SINGI 31
Waka nanga Gado
Wan fowtow fu a bladzijde na ini a buku
(Mika 6:8)
1. Wak’anga Gado ala ten.
Tan sor tak yu lob san tru.
No gwe lib Yehovah, tan na en sei
èn mek en yeye yep yu.
Te yu du san Gado leri yu,
dan noit y’o gwe lib en.
No lus na anu f’yu Tata.
Hor en steifi ala ten.
2. Wak’anga Gado ibri dei.
De santa èn du san bun.
Den tesi fu yu kan hebi fu tru,
ma Gad’e gi yu trowstu.
Den san’ di warti f’sma prèise den,
ja, ala san’ di tru,
tan denki den, dan y’o si tu
taki Gado d’anga yu.
3. Wak’anga Gado, dan y’o si
tak en n’a mati fu yu.
Y’o si ala ten den moi blesi f’en.
Yehovah n’o frigit yu.
Wak’anga Gado, prisiri now.
Kow’ sing wan singi g’en.
Sor ala sma yu breiti f’tru
tak yu libi na fu en.
(Luku sosrefi Gen. 5:24; 6:9; Fil. 4:8; 1 Tim. 6:6-8.)