. A man di lobi en wefi lobi ensrefi tu, bika nowan man abi bita-ati gi en eigi skin. Na presi fu dati, a e gi en nyanyan èn a lobi en . . . Meki ibriwan fu unu lobi en wefi leki fa a lobi ensrefi.”

Efeisesma 5:28, 29, 33

„Un papa, no tanteri den pikin fu unu, ma tan kweki den nanga a leri èn nanga den rai fu Yehovah.”

Efeisesma 6:4

WEFI

„A wefi musu abi bigi lespeki gi en masra.”

Efeisesma 5:33

„Un wefi, saka unsrefi na ondro un masra, soleki fa a fiti bakaman fu Masra.”

Kolosesma 3:18

PIKIN

„Un pikin, gi yesi na un papa nanga mama soleki fa Gado wani, bika na dati Gado e feni bun. ’Lespeki un papa nanga un mama.’ Disi na a fosi komando di abi fu du nanga wan pramisi: ’Dan sani sa go bun nanga yu èn yu sa libi langa na grontapu.’”

Efeisesma 6:1-3

„Un pikin, gi yesi na un papa nanga mama na ala fasi, bika disi e plisi Masra.”

Kolosesma 3:20