GUDU NA INI GADO WORTU | PSALM 52-59
„Trowe yu hebi na tapu Yehovah”
Furu hebi tesi ben miti David na ini en libi. Di a skrifi Psalm 55 den sortu sani disi ben miti en:
Sma ben kosi en
Sma ben frufolgu en
A ben abi hebi konsensi fonfon
A ben abi osofamiri problema
A ben siki
Sma ben tori en
Srefi di a ben gersi leki David no ben man moro, toku a feni wan fasi fu horidoro. Den sma di e firi leki David kan teki a rai disi di santa yeye meki a skrifi: „Trowe yu hebi na tapu Yehovah.”
Fa wi kan du san a vers disi e taki?
Awinsi sortu problema noso broko-ede yu abi, begi Yehovah èn fruteri en san de na tapu yu ati
Suku rai nanga trowstu na ini Yehovah en Wortu èn na en organisâsi
Hori yusrefi na den leri fu Bijbel èn du san yu man du fu meki a situwâsi fu yu kon moro betre