WI KRESTEN LIBI
Frutrow tapu Yehovah te wan sma e tan suku trobi nanga yu
Sma di e tan suku trobi nanga wi kan gi wi mankeri èn meki wi sari srefisrefi. Efu wi e frede te den e gens wi fu di wi e anbegi Yehovah, dan dati kan swaki a matifasi fu wi nanga Yehovah. Fa yu kan kibri yusrefi gi so wan sma?
Furu anbegiman fu Yehovah ben man horidoro fu di den ben frutrow tapu Yehovah di sma ben e frufolgu den (Ps 18:17). Fu eksempre, Ester ben opo taki fu sori Kownu sortu ogri-ati sani a takru-ati man Haman ben wani du (Est 7:1-6). Fosi a go taki nanga Kownu, dan a faste èn na so a sori taki a e frutrow tapu Yehovah (Est 4:14-16). Yehovah blesi a sani di Ester du èn a frulusu en nanga den ala den Dyu.
Yonguwan, efu wan sma wani du ogri nanga yu, dan begi Yehovah meki a yepi yu èn taki nanga wan bigisma, fu eksempre yu papa nanga mama. Yu kan de seiker taki Yehovah o yepi yu neleki fa a ben yepi Ester. Sortu tra sani yu kan du fu horidoro te sma e suku trobi nanga yu?
LUKU A FELEM DI MI BEN YONGU—SAN MI KAN DU TE TRAWAN E SUKU TROBI NANGA MI? BAKA DATI PIKI DEN AKSI DISI:
San yongusma e leri fu na eksempre fu Charlie nanga Ferin?
Fa papa nanga mama kan yepi den pikin te den luku san Charlie nanga Ferin ben taki?