Meki muiti fu doro na ati

Odo 3:1

SAN YU MUSU DU: Yepi den arkiman fu frustan san den leri èn fu du den sani dati.

FA YU KAN DU DISI:

• Yepi den arkiman fu ondrosuku densrefi. Poti aksi fu yepi den sma fu ondrosuku fa den e denki èn fa den e firi.

• Sori den taki yu abi a frutrow taki den wani du san bun. Gi den arkiman deki-ati fu ondrosuku fu san ede den e du san bun. Yepi den fu si taki den moro prenspari reide musu de: Lobi gi Yehovah, lobi gi tra sma èn lobi gi den sani di Bijbel e leri. Sori den arkiman fu san ede a de wan koni sani fu du san Bijbel e taki, ma no krutu den. Na presi taki yu e meki den firi syen, yu musu gi den deki-ati fu tan meki muiti fu du san bun.

• Poti prakseri na Yehovah. Sori fa den leri fu Bijbel, den gronprakseri fu Bijbel nanga den wet fu Gado e sori taki a lobi wi èn taki a abi moi fasi. Yepi den arkiman fu kon abi lobi gi Yehovah, fu di dati o yepi den fu hori den firi fu en na prakseri èn fu no du sani di a no lobi.