Schema gi a wiki fu 25 maart

WIKI DI E BIGIN 25 MAART

Singi 133 nanga begi

□ Gemeente Bijbelstudie:

bt kap. 10 par. 10-21 (30 min.)

□ Theokrasia Diniwroko-skoro:

Leisipisi fu Bijbel: Lukas 4-6 (10 min.)

Nr. 1: Lukas 4:22-39 (no moro leki 4 min.)

Nr. 2: Na fu soso sma e anbegi den afo​—td 1A (5 min.)

Nr. 3: Sortu buweisi de taki Yesus kisi wan opobaka?​—1 Kor. 15:3-7 (5 min.)

□ Diniwroko Konmakandra:

Singi 111

5 min: Fa fu bigin Bijbelstudie tapu a fosi satra. Gebroiki na eksempre na tapu blz. 8 fu hori wan demonstrâsi di e sori fa fu bigin wan studie tapu a fosi satra na ini april. Gi ala sma a deki-ati fu du dati.

25 min: „Fa wi kan gebroiki a brochure Gado abi bun nyunsu gi wi!” Aksi nanga piki. Te yu e taki fu paragraaf 6, dan hori tu demonstrâsi.

Singi 97 nanga begi

3. Fa a brochure disi de tra fasi leki den tra publikâsi fu wi?

³ Fa a brochure seti: Furu fu den publikâsi di wi e gebroiki fu studeri, skrifi na so wan fasi taki sma kan leisi èn frustan den tru tori fu Bijbel, sondro fu wan sma yepi den. A brochure disi de tra fasi. A skrifi fu studeri Bijbel nanga wan sma di e yepi yu. Fu dati ede, te wi e pristeri en gi wan sma, dan a moro bun fu taki fu wán noso tu paragraaf nanga a sma. Den paragraaf syatu, so taki yu kan taki fu den na a mofodoro fu wan sma, noso na en wrokope. Aladi a bun fu bigin nanga lès 1, yu kan bigin nanga iniwan tra lès na ini a brochure.

4. Fa a brochure e yepi wi fu gi leri langalanga komoto fu Bijbel?

⁴ Na ini furu fu den publikâsi fu wi, den piki na tapu den aksi de na ini den paragraaf. Ma na ini a brochure disi, den piki de fu feni moro furu na ini Bijbel. Moro furu sma wani leri wan sani na ini Bijbel na presi na ini den tra publikâsi fu wi. Dati meki den no skrifi san moro furu fu den Bijbeltekst e taki. Wi musu leisi den na ini Bijbel srefi. Disi o yepi den studenti fu kon si taki den sani di den e leri e kon fu Gado.​—Yes. 54:13.

5. Fu san ede a prenspari taki a sma di e gi leri, musu sreka bun ibri leisi te a o studeri nanga wan sma?

⁵ A brochure no e fruklari ala den Bijbeltekst. Fu san ede? Dati de so fu gi a studenti deki-ati fu poti aksi èn fu gi a sma di e studeri nanga en na okasi fu gebroiki a koni fu en fu gi leri. Dati meki a prenspari fu sreka bun ibri leisi te yu o studeri nanga wan sma. Ma luku bun taki yu no e taki tumusi furu. Wi lobi fruklari den tekst, ma nofo tron a moro bun fu aksi a studenti fu fruteri fa a e frustan a tekst. Te wi e poti bun aksi gi en, dan dati kan yepi en fu frustan san ibri tekst wani taki.​—Tori 17:2.