Yob tan gi yesi na Gado srefi di a kisi tesi

Yob ben e libi na ini a foto Us na a ten di den Israelsma ben de srafu na ini Egepte. Aladi Yob no ben de wan Israelsma, toku a ben e dini Yehovah nanga en heri ati. A ben abi wan bigi osofamiri, a ben gudu srefisrefi èn a ben de wan prenspari sma na ini a libimakandra. A ben de wan lespeki raiman èn wan eerlijk krutuman. A ben e yepi pôtisma èn sma di ben de na nowtu. Yob ben de wan reti-ati man.

Yob ben sori krin taki Yehovah ben de a moro prenspari sma na ini en libi

1:8-11, 22; 2:2-5

• Satan ben si taki Yob ben de wan reti-ati man. A no taki dati Yob no ben gi yesi na Yehovah, ma a taki dati Yob no ben du sani nanga wan krin ati

• Satan taki dati Yob ben e anbegi Yehovah soso fu kisi wini gi ensrefi

• Yehovah gi pasi taki Satan tesi Yob, so taki Yehovah ben kan piki en. Satan pina Yob na ala fasi

• Di Yob tan anbegi Yehovah nanga en heri ati, dan Satan taki dati ala libisma e dini Yehovah soso fu kisi wini gi densrefi

• Yob no sondu èn a no taki nowan ogri fu Gado